سؤال لو هتشتري تشتري لانسر بومه ولا بيجو 301

**simon659** · 30-07-2013 04:14 AM

بعد مسا الفل لاحلي منتدي وبجد اكتر ناس بتفهم وبتقدر ونبتدي ونقول كل سنه وانتو طيبين وربنا يجعل شهر كريم علي الناس كلها ونبقي احسن بلد في الدنيا بينا بأزن الله
لو معانا 140 الف جنيه نشتري ايه بيجو 301 عربيه اوروبي بسيطه وهتشبعني بفتيس اوتو ممتاز واعتماديه ومعمره ولا اشتري لانسر عربيه برضو لا غبار عليها من ناحيه الاعتماديه وسحب وثبات وفتيس برضو ممتاز
فا حضراتكو شايفين ايه مع العلم نشيل نقطه قطع الغيار لان الاتنين اصلي سعرهم يكاد يكون متقابل وبعد فتره من السحب هنلاقي بدايل قطع غيار متوفره لان العربيه البيجو بسبب سعرها وامكانيتها عليها سحب بطريقه باينه جدا .
انتو شايفين ايه يا جماعه حد من ملاك 301 وملاك الانسر شايفين ثبات ايه احسن
توفير بنزين ايه احسن
الراحه الداخليه ايه احسن
بعد عمر نحس مين الي تعب اكتر لو الاستهلاك واحد
يعني واي حد عنده اضافه يضيف.
في سؤال بس الانسر الفتيس الاوتو بعد موديل 2010 طبعا استبترونك بيبقي المانويل بتاعه كام سرعه والبيجو كام سرعه .
وياريت نستبعد ان الانسر البوما هيتوقف انتاجها السنه الي جايه لان ده ممكن يكون سبب ان حد يؤل ابعد عنها علشان الشكل الجديد او غيره انا بس بتكلم في مبدأ وشكرا واسف علي الاطاله

**M I D O** · 30-07-2013 05:11 AM

رايي الشخصي العربيتين ممتازين وفي نفس الكفائة تقريبا لاكن الي يحسم الموقف بتاع حضرتك هوة الشكل ال 301 احلي و البومة برضو شكلها جميل بس خلاص اخدت وقتها ودة وقت ال 301

**mohjarr** · 30-07-2013 11:43 AM

البيجو ال301 صفقة بكل المقاييس.. عربية ناعمة و جراية و تكنولوجيا أحدث و أشيك و مافيش تهاون فى عوامل الأمان من أول فئة لأخر فئة بفرامل abs و 2 إيرباج كتجهيزات أساسية .
فتيس بتكنولجيا أعلى تيب ترونيك بالإضافة إلى 2 نمط رياضى و للأرض الزلقة و السيارة واسعة جداً مش هاتصدق غير لما تشوفها من جوة و شنطة واسعة جداً .
مش هأقولك أكتر من أن فى عائلتى فقط 4 سيارات هاى لاين و بندور على الخامسة هذه الأيام. و السيارة ماشاء الله إنتشرت فى منطقتى بشكل ملحوظ و يوجد الكثير من الحجوزات فى التوكيل .

**friendship7897** · 30-07-2013 01:48 PM

ربنا يوفقك فيما فيه الخير
متابعة جداً

**S O P H O S** · 30-07-2013 02:10 PM

لو اعتمادية وقطع غيار وبيع لانسر
ولو تميز وعربية جميلة وراحة وشئ مختلف يبقي بيجو

**simon659** · 30-07-2013 05:56 PM

يا جماعه من فضلكم ارتفاع العربيه عن الارض والحكات في المطبات ايه الاخبار ايه الافضل لاني من الشرقيه وده برضو موضو بصراحه مهم شويه

**mohammed dodda** · 30-07-2013 07:44 PM

شخصيا أفضل البيجو 301 :(فخامة و ركوبة اوروبى-جرى وثبات وامان-انتشار واضح ولسه مكملتش 6 شهور على بعض)..وطبعا ملاكها يفيدونا اكتر وفيه تقرير عنها فى منتدى البيجو