الموضوع: بخصوص ياماها ماجيستي 250 cc ضرورى الرد

يا جماعة انا شاب 16 سنة وى معروض عليا ياماها ماجيستي 250 cc هى كشكل حلوة لاكن حاسا انها مش هتليق على شاب فا كونت عاوز اعرف مميزاتها ايه وعيوبها وى لو كانت هتليق عليا ولا لا ارجو الرد فى اسرع وقت اه بالنسبة لسعرها معروضة عليا 1800 افراج

مشكلة بلدنا المزمنة اللى ملهاش حل هي "قطع الغيار" ... يعني مدى توافر قطع الغيار وأسعارها هو اللى بيتحكم فى رغباتنا الشرائية ..
يعني للأسف بلدنا ماشي ف شوارعها "مخلفات حروب" ولكن ليها قطع غيار زي العربيات الدايو والفيات والموتوسيكلات الحلاوة والدايون ... إنما حاجات كتير جميلة وملهاش قطع غيار او نادرة ..
لازم تسأل عن قطع غيارها ف البداية لسببين .. أول سبب إنك تطمن إنها لو عطلت هتلاقي قطع غيار ومش هتقعد تعيط جنبها .. وتاني سبب عند إعادة البيع تبقى مطمن برضو إن اللى هيسأل عليها هيعرف ان ليها قطع غيار ويقدر ياخدها منك وهو مرتاح ..
كلمة السر هي : قطع الغيـــــــــــاااااار
لو بتفكر ف أسكوتر عموما يبقى أنصحك تمشي ورا كلام الناس اللى هنا وشوفلك سكوتر sym لإنه مضمون وقطع غياره موجودة وكمان مطلوب ف السوق ... الأنواع المجهولة أو النادرة الناس بتخاف منها .. للأسف دى ظروف الخرابة اللى إحنا فيها ولازم نستحمل بقى ..