الموضوع: مشكلة فى شنطة اللوجان ... وازمة فى ايجاد الحل

السلام عليكم يا رجالة.... اخوكم باسم من اسكندرية
دلوقتى انا عندى مشكلة فعربيتى اللوجان ودايخ فيها ومش لاقيلها حل فقلت اشوف رايكم ايه .
المشكلة هية ان السايس بتاع الجراج الى بحط فيه العربية اتعافى على الشنطة وحاول يفتحها بالغصب فكسر الدراع الفبر الى بيربط طبلة الشنطة بجسم الشنطة نفسه...طبعا لما جه وقالى حاولت ادخل المفتاح فى الطبلة عشان افتح الشنطة لقيت الطبلة بتدخل لجوه لكن الشنطة ما بتفتحش.
المهم تانى يوم روحت صلاح الدين ووديتها لسمكرى حبيبى هناك راح حل الكنبة الى ورا ودخل للشنطة والحمد لله عرف يفتحها ... وراح مطلعلى الطبلة وقالى ان الطبلة محطوطة فى جراب فبر الجراب ده فيه دراع بيوصله بجسم الشنطه والبيه السايس لما اتعافى عليها راح كسر الدراع ده ... وقالى روح اسال على الجراب ده لوحده او حتى نجيب طبلة بالجراب الفبر ونوديها لحد بتاع ابواب يفك الطبلة ديه ويحط بتاعة عربيتك .... روحت اسال بقى طبعا سمعت حاجات غيبة الى يقولى مش حتلاقى غير فى التوكيل والى يقولى طبلة استعمال ب 600 جم (طبعا سعر خرافى) والى يقولى اجيبهالك زى بتاعتك بعد اسبوعين برقم الشاسية ب 770 جم (تهريج برده).
معقوله عربية منتشرة الانتشار ده وموجوده من 2009 ومالقيش ليها اى مسمار فى السوق وايه الاسعار دى دى حيلة حتة طبلة بجراب فبر مش فانوس .
ياريت ياجماعة الى عندو فكرة ممكن ساعدنى بيها اكون شاكر جدا او حد يقولى ممكن اوفقلها ايه من اى عربية موديل تانى .
واسف للاطالة .

انا كان عندى تقريبا نفس المشكلة اللسان الفبر اتكسر فدورت كتير و ملقتش غير التركى وجربته بس طلعت مش مظبوطة و غيرتها من عند كذا حد لقيت نفس المشكلة فى التركى كله
المهم بعد عناء طويل لقيت صنايعى فى شارع صلاح الدين (اسكندرية ) عنده واحدة لسانها سليم بس فيها حتة تانية مكسورة (ودن فبر من الاتنين اللى بيرتكز عليهم قطعة معدن شبه مشبك الغسيل )واشتغلت الحمد لله

ملحوظة الكليو تنفع معاك لو لقيتها ناس كتير كانت بتقولى كده