فرامل الافيو

**mmtronic** · 06-08-2013 06:52 PM

كل سنه و انتم طيبين

انا معايا افيو اوتوماتيك ٢٠٠٩

الفرامل مجننانى .... ضعفت و دلوقتى العربية متقوقفش إلا لما ادوس على البدال و اعصره للآخر و دا طبعا فى فرامل الخطر كارثه كبيره

تحس أن فرامل العربية عاده مش سيرفو ( الى ركب عربيات قديمه فرملها عاده حيعرف بتكلم عن إيه )

التيل و الطنابير اصلى مركبهم فى التوكيل ( الطنابير بس مخروطه مره واحده بس بسبب الريجه و اتركبت بعد الخرط )

حد ظهر معاه الموضوع ده قبل كده

انا شاكك فى أن ممكن تكون عايزه يتاخدلها هوا ؟

أو ممكن خرط الطنابير يكون السبب ؟

ولا يكون الماستر؟

**exact** · 06-08-2013 09:50 PM

اولا... الاحتمال الاكبر ان التيل نوعه ردئ.... ده هتعرفه انك تفك التيل وتضنفره كويس جدا وما تعملش اي حاجة تانية فالفرامل وتطلع بيه مشوار وتشوف مسكة الفرامل... هل بقت قوية وللا لآ... لو اتغيرت بدرجة كبيرة... يبقى ده عيب تيل

ثانيا... حضرتك لازم تاخد هوا من دورة الفرامل على الاربع عجلات... واثناء ما بتاخد هوا اياك ان الميكانيكي يكارك فرامل والبلف بتاع الزيت مفتوح

ثالثا راجع على خطوط الفاكيوم او خراطيم الهوا اللي رايحة من الموتور لبوستر (سيرفو) الفرامل

**Dr/ P.K.Sh** · 06-08-2013 11:35 PM

متابع

**mmtronic** · 07-08-2013 12:38 AM

المشاركة الأصلية كتبت بواسطة exact

اولا... الاحتمال الاكبر ان التيل نوعه ردئ.... ده هتعرفه انك تفك التيل وتضنفره كويس جدا وما تعملش اي حاجة تانية فالفرامل وتطلع بيه مشوار وتشوف مسكة الفرامل... هل بقت قوية وللا لآ... لو اتغيرت بدرجة كبيرة... يبقى ده عيب تيل

ثانيا... حضرتك لازم تاخد هوا من دورة الفرامل على الاربع عجلات... واثناء ما بتاخد هوا اياك ان الميكانيكي يكارك فرامل والبلف بتاع الزيت مفتوح

ثالثا راجع على خطوط الفاكيوم او خراطيم الهوا اللي رايحة من الموتور لبوستر (سيرفو) الفرامل

شكرًا جزيلا لاهتمامك

بس تيل الفرامل أصلى مركبه فى التوكيل

تانى حاجه البدال واطى عن ما كان قبل كده و مفيش زيت بينقص لانى ليسه مشيك عليه

لو حضرتك توضح اى إزاى يأخذ هوا لانى على ما سوفت فى العربيات القديمة لازم اكارك ثم اضغط بقوه فيقوم فاتح بلف الهوا عند الأجهزة لخروج الزيت هل ده مختلف فى الحديث؟

انا بصيت على الخراطيم من بره كده و تبدو سليمه