ِشوية مشاكل في اللانسر بومة بعد الغسلة

**nice_bird** · 11-08-2013 04:49 AM

السلام عليكم :]

طبعا الواحد مع ظروف الشغل والبلد اللي كلها تراب دي بيحتاج من فترة للتانية يغسل غسلة نضيفة للعربية من برا وجو المهم مطولش عليكم عشان زحمة العيد مقدرتش اروح مغسلة لان معظم المغاسل بتكون زحمة اشار عليا واحد صحبي علي واحد يظبطلي غسلة حلوة في الشارع ونضيف قولت اجربو المهم قدر الله وغسلتها عندو الواد بيغشل بفوطة مليانة مية الابواب والتابلوة وعادي جدا المهم بعد ما مشيت من عند بالليل اكتشفت المشاكل دي وعايز مساعدتكم

1- لمبة زرار الانتظار اتحرقت ومش عارف تتغير ازاي
2- لمبات الفتيس الاوتوماتيك اللي في الكونسول مش كلهم بينوروا زي الاول
3 - لمبة الولاعة اتحرقت
4 - الكاسيت كل ما اشيل المفتاح يطلع الشريط ويعمل ريست لوحدة (ومش عارف ايه المشكلة)

وكنت عايز اعرف اغير ازاي اللمبات دي وحل لمشكلة الكاسيت دي

وكل سنه وانتو طيبين

**aymanshebl** · 11-08-2013 06:08 AM

كده وديها لكهريائى لان الميه بهدلت كهربا العربية

**ALKareem** · 11-08-2013 06:33 AM

دة بسبب ان فية مية من الراجل الحمار اسف في الكلمة يعني انة دخلك مية في التابلوة و لما جيت تدورها مكنتش المية نشفت المهم الحمد للة في ناس عربيتها بتروح خالص موضوعها سهل هتروح اي توكيل لانسر سواء ابو رواش او العجوزة بس خلي بالك العجوزة دول حرامية ساعات بيسرق الطفاية و الولاعة و يعمل عبيط فتفضل واقف فوق دماغهم و هما هيغيرولك اللمض اللمبة الصغيرة دي بي اربعة او خمسة جنية بكتير شوف بقى كام لمبة باظت و غيرها و خليهم يرشوا سبراي منظف و مقوي للتوصيل الكهربي دة ببلاش على فكرة عشان ميحورش عليك او روح لاي كهربائي انت ضمنة هياخد 30 جنية و يظبطلك الدنيا بس اقف معاة عشان ميكسرش اي حاجة و هو بيفك الطابلوة و ربنا يكرمك و يكفيك شرها

**ALKareem** · 11-08-2013 06:34 AM

و لو حابب في لمض ملونة لو عايز تغير لون نور التابلوة كلة او نور اي حاجة بتنور جوة لعربية بس التوكيل عندة النور الابيض بس

**nice_bird** · 11-08-2013 08:23 AM

طيب حد يقولي الكاسيت اعمل فية ايه !

**ALKareem** · 11-08-2013 09:07 AM

على حسب لو الوحدات الصغيرة الي في البوردة بتاعتة بايظة بيركب بدلها و يلحم اما لو مش بايظة بينظفها باسبراي تنظيف و بيرجع تاني بس مش عارف التكلفة كام اسال في شارع دمشق

