افيدونى فى ال v5

**punisher** · 10-08-2013 05:19 PM

السلام عليكم

انا شوفت مواضيع ال v5 ولقيت ان السعر ١٥٦٠٠٠ بس لما سألت فى المصرية كان السعر ب ١٥٨٠٠٠ والغريب ان السعر دلوقتى نزل فى كونتكت كارز وبقى ١٥٠٠٠٠٠

انا مش فاهم حاجة ويه التفاوت ىالاسعار دى

انا المفروض استلم كمان يومين ف ياريت تفيدونى ايه الحاجات اللى المفروض ادقق فيها وهل اتوكل على الله ولا اغير العربية دى ؟

**ashraf_omaraeg** · 10-08-2013 06:12 PM

اولا: -
فعلا زي ماحضرتك بتقول كده الأسعار مش ثابتة فى النت وخصوصا بعد إنخفاض الدولار
بس علي حسب معلوماتي هي دلوقتي سعر الوكيل 158 ألف وده السعر الفعلي ..أنا أستلمت من شهرين وكان السعر ساعتها 156 ألف فول أوشن
ثــانيا:-
العربيه فى منتهي الجمــال.. فعلا صفقة رابحة إنت مش هتحس إنك راكب صيني خــالص..دي فعلا ألماني
ثــالثا :-
ربنا يتمملك علي خير وعند إستلامك خلي بالك من الأتي :
1- لف حولين العربية وتأكد فى البودي الخــارجي ..هل فيه خدوش أو خبطاط أو أي شيئ من هذا القبيل
2- تاكد من وجود كتالوج السيارة + دفتر الصيانة دول مع بعض داخل كيس..وبيكون معاهم الولاعة خلي بالك لازم
تكون معاهم أو في مكانها
3- يوجد عدد 2 ريموت للسيارة تأكد أنهم شغــالين .. جرب كل واحد علي حده
4- أدخل السيارة وأدر المحرك ولاحظ أن جميع اللمبات أنطفت ..وده معناه أن مافيش أي خطئ مقروء
واخيرا ربنا يأتيك خيرها ويكفيك شرها

**punisher** · 10-08-2013 06:16 PM

شكرا لرد حضرتك

ان شاء الله اخد بالى من النقاط اللى وضحتها

بس فى سؤال تانى . انا من الاسكندرية فا المفروض الصيانة اعملها فين ؟

**wensh79** · 12-08-2013 02:04 AM

السلام عليكم
أنا إشتريتها من المصرية اليوم بثمن 158000 و عليها عرض تخفيض 3000 جنية يعنى العربية وقفت بثمن 155000 بس و هستلم العربية بكرة إن شاء الله

**man_hero** · 12-08-2013 03:25 PM

انا اشتريتها من 10 ايام من سمير ريان ب 158000 وده كان نفس سعر التوكيل يومها لما رحت سالت فيه

ربنا يباركلك فيها ويديك خيرها ويكفيك شرها

**Hossam_Zaky** · 12-08-2013 04:16 PM

يا ريت حد يكون معاه العربية و يقول عن تجربة اخبار التكييف ايه و لو مشكلات واجهته في العربية بعد الاستعمال
العربية علي فكرة موتور ميتسوبيشي و فتيس هيونداي و بتبيع كويس جدا في امريكا اللاتينية و عندهم نسخة دفع رباعي منها بموتور ديزل 1500 سي سي يالاضافة للموديل اللي بيتباع عندنا

المهم ان العربية عاجباني و عاوز اجيبها بس حتكون علي شهر 10 انشاء الله فياريت لو حد من ملاك العربية عنده ملاحظات مش شرط مشكلات يقولنا عليها
و شكرا للاهتمام