مشكله فى عفشة الإيكو

**Ahmedbasha14** · 31-07-2013 01:09 AM

السلام عليكم ورحمة الله وبركاته

أنا معايا تويوتا إيكو موديل 2004 أتوماتيك عامله 350 ألف كيلو ، المشكلة تتلخص ان فى صوت شخشخه جامد فى العربيه لما أمشى على الهادى فى حتة مكسره

يعنى مثلاً إمبارح كان فيه وصله بتترصف وحاطين فيها الطوب الأبيض الصغير ده ومش عاوز أقول لكوا الصوت كان عامل إزاى ز العربيه كانت بتطلع أصوات من كل حته

روحت للعفشجى قالى تيش إسكترا وفعلا جبت واحد جديد يابانى كان عامل 550 جنيه + مسمارين إستبليزر ب200 جنيه

إلا أن المشكلة لا زالت قائمه ، رجعت له تانى قالى المساعدين كل سنه وانت طيب خلاص بيودعوا

طبعا أن مأخدتش بكلامه ورحت لعفشجى تانى وبعد ما جربها قالى برضه مساعدين و 4 مسامير برامى تقريبا بالإضافه إلى إسكترا كامله وطبعا إسكترا كامله للإيكو هتكون فى حدود 1500 - 2000 جنيه

أعزائى الخبراء ممكن حد يفيدنى أعمل إيه ؟؟؟ أجيب المساعدين وأجرب ؟ ولا أجيب الإسكترا ولا أعمل إيه ؟؟؟

وألف ألف شكر على سعة صدركم

**Ahmedbasha14** · 31-07-2013 01:10 PM

مفيش أى زميل يقدر يفيدنى ؟ لأنى ناوى أنزل أجيب المساعدين إنهارده

**Ahmedbasha14** · 01-08-2013 11:08 AM

مش معقول يا جماعه مفيش ولا خبير من خبراء المنتدى عاوز يرد عليا ليه ؟

**a.one_1** · 01-08-2013 12:31 PM

طيب هما العفشجية دولا حلو العفشة وشافو ولا افتاءات
بص الموضوع مكلف وانا شايف ان العفشجى يحل الاول ويشوف الحاجة حتة حتة لان الموضوع ممكن يطلع بسيط جلب مقصات مثلا
فانت ياريت تخلى عفشجى يحل ويشتغل ولما يحل شوفها بقا محتاجة ايه وهاتوا

**Ahmedbasha14** · 02-08-2013 05:28 AM

المشاركة الأصلية كتبت بواسطة a.one_1

طيب هما العفشجية دولا حلو العفشة وشافو ولا افتاءات
بص الموضوع مكلف وانا شايف ان العفشجى يحل الاول ويشوف الحاجة حتة حتة لان الموضوع ممكن يطلع بسيط جلب مقصات مثلا
فانت ياريت تخلى عفشجى يحل ويشتغل ولما يحل شوفها بقا محتاجة ايه وهاتوا

متشكر جدا لرد حضرتك

هو طبعا جرب العربيه فى أكثر من طريق سواء مكسر أو كام مطب أو طلعنا على الدولى

أنا غيرت المساعدين ، إمتصاص الصدمات بأه أفضل ، بس لازال صوت الشخشخه مستمر كأن العربيه مفككه خالص

العفشجى الأخير ده قالى عاوزين إسكترا بالإضافة إلى واحد سروجى يربط العربيه كويس ، سألت على الإسكترا لقيتها فى حدود 1500 - 2000 وده طبعا كتير اوى عليا حاليا

الغريب انى روحت للحاوى وقالى العربيه مفيش فيها حاجه

**a.one_1** · 02-08-2013 10:43 AM

يابرنس والله لازم يحل -اللى بيقولك سكاترا ده من غير مايفك ويشوف ازاى ؟؟؟

انا كان عندى شخشة جامدة وانا ماشى على ار موش متساوية غيرت الكبالن والراجل اله يكرمه فك الاسكاترا وظبطها واشتريتلعا عدد اتني كاوتش بيانو (اسمها كده) ب 80 جنيه والشخشخة راحت خالص

مين بقا الحاوى ده ؟

**Ahmedbasha14** · 12-08-2013 12:45 PM

المشاركة الأصلية كتبت بواسطة a.one_1

يابرنس والله لازم يحل -اللى بيقولك سكاترا ده من غير مايفك ويشوف ازاى ؟؟؟

انا كان عندى شخشة جامدة وانا ماشى على ار موش متساوية غيرت الكبالن والراجل اله يكرمه فك الاسكاترا وظبطها واشتريتلعا عدد اتني كاوتش بيانو (اسمها كده) ب 80 جنيه والشخشخة راحت خالص

مين بقا الحاوى ده ؟

الحاوى ده على ما أعرف أشهر واحد بتاع عفشه فى إسكندرية