لسكان الجيزه .. مركز خدمه عثمان موتورز

**amirboulos** · 01-08-2013 10:54 PM

شباب الجيزه والهرم وفيصل ..حد جرب او يعرف حاجه عن مركز خدمه عثمان موتورز اللي في فيصل ؟؟
انا ليا واحد جاري بيشكر فيهم جدا وبيقولي محترمين وامناء جدا وواحسن من التوكيل بكتير وهو مركز خدمه معتمد يعني المفروض لو عملت الصيانات فيه مخرجش من الضمان ...انا حبيت اسأل اهل الخبره علشان لو كده اعمل صيانه ال 20000 فيه

**neemmohamed** · 02-08-2013 07:40 PM

انا روحت شوفت المكان .... هو يعتبر ورشة صغيرة او متوسطة .... بس المفروض انه معتمد من الوكيل ... بس انا مجربتهوش صراحة

**cheetos_892005** · 03-08-2013 03:59 AM

هما كويسين اوي و عندهم امانه

عيبهم الوحيد انهم مبيغيروش حاجة في الضمان
بيقولك دي بايظه لو لسه في الضمان روح التوكيال عشان بيغلبنا في استرداد الفلوس

**amirboulos** · 03-08-2013 03:02 PM

المشاركة الأصلية كتبت بواسطة cheetos_892005

هما كويسين اوي و عندهم امانه

عيبهم الوحيد انهم مبيغيروش حاجة في الضمان
بيقولك دي بايظه لو لسه في الضمان روح التوكيال عشان بيغلبنا في استرداد الفلوس

بس نفس قطع الغيار الأصليه والزيت بتاع التوكيل ؟؟؟ ومصنعيتهم زي التوكيل ولا ااقل ؟؟ وهل تقدر تشوف عربيتك وهي بتتصين ولا لأ ؟؟

**cheetos_892005** · 05-08-2013 01:11 PM

المشاركة الأصلية كتبت بواسطة amirboulos

بس نفس قطع الغيار الأصليه والزيت بتاع التوكيل ؟؟؟ ومصنعيتهم زي التوكيل ولا ااقل ؟؟ وهل تقدر تشوف عربيتك وهي بتتصين ولا لأ ؟؟

كل حاجه زي التوكيل و المصنعيات ممكن اقل شوية

**amirboulos** · 05-08-2013 01:18 PM

المشاركة الأصلية كتبت بواسطة cheetos_892005

كل حاجه زي التوكيل و المصنعيات ممكن اقل شوية

الف شكر

**elsherif_2000** · 05-08-2013 01:38 PM

المشاركة الأصلية كتبت بواسطة amirboulos

بس نفس قطع الغيار الأصليه والزيت بتاع التوكيل ؟؟؟ ومصنعيتهم زي التوكيل ولا ااقل ؟؟ وهل تقدر تشوف عربيتك وهي بتتصين ولا لأ ؟؟

انا عملت عندهم صيانه 10 و 15 و 20 و 25 و 30 و35 هما عباره عن محلين مفتوحين على بعض في الشارع ميزتهم انك بتبقى واقف مع الصنايعي و هو شغال و نفس قطع الغيار الاصليه بتاع التوكيل و تقدر تروحلهم في اي وقت من غير حجز .اكبر صيانه عملتها عندهم كانت صيانه ال 20 اخدت وقت 4 دقائق تغيير زيت دقيقه تغيير فلتر هوا 2 دقيقه تغيير بوجيهات 5 دقائق تشييك كامل على العربيه و مصنعيتهم اقل من التوكيل ب 100 جنيه
نصيحه مني روحلهم في الصيانات العاديه لكن لو في مشكله في العربيه روح على التوكيل
كفايه انك بتتعلم ازاي تعمل الصيانات العاديه بنفسك