**salah_86** · 11-08-2013 09:14 AM

بص لو حابب تغير لمبة الانتظار انا ممكن اقولك بتتغير ازاى لانها كانت اتحرقت عندى برضة من فترة بعد الغسيل وغيرتها بنفسى بعد خناقة مع الكهربائى لانه كان عاوز يكسر الابانوسة
المهم
هتفك الفبرة بتاعة الكاسيت والتكييف هتفكها ازاى :- هتشيل ال3 بكر بتوع التكييف وهتلاقى تحتهم فى اليمين والشمال مسمارين هتفكهم وبراحة كدا تشيل ال فبرة دى هتلاقى تحتها فوق مسمارين رابطين الابانوسة فى الطابلوة هتفكهم بس برضة مش هتشد الابانوسة هتنزل الدركسيون لتحت وتجيب مفك صليبة وفوطة وتمسك المفك بالفوطة وتفك الفبرة اللى فوق عدادات العربية هتلاقى فى مسمارين يمين وشمال تفكهم وتشد الفبرة دة وبعدين براحة كدا تبتدى تشد الابانوسة براحة وسنة سنة هتتخلع معاك وبعد كدا هتلاقى لمبة الانتظار متثبتة بزى مشبك كدا تفكة بايدك وبعدين هتلاقى الفبر بتاعة الانتظار الحمرا دى فى ايديك هتشترى لمبة ب 50 قرش هتفك اللمبة بمفك عادة هتلاقى اللمبة بالدواية فى ايدك شيل الطربوش وغير اللمبة وركب الطربوش تانى ورجع كل حاجة زى ما كانت

**salah_86** · 11-08-2013 09:19 AM

اللمبة بتاعة الولاعه بتتغير برضة
هتحاول تفك الفبرة اللى لونها فيرانى اللى بتبقى شايلة الفتيس والولاعة والطفاية بتاعة السجاير هتفكها ازاى شيل طفاية السجاير خالص
وتشد الفبرة من مكان الطفاية بس براحة جدا هتلاقى دواية اللمبة بتاعة الولاعة قدام عينك اخلعها وركب لمبة جديدة برضة ب 50 قرش بس هات نوع نضيف شوية ب 2 جنية
دا طبعا فى عربيتى المانيوال اما فى الاوتو تقريبا لازم تفك عصاية الفتيس الاول

**salah_86** · 11-08-2013 09:20 AM

انت ممكن متعملش كل دا بايدك المهم تروح لكهربائى نضيف وتخلية يشتغلك بنضافة زى ما قولتلك قدام عنيك علشان ميعكش

**nice_bird** · 12-08-2013 02:06 AM

انا لقيت حل لزراز الانتظار وهجرب اغير اللمبة بكرة ان شاء الله

المشاركة الأصلية كتبت بواسطة bito

السلام عليكم ورحمة الله وبركاته
اخى العزيز تغيير اللمبه سهل وهاشرحلك ازاى تغيرها
بالنسبه للمبه بتتباع فى الحرفيين لانها بقاعده زى لمبات العدادات
فك البرواز بتاع العدادات الاسود فقط
فك الوش المتركب عليه مفاتيح التكييف والكاسيت
فيه مسمارين اعلى الكاسيت هما دول الى مثبتين الفبره الموجود فيها زرار الانتظار
فك الفبره بحرص لان لها حواف شبه الكلبس
بص اسفل المفتاح من الداخل هاتلاقى قاعدة اللمبه وفكها بمفك عادى نصف لفه هاتلقيها طلعت معاك
لو ملقيتش اللمبه فى الحرفيين تعمل ايه؟
تنزل عند اى حد بتاع الكترونيات وكاسيتات واشترى من عنده لمبه تسجيل سياره هاتلقيها ب 75 قرش
وتجيب اللمبه المحروقه وتجيب دبوس ابره وتفك اللمبه القديمه من القاعده وتركب اللمبه الجديده مكنها
وترجع كل حاجه زى ما كانت والموضوع عن تجربه فى عربيتى وعربيت زميلى وشكراااااااااااااااا

الموضوع: ِشوية مشاكل في اللانسر بومة بعد الغسلة

LinkBack

أدوات الموضوع

عرض

ِشوية مشاكل في اللانسر بومة بعد الغسلة - انشر الموضوع فى :

-

-

-

-

-

المواضيع المتشابهه

نور اللانسر بومة

خسارة الغسلة

تغيير بطارية اللانسر بومة

اللانسر بومة vs جولف 5 2005

سؤالين مهمين فى اللانسر بومة

الكلمات الدلالية لهذا الموضوع

المفضلات

المفضلات

ضوابط المشاركة