مشكله جديده عاجله

**mohamed SOBHI** · 09-08-2013 11:23 PM

السلام عليكم وكل عام وانتم بخير
مش هطول
العربيه لوجان 2010 ماشية 31000 كم
المشكله ظهرت من فتره وجيزه بعد ماالعربيه اتخبطت من تخت في مطب عالي شويتين وطبق العلبة الي في النص بتاعة الشكمان المهم روحت غيرتها وتمام الحمد لله
ظهرت مشكله تانيه اليومين دول ان اما اجي ادور العربيه ماتدورش وكمبيوتر الرحلات يصفر ومع محاولات كتير بتدور المشكله ظهرت الاول اما العربيه بتبقي سخنه بس دلوقت بقت حتي وهي بارده بيحصل كده روجت لميكانيكي قالي مفيش حاجه دي الكتاوت بتاعة المارش فيها مشكله --مع ملاحظه ان لمبة البطارية مش منوره ولا حاجه والعربيه وهي ماشيه ادائها عادي جدا مفيش مشكله غير اما اجي ادورها
مش عارف ياريت اشوف اراء الخبراء بتوع المنتدي قبل مااروح لحد يلعب فيها

وشكرا

**cheetos_892005** · 10-08-2013 01:28 AM

شكلها بطاريه عشان كده العدادات يتصفر

**mohamed SOBHI** · 10-08-2013 01:59 AM

المشاركة الأصلية كتبت بواسطة cheetos_892005

شكلها بطاريه عشان كده العدادات يتصفر

طيب هي ممكن البطارية يبقي فيها حاجه واللمبه بتاعتها ماتنورش

**gabrel** · 10-08-2013 05:44 AM

ده عيب بطاريه وملوش علاقه باللمبه لان اللمبه دي بتاعة الدينامو لو فيه عيب .
وهي بدات تظهر والعربية سخنه علشان المراوح وهي شغاله بتسحب كهربا من العربية وبالتالي بتأثر على البطاريه .
حصلت معايا المشكله دي من شهر وانا عربيتي برضه 2010 فمتقلقش وغير البطاريه بس .

**mohamed SOBHI** · 10-08-2013 12:03 PM

المشاركة الأصلية كتبت بواسطة gabrel

ده عيب بطاريه وملوش علاقه باللمبه لان اللمبه دي بتاعة الدينامو لو فيه عيب .
وهي بدات تظهر والعربية سخنه علشان المراوح وهي شغاله بتسحب كهربا من العربية وبالتالي بتأثر على البطاريه .
حصلت معايا المشكله دي من شهر وانا عربيتي برضه 2010 فمتقلقش وغير البطاريه بس .

اشكرك لردك
طيب البطاريه فيه انواع معينه ولا كله زي بعضه وايه الاسعار

**georgedada82** · 10-08-2013 06:24 PM

اه حصل معايا ان البطارية باظت واللمبة ما بتنورش واعتقد بنسبة كبيرة اللمبة دي مش اكتيف يعني مع البطارية
وطالما العدادات صفرت وبتدور من رابع او خامس مرة وهي بتعتل معاك في التدويرة يبقي بطارية
الحل : هتروح عند اي كهربائي او بتاع بطاريات هيقيس لك شحن الدينامو ويقيس لك البطارية بس ده حسم المشكلة

**mohamed SOBHI** · 10-08-2013 08:11 PM

شكرا جزيل لكل الناس الي ردوا والي كلهم فادوني
بالفعل روحت لكهربائي قاس علي البطارية مره والعربيه شغاله لاقاها تمام (تقريبا كده بيشوف الدينمو)
ومره تانيه والعربيه واقفه لقي البطارية في الضياع خالص وتم تغيير البطارية ببطارية فارتا الماني 60 امبير وقالي هي 60 وبتدي 70 مش متأكد من المعلومه دي ومش هتفرق لان العربيه 60
تمن البطاريه 550 بالتركيب واخد القديمة واداني ضمان ضد عيوب الصناعه
لله الحمد الوضع دلوقت اتظبط
شكرا مره تانيه