ايرباج بونتو ايفو

**elpasha009** · 23-07-2013 01:34 AM

الحمد لله قدره الله وما شاء فعل
امبارح المدام وهي ماشيه بالعربيه نزلت في بلاعه جامده شويه والايرباج الاتنين فتحوا.
طبعا هي بطلت العربيه من الخوف ولما فاقت ورجعت تشغلها تاني مرديتش تشتغل وطلعت error message مكتوب فيها fuel cut off.
المهم خليتها تعمل ريست للعربيه والحمد لله اشتغلت.

انا عرفت من الكاتالوج والبحث على النت ان الايرباج سواء بتاعت السواق أو الراكب الأمامي ممكن تتغير بسهوله لأنهم عباره عن موديول بيتفك ويتركب عادي (يعني مفيش داعي لتغيير الطابلوه كله زي زمان).

السؤال بقى هل ممكن ألاقي الموديول ديه في الحرفيين ولا صعب؟؟ وهل حد جرب حاجه زي كده؟؟

ويارييت لو حد يعرف موقع بره مصر بيبيع الحاجات ديه بأسعار كويسه يقولي عليه.

شكرا

**svneleven** · 23-07-2013 07:28 AM

الحمد لله علي سلامة المدام و معلش عندي سؤال و لو مش في موضعه. حضرتك عملت الريسيت ازاي؟

**amrremah** · 23-07-2013 11:07 AM

هل دا طبيعى ان الايرباج تفتح من مطب؟ أعتقد ممكن تروح التوكيل تسألهم و تعمللهم مشكلة و يغيروهالك لأنى أول مرة أسمع عن ايرباج تفتح من مطب

**elpasha009** · 23-07-2013 11:13 AM

بتجيب المفتاح على mar
تشغل الاشاره يمين وتطفيها
تشغل اشاره شمال وتطفيها
تشغل يمين تاني وتطفيها
تشغل شمال تاني وتطفيها
وبعدين تجيب المفتاح على stop

بس كده,وفيه طريقه تانيه كمان وهي باب صغير ورا دواسه البنزين بتفكه وبتلاقي فيه زرار صغير تظغط عليه وخلاص

**elpasha009** · 23-07-2013 11:14 AM

المشاركة الأصلية كتبت بواسطة amrremah

هل دا طبيعى ان الايرباج تفتح من مطب؟ أعتقد ممكن تروح التوكيل تسألهم و تعمللهم مشكلة و يغيروهالك لأنى أول مرة أسمع عن ايرباج تفتح من مطب

أنا فعلا بفكر أعمل وكده وكمان هخليهم يعملوا تقرير وأبعته ايطاليا

**momomonti_15** · 23-07-2013 04:56 PM

عليك و على الكيلاني ؟؟؟

**elpasha009** · 23-07-2013 05:07 PM

المشاركة الأصلية كتبت بواسطة momomonti_15

عليك و على الكيلاني ؟؟؟

مش الكيلاني ده جديد بس؟؟

أنا بفكر أنزل الحرفيين وأجيبها مستعمله أحسن أو أشتريها من بره أرخص بس المشكله اني مش عارف موقع بيبيع الحاجات ديه

**mahmoudfawzypr** · 23-07-2013 05:11 PM

عادي جدا ان الارباج يفتح من مطب لو كان المطب جامد والعربية اتخبطت من تحت ....ومش في الفيات بس انا شوفت قبل كده بيجو الارباج فاتح لان العربية عدت على بلاعة عالية في الشيخ زايد فالعربية اتخبطت من تحت والارباج فتح ...وحضرتك لو بصيت في الكتالوج كويس حتلاقي فيه تحذير يتعلق بالجزئية دي

**svneleven** · 24-07-2013 06:36 AM

المشاركة الأصلية كتبت بواسطة elpasha009

بتجيب المفتاح على mar
تشغل الاشاره يمين وتطفيها
تشغل اشاره شمال وتطفيها
تشغل يمين تاني وتطفيها
تشغل شمال تاني وتطفيها
وبعدين تجيب المفتاح على stop

بس كده,وفيه طريقه تانيه كمان وهي باب صغير ورا دواسه البنزين بتفكه وبتلاقي فيه زرار صغير تظغط عليه وخلاص

ألف شكر علي ذوق حضرتك.

**momomonti_15** · 24-07-2013 06:46 PM

متهيألي الكيلانى عندو جديد و مستعمل ... كلموا و شوووف

الموضوع: ايرباج بونتو ايفو

LinkBack

أدوات الموضوع

عرض

-

المواضيع المتشابهه

بونتو ايفو

جنوت بونتو ايفو

زيت بونتو ايفو

بونتو ايفو ولا i20 ???

بونتو ايفو ؟

الكلمات الدلالية لهذا الموضوع

المفضلات

المفضلات

ضوابط المشاركة