**amirboulos** · 05-08-2013 01:47 PM

المشاركة الأصلية كتبت بواسطة elsherif_2000

انا عملت عندهم صيانه 10 و 15 و 20 و 25 و 30 و35 هما عباره عن محلين مفتوحين على بعض في الشارع ميزتهم انك بتبقى واقف مع الصنايعي و هو شغال و نفس قطع الغيار الاصليه بتاع التوكيل و تقدر تروحلهم في اي وقت من غير حجز .اكبر صيانه عملتها عندهم كانت صيانه ال 20 اخدت وقت 4 دقائق تغيير زيت دقيقه تغيير فلتر هوا 2 دقيقه تغيير بوجيهات 5 دقائق تشييك كامل على العربيه و مصنعيتهم اقل من التوكيل ب 100 جنيه
نصيحه مني روحلهم في الصيانات العاديه لكن لو في مشكله في العربيه روح على التوكيل
كفايه انك بتتعلم ازاي تعمل الصيانات العاديه بنفسك

حلو قوي الكلام ده ...هو ده المطلوب ان العربيه تتعمل قدامك وتشوف بيعينك وتتعلم ...بس اهم حاجة تبقي فعلا قطع الغيار اصليه وخصوصا الزيت وكمان تكون الصنايعيه بتفهم مش من النوع اللي بيفك ويرزع ويخبط في العربيه ...و اهم حاجة يكون التوكيل معترف بيهم ويتسجل علي السيستم في التوكيل اني عملت الصيانه في مركز معتمد علشان لو في عيب صناعه او مشكله في حاجة التوكيل ميبعنيش ...انا الصيانه الجايه الـ٢٠٠٠٠ لو فعلا زي ما بتقول يبقي اروح لهم اريح من لطعه التوكيل ومصنعياته الغاليه

**elsherif_2000** · 05-08-2013 02:08 PM

المشاركة الأصلية كتبت بواسطة amirboulos

حلو قوي الكلام ده ...هو ده المطلوب ان العربيه تتعمل قدامك وتشوف بيعينك وتتعلم ...بس اهم حاجة تبقي فعلا قطع الغيار اصليه وخصوصا الزيت وكمان تكون الصنايعيه بتفهم مش من النوع اللي بيفك ويرزع ويخبط في العربيه ...و اهم حاجة يكون التوكيل معترف بيهم ويتسجل علي السيستم في التوكيل اني عملت الصيانه في مركز معتمد علشان لو في عيب صناعه او مشكله في حاجة التوكيل ميبعنيش ...انا الصيانه الجايه الـ٢٠٠٠٠ لو فعلا زي ما بتقول يبقي اروح لهم اريح من لطعه التوكيل ومصنعياته الغاليه

الصيانات العاديه دي مافيهاش رزع او تخبيط
كان عندي كذا مشكله في العربيه و لما رحت التوكيل شافوا فواتير عثمان و اشتغلو في العربيه عادي و غيرولي دراع الكلاكس في الضمان

**amirboulos** · 05-08-2013 02:59 PM

المشاركة الأصلية كتبت بواسطة elsherif_2000

الصيانات العاديه دي مافيهاش رزع او تخبيط
كان عندي كذا مشكله في العربيه و لما رحت التوكيل شافوا فواتير عثمان و اشتغلو في العربيه عادي و غيرولي دراع الكلاكس في الضمان

الف شكر يا استاذ شريف ومعلش هتقل عليك في سؤالين وبس
- انا عندي الدراع بتاع الكلكس ده تقيل لما باجي ادي اشاره فهلل هو كده طبيعي ولا دي خشونه اوعيب وبدايه تلفه
- عندي تزييق وصوت في دواسه الدبرياج ومع كل صيانه بقلهم وبيزيتوها ويومين وترجع تاني ...فهل ده طبيعي ولا عيب في الدبرياج
معلش انا بسأل لاني خايف تكون دي عيب وهما بينوموني ولنا يخلص الضمان البس انا في الحيط