الموضوع: محتاج نصيحة ضرورى من مالكى بونتو

السلامو عليكم ، لو سمحت حد يفيدنى ، معايا بونتو 1995 بدأت العربية تنتش معايا يعنى بانقل على السرعة وبدوس بنزين مش بتجرى مش بتسحب يعنى ومرة واحده القيها جريت وفتحت ، فى ناس بتسمى دى (خنقة) ، فعشان انا معرفش العطل دى او العيب دى اسمه اية !!! ، فقولت اقولك العربية بتعمل معايا اية بالضبط ، وكمان بتبطل منى كل شوية ، يعنى ادور العربية واسيبها تسخن شوية دقيتين والقيها بطلت لوحدها ، وانا فى الطريق لو وقفت فى اشارة والا حاجة تبطل منى ، يعنى زى ما يكون لازم افضل مشعر رجلى على البنزين ، وكمان وانا ماشى مرة واحدة مؤشر الـRPM يطلع لوحده على رقم 2 وصوت الماتور يعلى اكان حد دايس على دواسة البنزين وانا اكون مش دايس على حاجة خالص ، فرحت لميكانيكى قال ليا لازم العربية تكشف عليها بالكمبيوتر ، فرحت لواحد عنده الكمبيوتر بتاع فيات ، فحط العربية على الكمبيوتر فقال ليا (حساس الشكمان وحساس الايدل) عايزين يتغيروا هم دول اللى بيعملوا معاك العيوب دى على الطريق ، فقال ليا لازم يتغيروا اشترى الحساسات وخلى الميكانيكا يركب ليك حساس الشكمان ، وهات حساس الايدل اركب ليك ونشوف الكمبيوتر هيقرى على الجهاز والا لا ؟؟؟
فانا رحت سالت على حساس الشكمان والايدل عند الكيلانى ، لقيت عنده حساس الشكمان بوش اسبانى بـ 450 جنية ، وحساس الايدل لقيته ايطالى عنده بردو بـ 450 جنية .
فياريت بعد اذنكم حد يقولى الاسعار دى كويسه والماركات دى كويسه ولا لا ؟؟ ولو ينفع حد يقولى انا ممكن القيهم استعمال استيراد فين ؟؟ وبكام ، واية افضل الماركات بتاعت الحساسات دى ؟؟؟
وهو ينفع تصليح الحساسات دى وتشتغل بكفاءة ولا لا الاحسن اننا نغيرهم ؟؟؟
ياريت تفيدونى لو حد مر عليه العيوب دى
وانا اسف انى طولت عليكم ،، شكرا جزيلا
وكل سنة وانتم طيبين يا كل اعضاء قسم فيات وعيد سعيد عليكم

هو محدش بيرد لية يا جماعة من اعضاء قسم فيات او اعضاء رابطة مالكى بونتو ؟؟؟؟