العربيه اترسم عليها بمسمار

**طارق _عبد السلام** · 08-08-2013 12:39 AM

السلام عليكم

طبعا انا بكتب الموضوع ده ومخنوق بطريقه رهيبه والله حاسس ان هيحصل لى حاجه
انا الضغط عندى اصلا مش مظبوط وربنا يلطف بينا

انا النهارده من شويه كنت راكن فى شارع رئيسى ومفيش عشر دقائق بسلم على صديق لى وبقول له كل سنه وانت طيب والعربيه على الجهه المقابله لى من الطريق شفت اولاد صغيرين بيحوموا حولين العربيات وقربوا من عربيتى انا قلت لصديقى العيال دى بتسرق العلامات خلصت كلام بسرعه ورحت عليهم طبعا الولاد طارو امنت على العلامات لقيتهم اخدو كلمه فانتازيا فى داهيه المصيبه بقى لقيتهم رسمولى الكبوت بمسمار والجنبين انا شفت المنظر الدم كان هينفجر من دماغى ولا د ال..................
العربيه 2010 فبريكه منهم لله بجد قلبى محروق جدا

مفيش اى حل انى ادارى الخرابيش دى هى وصلت للصاج اى حد عنده تجربه من فضلكم يقولى عليها لانى مش قادر والله دمى بيغلى بطريقه بشعه منهم لله

**طارق _عبد السلام** · 08-08-2013 02:43 AM

المشاركة الأصلية كتبت بواسطة إبراهيم المصرى

ربنا يعوض عليك مفيش حاجة فى الدنيا تستاهل
مفيش حل غير التلميع مش هقالك هيعالج 100% ولكن ممكن بنسبة 70% جرب وخير ان شاء الله

ربنا يجزاك كل خير على المتابعه
وهحاول بعد العيد ان شاء الله يعنى ولا قلم الخدوش ولا اى حاجه ممكن تاثر اصل المشكله مش عارف انسى المنظر والواد عاملها بغباء جدا حسبى الله ونعم الوكيل

**adelghanem** · 08-08-2013 06:13 AM

معلش ربنا يصبرك
حاجه تخلى الدم يغلى بجد
الحمد لله على كل اللى يجيبه

**manfromegy** · 08-08-2013 08:54 AM

بص ياباشا فداك معلش.أنصحك في مركز إسمه زيرو ون لعلاج الخدوش دور عليه علي النت و كلمهم أنا كان معايا رقمهم و للأسف ضاع مني و بصراحة ما جربتوش

**ALKareem** · 08-08-2013 09:50 AM

بص فية مركز للخدوش في شبرا الخيمة اول ما تنزل من كوبري المظلات تروح عند الجامع لف من قدامة يو ترن و ادخل اول شارع يمين الي فية الملاهي القديمة لو سالت على اي حد هيدلك عليها اسال على ورشة ابو ابراهيم هو بيعمل الخدش نفسة بيحط علية مادة كدة شبة المعجون و يرش الخدش بس بيطلع زي الاصلي بظبط بي 50 جنية و معلش الحمد اللة جات على قد كدة