الموضوع: استفسار الطريق من المعادي الى شرم الشيخ بالسيارة

المشاركة الأصلية كتبت بواسطة ahmedpharma

ازيكم يا شباب

للأسف رمضان بيسلم علينا و ماشي و سايبنا
بس عزائي أن العيد جاي بعده يفرحنا ان شاء الله

كل سنة و أنتم طيبين و مصر كلها بخير يا رب

ان شاء الله مسافر السبت الجاي رايح شرم الشيخ أنا و مراتي و الأولاد و نويت أسافر بالعربية

فكرتي في السفر بالعربية أننا نكون براحتنا مش مرتبطين بحاجة و لا بحد

و في نفس الوقت أوفر و أكرم من السوبرجيت و الانتقالات الداخلية جوة شرم بالتاكسي

أن شاء الله هاتحرك على الساعة 8 صباحا من المعادي علشان أوصل على ميعاد الشيك ان في الفندق

عندي كام سؤال و أتمنى تستحملوني و تفيدوني بخبراتكم

أولاً : أخد طريق ايه من المعادي؟ يعني أطلع دائري و أخد طريق السخنة و لا طريق السويس؟؟

يا سلام لو وصف تفصيلي للطريق من المعادي أكون شاكر جدا ليكم

ثانياً : المسافة كام كيلو و تاخد اد ايه وقت تقريباً ؟

ثالثاً : ايه البنزينات و الاستراحات الكويسة المضمونة الموجودة في الطريق (معايا الأولاد) ؟

رابعاً : لو عندكم أي نصائح أو خبرات يا ريت تفيدوني بيها

و شكرا جدا لاهتمامكم و كل سنة و أنتم طيبين

و عليكم السلام و كل سنه و حضرتك طيب
لو حضرتك رايح من المعادي يبقي تطلع علي شارع اللاسلكي و منه لشارع النصر فالاتوستراد ثم الطريق الدائري و منه لطريق القاهره السويس و هتمشي فيه حوالي 85 كيلو فيه و بعدين هتلاقي u turn تلف منه و ده هيدخلك نفق الشهيد احمد حمدي بعد كده هتطلع منه تدخل يمين في طريق رأس سدر و هتكمل فيه هتلاقي طريق الطور رأس سدر و برضه تكمل فيه و هتدخل شمال علي طريق الطور سانت كاترين ثم طريق شرم الشيخ الطور و بعد كده تلاقي مدخل شرم الشيخ . طبعا ده وصف باختصار بس الطريق حضرتك هتلاقي عليه يفط كتير علشان ما يتوهش و هو ان شاء الله بسيط و ان كان طبعا طويل .

بالنسبه لطول المسافه هي مبدأيا هتبقي معديه ال ٥٠٠ كم يعني ممكن نقول كمتوسط ٥٥٠ كم مثلا و زمن الرحله اكيد يتوقف علي سرعه قياده حضرتك و هتقف ترتاح قد ايه بس خلينا نقول برضه في المتوسط من ٦ ال ٧ ساعات .

بالنسبه لتوقيت السفر يستحسن لو ينفع حضرتك تطلع بدري شويه عن كده يعني علي ٦.٣٠ مثلا او حتي ٦ صباحا و ده علشان تقلل المشي في الحر علي قد ما تقدر و حتي لو وصلت بدري شويه مش مشكله بس علي الاقل تقعد في الفندق في الظل.

بالنسبه للنصائح طبعا تراجع علي ضغط الهواء في الاطارات و مستوي السوائل في السياره اللي هي الزيت و المياه و لو في اي صيانه او تغيير زيت تغيره قبل ما تسافر و ان حضرتك تفول العربيه من بنزينه كويسه و قريبه لطريق السويس زي مثلا إمارات مصر اللي قبل كارفور او شل اللي علي الدائري و فوّل العربيه لحد الزور لان الطريق طويل و بعد كده البنزينات هتبقي قليله و كمان مش مضمونه جوده البنزين بتاعها لان كتير منهم بيعتمدوا علي انك هتمون مضطر و ممكن تبقي تقف تريح في بنزينه مش مشكله و تفول تاني مثلا لما التانك يوصل للنصف علشان تبقي في الامان و حاول ما تفضلش مشغل التكييف علي طول علشان الحمل علي الموتور و كمان استهلاك البنزين و علشان كده قلت لحضرتك تسافر بدري .
طبعا لازم تبقي متابع الأخبار علشان تتأكد ان النفق مفتوح مش قافلينه و تراجع علي الاستبن و تخللي معاك شنطه عده صغيره و كشاف طوارئ و يبقي معاك منفاخ للعجل اللي بيتوصل علي البطاريه ده و طبعا يبقي عينك علي الطريق و علي العربيات اللي حواليك و يستحسن لو لقيت عائله مسافره هناك برضه تمشوا ورا بعض كنوع من الامان و الموبيل يبقي مشحون و فيه رصيد و لما توصل هناك تحط تكمل تفويل العربيه لان البنزين هناك احيانا بيبقي قليل و عليه زحمه فباستمرار حاول انك تبقي مغطي النقطه دي و توصل بالسلامه ان شاء الله و رحله سعيده

المشاركة الأصلية كتبت بواسطة land_cruiser

و عليكم السلام و كل سنه و حضرتك طيب
لو حضرتك رايح من المعادي يبقي تطلع علي شارع اللاسلكي و منه لشارع النصر فالاتوستراد ثم الطريق الدائري و منه لطريق القاهره السويس و هتمشي فيه حوالي 85 كيلو فيه و بعدين هتلاقي u turn تلف منه و ده هيدخلك نفق الشهيد احمد حمدي بعد كده هتطلع منه تدخل يمين في طريق رأس سدر و هتكمل فيه هتلاقي طريق الطور رأس سدر و برضه تكمل فيه و هتدخل شمال علي طريق الطور سانت كاترين ثم طريق شرم الشيخ الطور و بعد كده تلاقي مدخل شرم الشيخ . طبعا ده وصف باختصار بس الطريق حضرتك هتلاقي عليه يفط كتير علشان ما يتوهش و هو ان شاء الله بسيط و ان كان طبعا طويل .

