الموضوع: مشكله كانت بفتيس cvt والحمدلله اتحلت

الحمد لله انها طلعت حاجة بسيطة
لكن نصيحة شيك عليها كومبيوتر واتأكد ان كله تمام
معلومة كمان .. لازم تستخدم زيوت فتيس cvt خاصة وليس زيوت atf العادية
لأن الفتيس الcvt مختلف عن الفتيس الاتوماتيك النقلات والزيوت دى غالبا ما بتكون صنع نيسان مالكة المصنع اللى بيصنع الفتيس نفسه

المشاركة الأصلية كتبت بواسطة walidadel81

امبارح وانا راجع بالليل من اكتوبر كنت حابب انجزعشان كان الحق اتسحر
جريت بالعربيه وده عادي جدااا بس جيت وانت باخد المطب اللي قدام الامن الوطني اللي باول المحور جبت الفتيس علي وضع ال ds واخدت المطب وجريت بيه طلعت المحور وجريت بيه لحد 120 تقريبا
وبعدين وانا ماشي نقلت علي وضع ال D وكانت الكارثه ان لمبه ال N فضلت تنور وتطفي بستمرار
ركنت علي جنب بطلت العربيه وادور نفس الموضوع اجيب R لمبه ال N تطفي اجيب D لمبه ال N نتور وتطفي
بطلت العربيه وشلت الكابل الارضي حوالي ربع ساعه نفس الامر مجرد ما احط المفتاح وافتح الكونتكت نفس الامر من غير ما ادور حتي قولت خلاص عوضي عالله والفتيس اللي حيلتي باظ
المهم انا طبعا مستبعد خالص موضوع الزيت عشان انا فاضلي لسه 15 الف كيلو واغيره لاني مغيره علي 60 الف اقيس الزيت مظبوط عملت ايديل كنترول ولسه العطل

ركنتها بالجراج وشيلت كابل وطلعت اعدت ادور هنا بالمنتدي وعالنت ازي اعمل رسيت للكنترول بتاع الفتيس جبت طريقه وقولت اجربها
نزلت صليت الجمعه ورحت الجراج
اول شي كانت لازم تكون العربيه بارده
حطيت الكابل وفتحت الكونتكت وقفلته تلت مرات زي ما عارفين عادي
ودورت العربيه وهي علي وضع ال P
واستنيت لحد ما اخدت درجه الحراره بتاعتها الطبيعيه
شديت فرامل اليد زي ما كان موضح بطريقه عمل الرسيت للكنترول الفتيس
جبت العصايه علي وضع R ثم P
وبعدين N ثم P
وبعدين D ثم P
وبعدين DS ثم P
وبعدين L ثم P
بفضل الله لمبه ال N ماعملت الارم تاني وطفت طلعت جربت الحمدلله الفتيس عادي جدااا مافيش اي مشاكل واللمبه رجعت للوضع العادي ومن هنا حلفت اني هتعامل مع الفتيس ولا كاني بتعامل مع ابني يزيد الصغير ومش هكون قاسي عليه واجيب ال DS واعامله بكل حنيه واحترام لاني شوفت ليله الله مايورها لحد من كتر التفكير حبيت انقل التجربه عشان لاقدر الله لو حد وقع بنفس مشكلتي او لاقدر الله برده لو حد كيف يشد ويجري علي DS اقوله بلاش راح تبهدل نفسك

اولا ,,
لما لمبة ال N تنور و تطفى و انت اساسا ماشى على ال D ,, دا معناه check transmission و اول احتمال تفكر فيه ان حرارة زيت الفتيس عالية عن الطبيعى
و الحل انك تركن على جنب و تسيب العربية شغالة و تجيب الفتيس على ال P و تفتح الكبوت و تنتظررررررررررررررررررررر ررررررررررررررررررررررررر ر و بعد كدة تجيب الفتيس على ال D , لو لقيت لمبة ال N بطلت تنور يبقى كدة تمام الزيت درجة حرارته قلت اما لو مطفتش اللمبة يبقى توديها التوكيل يفحصلك الفتيس

لاحظ ان لمبة ال N مش هتنور و تطفى الا مع ال D و مش هتنور مع ال P او ال R

ثانيا ,,
بخصوص زيت الفتيس ,, الواحد اتنبح صوته ف كذا موضوع هنا ف المنتدى ان الفتيس ال CVT ليه زيت مخصص و لازم الاصلى

المشاركة الأصلية كتبت بواسطة monamize4

بومة CVT ???

متستخدمش اى atf ,, لازم الزيت يكون sp iii
يعنى مينفعش تحط dexron و كان فى خلاف ان dexron vi ينفع لكن منصحكش خالص و ناس قالوا انك ممكن تستخدك dexron iii مع Lubeguard لكن منصحكش برضة

لان friction coefficient مختلف و بالتالى لازم الviscosity, oxidation stability, Thermal stability تختلف
و دا طبعا لان تركيب ال CVT مختلف عن ال conventional auto ,, ال CVT بيتكون من 2 pulleys و بينهم belt

زى ما قلتلك لازم يكون Stp iii و الافضل انك تجيب الزيت الاصلى من التوكيل او اى موزع معتمد و بيكون DIA QUEEN و دا ال MITSUBISHI GENUINE
البومة بتاخد 5 لتر لو نزلت الزيت من الطبة , اما لو بجهاز شفط الزيت هتاخد حدود 8-9 لتر
العبوة ال 5 لتر اظن ان سعرها ف حدود 320 جنية

اى استفسار انا معاك
farewell

ثالثا ,,
ربنا يباركلك فيها و يحفظهالك و خلى بالك من الفتيس ال CVT لان اللى اعرفة ان مالوش تصليح ,, بيتغير على طول و على فكرة الفتيس دا جميل جدا ف السواقة