حد جرب السمكرة والدهان في المصرية؟

**Ralliart** · 03-08-2013 02:01 AM

أنا عايز ارش العربية كلها ماعدا السقف نضافة وكنت بفكر اوديها هناك علشان جربت ورش كتير وبيطلع الشغل زبالة مع انهم بياخدو مبالغ محترمة
وكنت عايز اعرف هل المصرية شغلهم محترم ويستاهل ادفع زيادة ولا لأ ؟

انا مفكرتش في دايموند علشان انا مرة عملت صيانة هناك وكانت الأسعار خيالية

**mohamed hussei** · 03-08-2013 02:35 AM

متروح عند الاستاذ كريم

**Ralliart** · 03-08-2013 03:41 AM

المشاركة الأصلية كتبت بواسطة mohamed hussei

متروح عند الاستاذ كريم

ليا تجربة وحشة مع نفس الصنايعية (قبل ما تبقى ورشة نايل موتورز) مفيش داعي لذكرها

**manfromegy** · 03-08-2013 12:36 PM

نصيحة لله.إوعي تروح توكيل دايموند ولاد تيييت.لما عربيتي إتخبطت من الضهر روحت هناك.شغلهم في منتهي السؤ و العفانه و الوساخه و ...... زي ما إنت عاوز تقول.ياباشا شوف مين أنصف سمكري عندك هوا اللي يعملك شغل و هوا اللي يقولك مين اللي يخلص البويه

**Ralliart** · 03-08-2013 03:35 PM

المشاركة الأصلية كتبت بواسطة manfromegy

نصيحة لله.إوعي تروح توكيل دايموند ولاد تيييت.لما عربيتي إتخبطت من الضهر روحت هناك.شغلهم في منتهي السؤ و العفانه و الوساخه و ...... زي ما إنت عاوز تقول.ياباشا شوف مين أنصف سمكري عندك هوا اللي يعملك شغل و هوا اللي يقولك مين اللي يخلص البويه

كويس ان حضرتك قلت علشان الناس تاخد بالها ،بس ازاي استلمت العربية من غير ميصلحو الغلطات؟
أنا تقريباً بدأت أفقد الأمل في اني الاقي سمكري محترم في مصر!
كله بيعمل من البحر طحينة ولما تيجي تستلم تتصدم ودا اللي مخوفني من اني اجرب عند أي حد وخلاص

**amro0000** · 03-08-2013 05:48 PM

ورشة كريم منير ممتاززززززززززززززززززززز ززززززززة جدا وبشهادة ناس كتير اوي كلامك مش مزبوط سامحني لاني قرايتي للناس الي اتعاملت في ورشة كريم منير ان الراجل دا وورشته وشغل الصنايعية مفيش احسن منهم انا اسف مع احترامي لحضرتك بس انا مش مقتنع بكلامك واقسم بلله انا لا تربطني بأستاذ كريم منير اي معرفة شخصية ولا غير شخصية بس انا بقول شهادة الحق

**manfromegy** · 04-08-2013 12:10 AM

المشاركة الأصلية كتبت بواسطة ralliart

كويس ان حضرتك قلت علشان الناس تاخد بالها ،بس ازاي استلمت العربية من غير ميصلحو الغلطات؟
أنا تقريباً بدأت أفقد الأمل في اني الاقي سمكري محترم في مصر!
كله بيعمل من البحر طحينة ولما تيجي تستلم تتصدم ودا اللي مخوفني من اني اجرب عند أي حد وخلاص

كامل إحترامي لورشة النايل موتورز أنا شفت صور لشغلها قبل و بعد تحفه.بس لو إنت من المنصورة ممكن أقولك علي واحد في ميت غمر ممتاز و مضمون بس غالي شويه روحتله بعد عك مع دايموند و خناق و هما مصممين إن الشغل مظبوط و تمام و لما روحت للسمكري في ميت غمر و فك الأكصدام إكتشفت كذا مأساة و إتصلحت قدام عيني و الحمد لله نصيحة ياريت الأستاذ كريم يسمح بنشرها دايموند غشاشين و عكاكين الي مالا نهايه و حسبي الله و نعم الوكيل فيهم أقول ايه بس.عموما الغلطه غلطتي أنا إني وثقت فيهم إنهم التوكيل ﻷ ودا الفرع الرئيسي باأبو رواش

**Ralliart** · 04-08-2013 12:47 AM

المشاركة الأصلية كتبت بواسطة manfromegy

كامل إحترامي لورشة النايل موتورز أنا شفت صور لشغلها قبل و بعد تحفه.بس لو إنت من المنصورة ممكن أقولك علي واحد في ميت غمر ممتاز و مضمون بس غالي شويه روحتله بعد عك مع دايموند و خناق و هما مصممين إن الشغل مظبوط و تمام و لما روحت للسمكري في ميت غمر و فك الأكصدام إكتشفت كذا مأساة و إتصلحت قدام عيني و الحمد لله نصيحة ياريت الأستاذ كريم يسمح بنشرها دايموند غشاشين و عكاكين الي مالا نهايه و حسبي الله و نعم الوكيل فيهم أقول ايه بس.عموما الغلطه غلطتي أنا إني وثقت فيهم إنهم التوكيل ﻷ ودا الفرع الرئيسي باأبو رواش

أنا فعلاً من المنصورة بس عايش في القاهرة ،ممكن تقولي على عنوانه مع انه صعب اسيب العربية هناك المدة دي

المشاركة الأصلية كتبت بواسطة amro0000

ورشة كريم منير ممتاززززززززززززززززززززز ززززززززة جدا وبشهادة ناس كتير اوي كلامك مش مزبوط سامحني لاني قرايتي للناس الي اتعاملت في ورشة كريم منير ان الراجل دا وورشته وشغل الصنايعية مفيش احسن منهم انا اسف مع احترامي لحضرتك بس انا مش مقتنع بكلامك واقسم بلله انا لا تربطني بأستاذ كريم منير اي معرفة شخصية ولا غير شخصية بس انا بقول شهادة الحق

أنا بتكلم عن تجربة عملية مش عن قراءة عالنت ،ومبحبش أتكلم في شغل حد خصوصاً انه مكانش متفق معاهم ساعتها انها تبقى ورشة نايل موتورز ممكن الـquality control زادت عليهم وربنا يباركلهم ويرزقهم

**Karim_Monir** · 04-08-2013 02:52 AM

اهلا وسهلا بيك وفعلا الشغل بيكون مختلف عشان ل شغل وليه ظروفة
الورشة عندنا احيانا بتقبل شغل تجاري بجودة قليلة
لكن كان اتفاقي مع شريكي مفيش شغل تجاري هايطلع لنايل موتورز نهائي
عشان كدة انا حابب اعمل عربيتك وما تدفعش فلوس نهائي الا لما تستلم وتكون راضي تماما
هي عربيتك لونها ايه وراشة ايه قبل كدة