مطب تحت كوبري محور الشهيد سابقاً

**DEBEDROO** · 11-08-2013 05:14 AM

إلنهاردة و أنا راجع من بيت أهلي أنا مراتي من المقطم في إتجاه مدينة نصر بظبط تحت كوبري الجديد بتاع الجيش إتجه الحي سابع في نقرة بنت ....... نزلت فيها أنا و القدامي و كانت النتيجة طاسة طارت وفضلت أدوار عليها يجي نص ساعة لحد موجدها والظريف اني ولهي وجد 3 طاسات تانيين وطبعاً مفيش كل كام دقيقة يحصل عربية تنزل فيها وكان ولهي هيحصل حادثة بسببها ،
سؤال دلوقتي أنا جريت بالعربية مفش صوت ولا رعشة في الدركسيون كدة تمام يعني ولا أروح أرفعها أبص عليها
الحمدلله على كدة ،،،خلي بالكم يجماعة بجد خطيرة أوي وحسبي الله فالبلد دي على الضرايب إلي بيخدوها فلمرور وعربيتنا تتكسر فالشوارع

**aymanshebl** · 11-08-2013 06:05 AM

الحمد لله مافيش حاجة ان شاء الله بس يستحسن ان تكشف على العفشة ليكون جنط اتعوج خفيف ولا حاجة و كنوع من الاطمئنان برده

**ALKareem** · 11-08-2013 06:06 AM

بص هو كدة تمام لو في حاجة كانت هتظهر في ساعتها هو ممكن يكون المساعد اتاثر بس دة نادرا يعني ان شاء اللة خير بس لو حصلة حاجة مش هتقدر تحكم دلوقتي الصوت هيطلع كمان كام يوم لما المساعد يفضي الزيت الي جواة بس متخفش محصلش حاجة الحمد للة دي بلدك هنعمل اية ههههه جت سليمة انا لسة امبارح تاني يوم العيد برضوا جاي من عند اهلي عيال بمكنة صيني بيحدفوا طوب على بعض جات واحدة في البراببريز الي ورة نزلتة مليون حتة مش عارف انظف العربية ازاي و دوخت على ما لاقيت حد فاتح يركبلي واحد جديد

**lad** · 11-08-2013 07:20 AM

اكشف عند حد بتاع عفشة لانى مرة كلت واحد كدا فرتك البطاحة من فوق و كانت ماشية عادى و بعد يومين تلاتة المساعد خرج من البطاحة و كانت مشكلة (هى البطاحة عندى كانت ناشفة و عاوزا تتغير وانا كنت مطنش) اكشف برده احتياطى

**mohamed hussei** · 11-08-2013 12:05 PM

الحمد لله ان الايرباج مفتحش

**Y a r i s** · 11-08-2013 03:58 PM

هو الحفر او المطبات الجامدة تاثيرها بيكون بسيط
بمعنى انك لو حطيت العربية فوق ميزان ثري دي ديجتال هيبين انحراف بسيط كده نص سانتي ولا حاجة بيسمع معاك مع الوقت مثلاً حدفة. وانتا ماشي. يعني تلاقي العربية كل ما تعدل الدريكسيون تبص تلاقيها رايحه هيا شمال او يمين لوحدها كده .
بس الكلام ده مع الوقت ... وبيبان اكتر في العربيات الاؤونطة زي الصيني والكوري بيبان فيها على طول بس الالماني والياباني. بياخد وقت بسم الله مشاء الله . فارفع راسك فوق انتا تويوتاوي .... بسم الله مشاء الله .
المهم برجاء تحديد مكان الحفرة بالزبط علشان كنت عاوز استنضفلي طاستين تويوتا يارس كده بس تكون شيك وحياتك :) .... وتحياتي