طلب مشوره بخصوص مرسيدس c180

**mbisar** · 29-07-2013 06:15 AM

والله يا شباب انا محتار و محتاج من حضراتكم المشوره
انا حاجز رينو فلوانس الجديده فيس ليفت و اعتقد انى ممكن استلم على شهر 9 تقريبا و العربيه تمنها 155 الف
وانا بفكر جديا انى ادور على مرسيدس سى 180 او سى 200 بدل الرينو انا عارف طبعا انها هتكون ماشيه كتير مقارنه بالرينو لأنها هتكون مستعمله والرينو زيرو بس بردو الواحد بيقول المرسيدس مرسيدس و تمنها فيها و ركوبه تانيه خالص
وانا ممكن اجيب حاجه فى حدود 175 الف بالكتير و دى حدودى
فيا ريت لو حد يتكرم و ينصحنى هل التفكير ده سليم و المبلغ ده ممكن يجيب انهى موديل و اكون شاكر لحضراتكم جدا
و كل عام و انتم بخير ....

**إبراهيم المصرى** · 29-07-2013 07:06 AM

فى راىى المتواضع والاهم انتظار اراء خبراء قسمى المرسيدس والرينو وانا اعلم ان مستواهم عالى جداً ولا يبخلوا بالنصيحة
رايي الشخصى المرسيدس ال 200 اعتماديه الى اقصى حد والقطع غيار متوافرة جداً جديد ومستعمل وفى اعادة البيع ممتازه على عكس الرينو مع احترامى وحبى لها وكمان المرسيدس فلوسها فيها وركوبه ملهاش حل لو حالة ممتازة والكشف فى مركز محترم او التوكيل اكيد هتكون صفقة رابحه واكيد خبراء القسم هيفيدوك اكتر منى وعموما ما خاب من استشار وما ندم من استخار

**titos_81** · 29-07-2013 07:39 AM

بص يا باشا و عن تجربه شخصيه لو انت من الناس اللى عايزه تركب و متلفش على صيانه و قطع غيار خليك فى الزيرو و لو انت عندك استعداد لده يبقى تمام لان طبعا المرسيدس لا وجه للمقارنه بينها و بين الفلوانس بس كمان عايز اقولك ملحوظه انت بتقول معاك فى حدود ال 175 دول تجييب بيهم حاجه c180 kompressor او c200 kompressor و طبعا موتور ال c200 جبار 163 حصان 2000cc و دى ممكن تجبها موديل 2004 /2005 حتعمل فى حدود من 160 ل 165 لو حاله ممتازه و ال 10000 اللى فاضلين دول تضبط بيهم العربيه صيانه من زيوت وفلاتر كامله و اهمها زيت و فلتر الفتييس و بوجيهات و سير المجموعه و تيل و الفرامل و الكاوتش لو محتاج يتغير و نشيك على العفشه برضه عشان تاخد احساس العربيه كانها زيرو بدون مشاكل انا عن نفسى عملت كده بس عملت كل الصيانات بنفسى عشان بحب اعمل ده جدا و على رواقه و ربنا يوفققك للخير و ماتنشاش صلاه الاستخاره و انا تحت امرك فى اى حاجه ابعتلى على الخاص

**ibiza50** · 23-08-2013 06:07 PM

السلام عليكم
انا هقولك راى الشخصى و ده مجرد راى المرسيدس لايضاهيها سياره اخرة حتى لو مستعملة الرينو هتكون زيرو و دى ميزه وقتية بعد سنتين هتبقى قديمة او مستعملة
المبلغ اللى معاك يجبلك c180 من 2004 الى 2005 حسب الحالة يعنى لو 2004 المعدلة ماشيه متوسط 70 الف كيلو متر او 2005 ماشيه متوسط 90 او 100 الف
اما الـ c200 فممكن من 2003 او 2004 بش الشكل الغير معدل
و سواء c200 او c180 ممتازين
وعموما المرسيدس 200او 180 تم انتاجهم فى مصر من عام 2001 و كانو هما الاثنين 1995cc ومن 2003 تم تعديل الموتور فقط بقى 1795 كومبريسور 180 143 حصان و ال200 نفس الموتور 1795 بس 160 حصان وتم تعديل السياراتين تعديلات طفيفة مع بقا نفس مواصفات المواتير كما هى من اخر 2004 و حتى 2007
و اخير يارب اكون قدرت افيدك
مع تحياتى

**dr_hamada** · 23-10-2013 12:26 AM

طيب بعد اذنكم انا لسه جديد في الc180 2002 وكنت عايز اعرف اي اسعار لقطع الغيار الاستهلاكية زي التيل والمساعدين والسيور واي حاجة تانيه تتتفضلوا بذكر اسعارها وممكن اشتريها منين وجزاكم الله خيرا .... د. أحمد خليفة