الماستر العمومي لو بايظ هتلاقي الفرامل مبتمسكش كويس و الزيت بينقص للمينيمم كل شوية و بينزل في السيرفو بكمية رهيبة و تفضل تزوده كل شوية
اما حكاية ان العجلة قافشة ده معناها ان السوستة مبتردش تاني بعد ما تدوس فرامل ايه دخلك في ماستر عمومي
و احب اضيف ان الماستر العمومي ميتجبش استيراد يتجاب جديد و تبص ع الكاوتش و تتأكد انه سليم لأن لقيتهم هنا بياخدوا القديم في عربيات هنا مش استيراد كمان و ساعات بايظ و بيتعمله طقم اصلاح و يبيعوا ع انه استيراد بالاضافة انه جديد اساسا في حدود 350 - 400 ج و تجيبه من مودرن موتورز نفسه الأصلي مش المضروب المنتشر في المحلات هنا كالعادة و بالمناسبة هتلاقيه بوش كمان في مودرن موتورز و محفوظ في كيس متبرشم جوة علبة و هتشوف الخامة و خامة الكاوتش كمان بنفسك
انا عن نفسي بقيت بجيب اغلب القطع من مودرن موتورز لأني لقيت محلات كتييير بيجيبوا قطع غيار من الاخر زبالة و يبيعوها باسعار عالية جدااا
بالمناسبة اللي تقصده في ميدان ابن الحكم تقريبا عصام فراج
حلك للعربية ديه تروح لميكانيكي محترم و تظبطها صح متمشيش ورا كلام صنايعية مش فاهمين او بيستهبلوا
كده حوار ان العجلة قدام قافشة زي مقولتلك اما لو اللي ورا ممكن حد رجلشلك فرامل اليد ع الشعرة و ديه حلها برده يريحها شوية
ايه تاني في العربية عندك ؟؟؟
المفضلات