اشترى ستروين ax والا ابعد عنها احسن افيدونى

**ramsisthethird** · 09-08-2013 03:08 AM

انا معجب جدا بالعربيه الستروين ايه اكس من فتره بس كنت خايف منها عشان مش كانت منتشره وكنت خايف من قطع الغيار والصيانه بس الميكانيكى بتاعى قالى انه بيشتغل فى العربيات دى وانها كويسه. الصراحه انا مش مطمن لكلامه لانه بيتاجر فى العربيات وكان معاه اكتر من عربيه سيتروين. المهم ياجماعه عايز الناس اللى معاها سيتروين تقولى رايها بالضبط فى العربيه. هل اعطالها كتير والا عربيه تسد؟ وهل قطع الغيار متوفره واسعارها بالمقارنه بالعربيات المنتشره زى هيونداى ودايو؟ واخيرا راى واحد قولا واحدا اشتريها والا ابعد عنها؟
ارجوكم افيدونى بسرعه لانى محتار بينها وبين الاكسيل 1300 والسوزوكى سويفت بس انا معجب اكتر بالستروين.

**إبراهيم المصرى** · 09-08-2013 05:55 AM

بالنسبه للاكسيل ولا سويفت ولا ax ؟ يبقى اكيد اكسيل مش عايزه كلام او سويفت
المهم حضرتك ميزانيتك كام ؟

**rotanamasoud** · 09-08-2013 07:41 PM

العربيه ممتازه واعتماديه شرط الحاله ولو الميزانيه اكبر هات الzx

**ramsisthethird** · 10-08-2013 01:58 AM

الميزانيه المرصوده للعربيه اقصى حاجه 30000

**ramsisthethird** · 10-08-2013 02:00 AM

المشاركة الأصلية كتبت بواسطة rotanamasoud

العربيه ممتازه واعتماديه شرط الحاله ولو الميزانيه اكبر هات الzx

ليه zx فيه فرق غير الحجم بين الاتنين؟

**Esam Mosaad** · 10-08-2013 03:08 AM

انا شايف ان 30 الف

يجبولك حاجه افضل من الستروين سواء ax or zx

عليك وعلى الاكسيل عربيه كويسه او كيا برايد

**ramsisthethird** · 10-08-2013 01:52 PM

المشاركة الأصلية كتبت بواسطة esam mosaad

انا شايف ان 30 الف

يجبولك حاجه افضل من الستروين سواء ax or zx

عليك وعلى الاكسيل عربيه كويسه او كيا برايد

الاكسيل النضيف منها بيعمل 34 وكذلك برايد وكمان البرايد قليل المعروض منها وتكون كامله وبحاله كويسه ولو لقيت واحده تلاقى صاحبها طالب مبلغ كبير. اما الاكسيل موجود منها فى حدود 30 الف بس بتبقى حاله مش قوى وكتير بلاقى عربيات مش مكيفه. انا اخترت السيتروين او بفضل السيتروين عشان تمنها كويس يعنى 22 الف تجيب عربيه كويسه ومكيفه وبصراحه التكييف مهم قوى فى الصيف. انا كان عندى اونو بس مش مكيفه وكانت كويسه بس موضوع التكييف ده لقيته مهم جدا. وواحد صاحبى معاه سيتروين ايه اكس مكيفه وبسم الله ماشاء الله لما سقت عربيته لقيت ناعمه وشديده وعجبتنى الصراحه.
طيب ايه راى حضرتك فى السويفت لو عندك معلومات عنها

**ramsisthethird** · 10-08-2013 01:57 PM

المشاركة الأصلية كتبت بواسطة elghrory

الإكسل عربيه زباله جيب zx افضل من ال ax صالون اكبر وحوض اوسع ينفع تركب فيها بور او تسقط المحرك ال 1600 وبعدين ال zx على قنطرة وال ax على علب

طيب ال zx تعمل كام وايه اخبار قطع الغيار والصيانه. اسعار قطع الغيار عامله ايه. اخبار العربيه معاك ايه مشاكلها ايه . واذا كان تمنها قريب من السويفت هل برضه تفضل الستروين

**rotanamasoud** · 10-08-2013 06:58 PM

المشاركة الأصلية كتبت بواسطة ramsisthethird

ليه zx فيه فرق غير الحجم بين الاتنين؟

انا ركبت الاتنين ومن واقع تجربتى
طبعا اهم الفروق الوسع والوسع مش طبيعى يعنى اوسع من الدايو
وسع الحوض بيسهل جدا على الصنيعيه الشغل فيها
كبر نظام التبريد وده بيحسن التكييف وبيقلل مشاكل الحراره
الثبات على السرعات العاليه
العربيه على قنطره والاخرى شاسيه والشاسيه ممكن يفتح(عند حدوث مشكله زى اكل مطب بسرعه عاليه وتدمير التعليق من تحت قنطره جديده يصبح كل شيء زيرو)
توافر قطع الغيار بصوره اكبر بمراحل من الصغيره ووجود الجديد والمستعمل
امكانيه التحديث يعنى ممكن تركب بور جنوط 15 محركات اعلى فتيس اوتو كل ما هو يركب على ال405 او الاكسارا حتى تحديث الفرامل لسكينه خلفيه يتعمل
الامان برغم ان العربيه موديل التسعينات الا انى عندى فيديو اختبار حوادث واخده نقط عاليه والابواب فى النسخه الاوروبى اللى زى اللى معايا مصفحه بقضبان على الاجناب
اهم ما يميز الصغيره قوه موتورها عليها(حتى مع التكييف التجميع خرافى) وثباتها وجودتها وانا اعشق الax واتذكر ايامها ولاكن الكبيره وهمتنى اكتر منها
الاكسيل انزل شوفها بتتشد عند اى سمكرى ستجدها مخرمه من كتر الباروما وبتصرف كتير ومش جامده انا عربيتى كل الباروما اللى فيها (عملتها الاحمد لله لا تصل لحجم كف اليد يعنى متجيش1%بعد العمر ده وماشيه ربع مليون كيلو
والبرايد مش عجبانى ودى ازواق لو بتهتم بالسوق يبقى خليك فى الشعبى لو انت ركيب (بس عربيهzx سليمه) حتدعيلى
اخر نقطه السعر سعر الzx من 22 الى 32 والدارج 25 وال25 يجيبو عربيه حلوه

الموضوع: اشترى ستروين ax والا ابعد عنها احسن افيدونى

LinkBack

أدوات الموضوع

عرض

-

-

-

-

المواضيع المتشابهه

الاكسيل الاوتوماتيك كويسة و لا ابعد عنها ؟

الاكسيل الاوتوماتيك كويسة و لا ابعد عنها ؟

شوما اتوماتك 1600اشتريها ولا ابعد عنها فى رأيكم

ايه احسن. اللادا و الا 131 والا سكودا و لال الشاريد افيدونى

ستروين سى 3 جديده بنص التمن اشترى ولا لاء افيدونى!!

الكلمات الدلالية لهذا الموضوع

المفضلات

المفضلات

ضوابط المشاركة