انا بقالى فترة بجمع معلومات عن العربيتين دول هما الاتنين فى فئة العربيات السوبر مينى و الاتنين شكلهم جذاب حتى الان فقلت اكتب اللى انا اعرفع عنهم منها التاس تستفيد و لو فيه حاجة غلط ممكن الخبراء يصححوها
نبدا بالكورسا : الكورسا بدات 94 و كانت بتنزل بموتور 1200 45 حصانcc من غير تكييف ولا باور و كان فيها فتحة سقف و مرايات كهرباء و على كلام الناس لو فيها تكييف بيكون متركب و نزلت بعد كدة بموتور حديث و اقتصادى و قوى و هو موتور 1000cc 55 حصان و فيها تكييف و باور كهربا و الموتور دا ايكوتك 16v بس من تجميع المعلومات اتضح ان الناس اللى فى مصر مش بتحب الماتور دا و كله بيفضل 1200 cc القديم و ناس كتير بتركبله تكييف بس مش عارف بصراحة اداء التكييف بيبقى عامل ازاى
نيجى للبولو : البولو فيها موتورين 1300 cc و 1000cc
ال 1300 دا كربراتير او هاف انجيكشن يعنى رشاش واحد و كانت بتنزل بتكييف بس مش عارف ايه اخباره برضه مجربتوش و نزلت بعد كدة 1000 cc بنفس القوة بس مش متاكد كت فيها ايه كماليات جاية مع الفابريكة انا عمال بعمل ابحاث عنهم هنا و فى مواقع برة عشان ناوى اشترى واحدة منهم يا ريت لو حد عنده معلومات زيادة يفيدنا و لو حد جربهم يقول ايه انطباعه عنهم ..شكرا و كل سنة و انتم طيبين و رمضان كريم