الموضوع: حكاية مع الاوبترا لاستفادة

السلام عليكم

أنا أخوكم محمد بازيد مقيم بجدة ومعايا اوبترا 2005 اتوماتيك من حوالى 3 شهور والعربية فيها حاجة غريبة العربية فى الصبح بتدور بصعوبة والعربية لما بتدور بتفضل لمبة التشيك والهولد منورين وبعد شوية لو بطلت ودورت بيختفوا عادى المهم لفيت كثير فى المنتديات والورش محدش وصل لحاجة اللى يقول طرمبة بنزين واللى بيقول بطارية واللى يقول حساسات والمشكلة انى لما كنت اكصف عليها كمبيوتر يقولك مفيش حاجة المهم يوم الخميس كنت فى مشوار والعربية بطلتها عادى واجى أدور حلفت بالطلاق مانا دايرة المهم شميت ريحة بنزين ولقيت بنزين بينزل تحت التانك المهم شيلت الكنبة وفتحت على الطرمبة الاقى الافيز البلاستيك اللى ماسك الخراطيم فى الطرمبة مكسورين الاثنين اتارى الطرمبة شديدة الحمد لله المهم صلحت القصة ودورت دارت وكله تمام كدة يبقى احنا اتاكدنا من الطرمبة والبطارية انهم برة الليلة المهم امبارح السبت كان اجازة قلت اروح اشوف بقى المهم ربنا كرمنى بورشة فيها واحد بيفهم المهم قالى انت عايز اية قولتله فك الرشاشات نضفها المهم قالى طيب وبدائنا الشغل على الساعة 1 الظهر وفى سكتنا غيرنا جوان غطا البلوف اللى هو التاكيهات بس للاسف ملقيتش غير البلاستيك الاصلى وكان ب50 ريال والمهم فكينا الرشاشات كانت هباب اسود ومقفولة بحاجات زى اللى بيترش على الاسفلت عندنا فى مصر المهم بدا ينضف بمنظف كرابيراتير وبعدين حطها على الجهاز وعينك متشوف الا النور 4/1 ساعة على مشتغلوا كلهم زى الناس والدنيا بدات تنور المهم قفل الوش وركبنا الرشاشات ودورنا دارت الحمد لله والراجل قالى اخبط مشوار نضيف حركة 120 كم ولا حاجة تنظف العربية المستفاد من الموضوع
1- الرشاشات لازم تتنضف مرة كل سنة
2- جوان غطاء التاكيهات لابد من مراجعتة كل فترة
3- متابعة سحب العربية

النتيجة بقى بعد اللى حصل
1- سحب العربية اتحسن جدا فى الاول كنت راكب توكتوك
2- موضوع الدوارة اتظبط الحمد لله
3 - باقى ان شاء الله اطلع فى العبد المدينة مشوار محترم انضف الرواسب الموجودة
وبعدين ارجع ان شاء الله اغير البوجيهات تانى نضافة
والموضوع مفتوح للمناقشة وللاستفسارات


اسف للاطالة

اخوكم

محمد بازيد