ارجوكم افيدوني مشكلة غريبة في البونتو 94

**mohamed nemo** · 26-07-2013 12:31 AM

انا لسة شاري عربية بونتو 94 اول امبارح و مشيت بيها لقيت شوية مشاكل مش قادر احدد من ايه
1- مشكلتين بخصوص الكهرباء تقريبا
اول حاجة العربية لما ببطلها بعد مشوار طويل مبترضاش تقوم تاني تكة المارش مبسمعهاش حتي بتفتح كونتاك بس مفيش صوت مارش و بفضل جنبها ربع ساعة مثلا و اجي ادورها تدور تقريبا لما تبرد بتدور
تاني حاجة و دي خطيرة حصلت مرتين كنت ماشي علي التالت لقيت فجأة العربية بطلت و انا ماشي و الفرامل حجرت و مش راضية تقف الحمد لله كان الطريق فاضي و حضنتها علي جنب و دورتها دارت عادي
و حصلت مرة تانية انا راكن و مدور العربية و مشغل التكييف و بعد شوية لقيت العربية فصلت نزلت و الحرارة كانت قبل الاحمر بحلجات بسيطة لقيت بقا المياة اللي في العربية كلها طلعت من القربة و بتغلي
مش عارف العربية فصلت ليه (مشكلتي ليه فصلت) موضوع السخونية دة تقريبا السربنتينات بتاعت الريداتير عايزة تتفلج
عشان انهي مشكلة الكهرباء عندي كام سؤال
هل ممكن العربية تفصل و هي ماشية كدة عادي ؟
و هل بردو ممكن تفصل لما تسخن (فيها سنسورات يعني ولا ايه) ؟!
البطارية علي فكرة متغيرة من 10 ايام بالظبط
خلاص كدة بالنسبة للكهرباء بس بالنسبالي دي اهم حاجة
2- تاني مشكلة هي صوت صفارة في العجل علي السرعات العالية و اول ما المس علي الفرامل يروح بس لصوت ابتدي هادي و بعد كدة بقي لا يطاق
ارجوكم افيدوني في الكهرباء و السخونية و موضوع الصفارة دة
ولو حد يعرف كهربائي متخصص في البونتو يقولي بالله عليكو

**إبراهيم المصرى** · 26-07-2013 04:05 AM

اولا : شكل المارش عايز صيانة يتفك عند كهربائى كويس يتنضف ويتبص على الجلب والشربون وهكذا
ثانيا : بالنسبه انها بتبطل اثناء المشى اعتقد انها عايزه كشف على السرفيس بوجيهات وفلاتر ( هوا وبنزين ) وتنضيف البوابه بالاسبراى وهكذا والكشف على الزيوت الموتور والفتيس والفرامل