آخر كلالالالالالالالالالالام.. .... فيات لينيا

**مستر هشام** · 10-08-2013 09:54 PM

إزيكم يا أعضاء أحلى منتدى سيارات في الدنيا، أنا بقالي كتيرررررررر جدا بدخل كزائر وأقرا تعليقاتكم وأستفيد منكم وأتعلم من آرائكم، وفي الآخر قررت التسجيل وبقيت عضو جديد في المنتدى الرائع ده.

المهم مش هطول عليكم - قول طول - بعد 4 تجارب مريرة مع العربيات المستعملة بداية من 128 مرورا بالنوبيرا أوتوماتيك وحبة كده نيون كرايسلر ثم مسك الختام سيتروين سي 4، قررت أخيرا أجيب عربية زيرو بعد ما زهقت من المستعمل وبلاويه واللي بيجرى فيه، وناوى أجيبها قسط بإذن الله.

المهم بعد ما لفيت ودورت حسب الامكانيات المتاحة وبعد ما قريت كتير هنا على المنتدى توكلت على الله وقررت أجيب فيات لينيا لأنها الأفضل في فئتها السعرية.

بس أنا بسمع كلام سيء عن التوكيل وعن سعر إعادة البيع كسيارة أوروبية مش لاقية حظها في السوق المصري غير المنطقي.

المهم برضه ما زلت مصر على الفيات لينيا بإذن الله.

دلوقتي عايز أعرف إيه الإجراءات ومنين أجيبها، وسعرها كام بالظبط، وإيه الي ممكن تنصحوني بيه بخصوصها. ومستنى أعرف رأيكم علشان أنضم ليكم أخيرا كعضو فاعل في أسرة المنتدى بإذن الله.

**مستر هشام** · 10-08-2013 09:58 PM

هاه فين الناس، لسه معيدين ولا إيه؟

**matrix_it** · 11-08-2013 02:14 AM

انت بسم الله ما شاء الله عديت على ستروين و كرايسلر حتى لما جبت نوبيرا جبتها اوتو يعنى منقى اصعب عربيات فى السوق هههههههههههه انا معرفش اسعار بس دخلت احييك على اختياراتك :d

**aliabdo** · 11-08-2013 02:27 AM

اللينيا عربيه ممتازه و التوكيل رايح خلاص للفطيم ؛ اعاده البيع سيئه عشان العربيه مش منتشره

**مستر هشام** · 11-08-2013 09:12 AM

المشاركة الأصلية كتبت بواسطة matrix_it

انت بسم الله ما شاء الله عديت على ستروين و كرايسلر حتى لما جبت نوبيرا جبتها اوتو يعنى منقى اصعب عربيات فى السوق هههههههههههه انا معرفش اسعار بس دخلت احييك على اختياراتك :d

انا بعتبر نفسى صاحب اختيارات بعيدة عن فلسفة السوق المصرى الى شايفة الكورى والصينى عربيات دى عربيات بيسموها عربيات ( جنك كار ) يعنى زى ساندوتش الهمبورجر يشبع وما يفدش سيارات على ما تفرج

**mohamed hussei** · 11-08-2013 12:02 PM

نصيحة يا باشا بيجو 301 افضل كتير انا كنت بفكر في لينا بعد كدة رسيت علي بيجو بس حصل مشكلة مش هينفع اجيب عربية دلوقتي

**eng_ahesham** · 12-08-2013 10:05 AM

بص يا باشا
اولا الف مبروك مقدما علي اختيارك
سعر الفئة الاولي : 130.000
سعر الفئة الثانيه : 150.000
والاثنين دواللوجيك
وثانيا : اول إجراء تاخده مع الجهه اللي انت هتقسط معاها .... وحاول تحجز علي طول لان العربيات هتيجي اول الشهر الجاي ان شاء الله
ولو عاوز حاجه سواء من معرض اوماترا او من تعرف شركات تقسيط علي النظام الاسلامي ... أنا تحت أمرك
تليفوني موجود في البروفايل بتاعي
وبالتوفيق ان شاء الله

**aliabdo** · 12-08-2013 03:25 PM

لو قررت تشترى اشترى من الطارق بيعمل خصم حوالى 2000 جنيه و معاملتهم محترمه جدااا انا شارى من هناك
لو انت فى اسكندريه اسئل على واحد اسمه على طارق قله من طرف م\ على الى اشترى منك الجراند بنتو المنيول و ان شاء الله يظبط لك السعر انا كان عامل لى خصم 1500 جنيه و اخدت العربيه ماشيه 7 ك