الموضوع: مشكلة من جديد

المشاركة الأصلية كتبت بواسطة ابوابراهيم323

السلام عليكم ورحمة الله وبركاته
كل عام والجميع بخير
كنت قد كتبت عن هذة المشكلة

وعليكم السلام ورحمة الله وبركاته وكل عام وانت بخير

فى الغيار الثانى اما اشيل رجلى من على البنزين بحس بهزة للامام وللخلف ؟؟؟

راجع على قواعد الموتور بس ليا سؤال هل الهزة دى على الغيار التانى بس ولا كل الغيارات؟؟؟؟؟؟ وهل العربية على السلانسيه صوت الموتور منتظم ولا عالى وواطى

تانى حاجة الفرامل بدوس بسمع صوت هوا ( هش ) واما اكون واقف بدوس عليها تعمل كده برده بس بعد 3 مرات بتصبح جامده ومفيش صوت

راجع على السيرفو العمومى للفرامل ومحتمل تحتاج تغيره فى حالة ان الفرامل عندك مش بتفرمل معاك من اول مرة ولازم تدوس كذا مرة علشان تفرمل

وقد سافرت لقضاء العيد مع الاهل
والسفر كان جميل والعربية مفيش مشكله غير اللى قولت عليه ده

==================================

واليوم فى العودة حاجات غريبة وحزينة
العربية اقصى سرعة ليها على الخامس 70 او 80
فى الغيار الثالث 20 والسحب ضعيف جدا جداااا بحس انها بتنازع

اخبار العربية فى المطالع ايه لو العربية بتنازع فى المطالع يبقى محتمل طقم الدبرياج عايز يتغير وخصوصا اسطوانة الدبرياج

*اما اجى اهدى وانا فى اى غيار احس العربية حتبطل وفعلا بطلت اكثر من مرة ورجه جامدة

السلانسيه عندك مش مظبوط ومحتاج تظبط هوا وبنزين وبعدها تظبط كهربة العربية

*فى اى مرة للرجوع للخلف لازم تبطل منى

نفس السبب ده علشان السلانسيه وظبط الكربراتير

*بشم رائحة بنزين غريبة ؟؟

صيانة كربراتير

*اى نقل على اى غيار اهتزاز للامام وللخلف جامد

راجع على قواعد الموتور

*صوت عالى يصدر من العربية ؟؟

صوت عالى لايتناسق مع دوسة البنزين محتمل اسطوانة الدبرياج ونوع الزيت الخاص بالموتور وراجع على ظبط التاكيهات فى حالة ان العربية بتسخن من جامد

*للعلم انا وضعت بنزين من بنزينة طول عمرى اعرف انه يبيع 80 بس الراجل قال لى 92 وفولت من عندة

غير البنزينة وحط من بنزينة تانية تكون نظيفة وجرب تحط 92 وشوف

* فى احتكاك حصل للشكمان من المطبات الكثيرة فى الطريق وبصيت عليه من تحت لقيت من النص فيه مسمار مكسور واللحام فاكك منه

اعمل المسمار وراجع على كاوتش الشكمان

*لعربيه اول مرة أجد قربه المياة على وشك الفراغ رغم ان المشوار 100 كيلو بس

هل فى تسريب للمية اسفل العربية وبتحط مية نوعها ايه والترموستات عندك كام على كام

*كان فيه سخونية على الارجل اسفل الطبلوة هل دة الطبيعى مع انى مسافر بعد المغرب

هتلاقى السخونة دى بسبب العزل مش كويس وكلنا بناعنى من نفس الموضوع
======================================

علاج هذة المشاكل اتوجة لمين

تروح لميكانيكى يظبط السلانسيه وشوف الدنيا هتبقى عاملة ازاى بالنسبة لريحة البنزين الغريبة ويكشف على قواعد الموتور لو قدر يظبط السلانسيه ويظبط الكربراتير كان بها مكنش يبقى لازم هتروح لمتخصص كربراتير

طبعا الشكمان حروح لحد بتاع شكمان يلحمة ويشوفه
اما موضوع السحب والسرعة والرجه والاهتزاز والصوت العالى هل ميكانيكى ولا ايه بالظبط

زى ماقلتلك غير الميكانيكى اللى اشتغل فيها قبل كده