بالنسبه لطول المسافه هي مبدأيا هتبقي معديه ال ٥٠٠ كم يعني ممكن نقول كمتوسط ٥٥٠ كم مثلا و زمن الرحله اكيد يتوقف علي سرعه قياده حضرتك و هتقف ترتاح قد ايه بس خلينا نقول برضه في المتوسط من ٦ ال ٧ ساعات .

بالنسبه لتوقيت السفر يستحسن لو ينفع حضرتك تطلع بدري شويه عن كده يعني علي ٦.٣٠ مثلا او حتي ٦ صباحا و ده علشان تقلل المشي في الحر علي قد ما تقدر و حتي لو وصلت بدري شويه مش مشكله بس علي الاقل تقعد في الفندق في الظل.

بالنسبه للنصائح طبعا تراجع علي ضغط الهواء في الاطارات و مستوي السوائل في السياره اللي هي الزيت و المياه و لو في اي صيانه او تغيير زيت تغيره قبل ما تسافر و ان حضرتك تفول العربيه من بنزينه كويسه و قريبه لطريق السويس زي مثلا إمارات مصر اللي قبل كارفور او شل اللي علي الدائري و فوّل العربيه لحد الزور لان الطريق طويل و بعد كده البنزينات هتبقي قليله و كمان مش مضمونه جوده البنزين بتاعها لان كتير منهم بيعتمدوا علي انك هتمون مضطر و ممكن تبقي تقف تريح في بنزينه مش مشكله و تفول تاني مثلا لما التانك يوصل للنصف علشان تبقي في الامان و حاول ما تفضلش مشغل التكييف علي طول علشان الحمل علي الموتور و كمان استهلاك البنزين و علشان كده قلت لحضرتك تسافر بدري .
طبعا لازم تبقي متابع الأخبار علشان تتأكد ان النفق مفتوح مش قافلينه و تراجع علي الاستبن و تخللي معاك شنطه عده صغيره و كشاف طوارئ و يبقي معاك منفاخ للعجل اللي بيتوصل علي البطاريه ده و طبعا يبقي عينك علي الطريق و علي العربيات اللي حواليك و يستحسن لو لقيت عائله مسافره هناك برضه تمشوا ورا بعض كنوع من الامان و الموبيل يبقي مشحون و فيه رصيد و لما توصل هناك تحط تكمل تفويل العربيه لان البنزين هناك احيانا بيبقي قليل و عليه زحمه فباستمرار حاول انك تبقي مغطي النقطه دي و توصل بالسلامه ان شاء الله و رحله سعيده

شكرا جدا لاهتمامك يا أستاذ land_cruiser

حضرتك كده سهلتلي الموضوع الحمدلله و ان شاء الله هاطلع بدري على الساعة 6 مثلا
و ان شاء الله هعمل تشيك كويس على كل حاجة في العربية قبل ما أسافر و هأغير زيت

استفسار تاني صغير معلش

لو أنا طالع الدائري من ناحية اوتوستراد المعادي منزل طريق السويس هيبقى بعد منزل السخنة بكام منزل

على حسب ما أنا فاكر منزل السخنة-القطامية و بعديه منزل القاهرة الجديده و بعديه منزل التجمع الخامس
فاضل كده كام منزل على طريق السويس؟؟

المشاركة الأصلية كتبت بواسطة ahmedpharma

شكرا جدا لاهتمامك يا أستاذ land_cruiser

حضرتك كده سهلتلي الموضوع الحمدلله و ان شاء الله هاطلع بدري على الساعة 6 مثلا
و ان شاء الله هعمل تشيك كويس على كل حاجة في العربية قبل ما أسافر و هأغير زيت

استفسار تاني صغير معلش

لو أنا طالع الدائري من ناحية اوتوستراد المعادي منزل طريق السويس هيبقى بعد منزل السخنة بكام منزل

على حسب ما أنا فاكر منزل السخنة-القطامية و بعديه منزل القاهرة الجديده و بعديه منزل التجمع الخامس
فاضل كده كام منزل على طريق السويس؟؟

العفو يا فندم و حضرتك ماشي علي الدائري هتعدي النفق الاول اللي هو بتاع التجمع الخامس و تفضل مكمل علي طول علي الدائري و تعدي كمان النفق التاني اللي عند اكاديميه الشرطه و برضه تكمل طوالي لحد ما تلاقي بنزينه موبيل و ماريوت ميراج هتنزل من اول فتحه من جنبهم هتنزل حضرتك منها علي طريق القاهره السويس في اتجاه السويس فبعد البنزينه و ماريوت ميراج خليك علي اليمين و هتلاقي يافطه مكتوب عليها طريق السويس

ومن طريق السويس تاخد اول ملف بعد كمين السويس وتاخد طريق الرائد وده طوله 15 كيلوا تقريبا لغايه النفق وع اول النفق ف بنتزين وطنيه واحده بس الشغله والتانيه صيانه وتوصل بسلامه

المشاركة الأصلية كتبت بواسطة akmm

كل سنه وانتم طيبين .. وعيد سعيد .

و حضرتك طيب و بخير و صحه ان شاء الله

تروح و تيجى بالسلامه