انتقاء سيارة من وسط المعمعة

**dodi_do2000** · 11-08-2013 06:52 AM

السلام عليكم و رحمة الله

انا بطلب مساعدتكم في اختيار عربية

ان شاء الله ناويين بعد اسبوعين نطلع للمعارض عشان نسئل و نتفرج و نركب و نشتري

بس احنا برضوا مش عارفين احنا (انا و والدي) عايزين ايه

و بما ان البلد دي بصراحة خاب فيها من استشار ف انا مسئلتش حد من الاهل و الاصحاب

و جاي اسئل اهل الخبرة

انا هقول هستخدم العربية ف ايه و يا ريت انتم تقولولي العربية المناسبة

1-انا عايش ف مركز ف اسيوط يعني اهم حاجة بالنسبالي توافر قطع الغيار و رخصها و مش مهم تكون معمرة

2-الظروف البيئية الي انا عايش فيها تفرض عليا اني اجيب عربية تستحمل المطبات و الطرق ال نص متسفلتة و ال ربع متسفلتة

3-العربية تكون واسعة عشان احنا عيلة 5 افراد وطفل

4-العربية مش هتمشي كتير بس هتعيش كتير يعني ممكن بالكتير خاالص نعمل بيها 100 ألف بعد 10 سنين

5-وسائل امان متوسطة مش لازم عالية

6-سعر اعادة بيع كويس مع ان انا عارف اننا مش هنبيعها غير بعد فترة محترمة
لكن والدي بما انه شخصية اقتصادية ف يهمه قوي موضوع اعادة البيع ده

انا رتبت احتياجاتي حسب الاولوية
و انا عارف ان شبه مستحيل تتلم الشروط دي ف عربية
بس الي هيساعد ان الحمدلله الميزانية كبيرة يعني ل 180-200

**عمرو سامي** · 11-08-2013 07:56 AM

المشاركة الأصلية كتبت بواسطة dodi_do2000

السلام عليكم و رحمة الله

انا بطلب مساعدتكم في اختيار عربية

ان شاء الله ناويين بعد اسبوعين نطلع للمعارض عشان نسئل و نتفرج و نركب و نشتري

بس احنا برضوا مش عارفين احنا (انا و والدي) عايزين ايه

و بما ان البلد دي بصراحة خاب فيها من استشار ف انا مسئلتش حد من الاهل و الاصحاب

و جاي اسئل اهل الخبرة

انا هقول هستخدم العربية ف ايه و يا ريت انتم تقولولي العربية المناسبة

1-انا عايش ف مركز ف اسيوط يعني اهم حاجة بالنسبالي توافر قطع الغيار و رخصها و مش مهم تكون معمرة

2-الظروف البيئية الي انا عايش فيها تفرض عليا اني اجيب عربية تستحمل المطبات و الطرق ال نص متسفلتة و ال ربع متسفلتة

3-العربية تكون واسعة عشان احنا عيلة 5 افراد وطفل

4-العربية مش هتمشي كتير بس هتعيش كتير يعني ممكن بالكتير خاالص نعمل بيها 100 ألف بعد 10 سنين

5-وسائل امان متوسطة مش لازم عالية

6-سعر اعادة بيع كويس مع ان انا عارف اننا مش هنبيعها غير بعد فترة محترمة
لكن والدي بما انه شخصية اقتصادية ف يهمه قوي موضوع اعادة البيع ده

انا رتبت احتياجاتي حسب الاولوية
و انا عارف ان شبه مستحيل تتلم الشروط دي ف عربية
بس الي هيساعد ان الحمدلله الميزانية كبيرة يعني ل 180-200

اعتقد ممكن تفكر في الرينو داستر أو نيسان قشقاي

**AlGazar2** · 11-08-2013 10:19 AM

فى رينج السعر ده العربية الى تستحمل هاتكون اما سوبارو xv بس دى عيبها مش هتلاقيلها قطع غيار عند اى حد و لازم تتصلح فى التوكيل - بس دى اول صيانة حقيقية ليها بعد 75 الف كيلو قبل كده زيت و فلتر
او نسيان قاشقاى و دى اعتقد التوكيل هيبقى موجود عندك عادى

او ممكن تشوف الفانتازيا الشكل القديم لو لسه بتنزل و تجيبها بس معرفش تمنها كام

بالمناسبة كل العربيات المحترمة الى فى رينج السعر ده بتخسر فى اعادة البيع القريب

طبعا انا بعدت عن الكيا و الهيونداى عشان مش هتستحمل الطرق المكسرة الى عندك ده غير سعرها المبالغ فيه بصراحة

**wawamoha** · 11-08-2013 12:30 PM

سكودا اوكتافيا

**amrelsaqqa** · 11-08-2013 01:47 PM

تويوتا كورولا او ميتسوبيشى لانسر

اختيارات تقليدية جدا انا عارف بس دى اللى هتناسبك فعلا

**Maghraby1987** · 11-08-2013 02:23 PM

Subaru xv لو قطع غيارها متوفرة عندك

**dodi_do2000** · 11-08-2013 05:10 PM

المشاركة الأصلية كتبت بواسطة algazar2

فى رينج السعر ده العربية الى تستحمل هاتكون اما سوبارو xv بس دى عيبها مش هتلاقيلها قطع غيار عند اى حد و لازم تتصلح فى التوكيل - بس دى اول صيانة حقيقية ليها بعد 75 الف كيلو قبل كده زيت و فلتر
او نسيان قاشقاى و دى اعتقد التوكيل هيبقى موجود عندك عادى

او ممكن تشوف الفانتازيا الشكل القديم لو لسه بتنزل و تجيبها بس معرفش تمنها كام

بالمناسبة كل العربيات المحترمة الى فى رينج السعر ده بتخسر فى اعادة البيع القريب

طبعا انا بعدت عن الكيا و الهيونداى عشان مش هتستحمل الطرق المكسرة الى عندك ده غير سعرها المبالغ فيه بصراحة

و بما ان اكيد مفيش فرع للتوكيل هنا يبقى xv مش هتتصلح !

الفانتازيا دي اكتر حاجة داخلة دماغي بس طبعا انها تربو و ده هيخليها عايزة بنزين 95....ولا ايه ؟

**Ahmed TRAVCO** · 11-08-2013 08:53 PM

المشاركة الأصلية كتبت بواسطة amrelsaqqa

تويوتا كورولا او ميتسوبيشى لانسر

اختيارات تقليدية جدا انا عارف بس دى اللى هتناسبك فعلا

اتفق معاك تماما...
بم ان صاحب الموضوع مهتم بسهولة الصيانة وتوافر قطع الغيار واعادة البيع يبقى مفيش غير لانسر بومة او كورولا...
وبم انه مش فارقة معاه الاوبشنز يبقى ارشحله بومة اول فئة اوتوماتيك بحوالي 133000 ويوفر بقية الفلوس... وعربية ممتازة واعتمادية جدا جدا وصيانتها سهلة واعادة بيعها من افضل ما يكون... وواسعة برضه وعائلية وكمان تستحمل البهدلة...
اعرف واحد مشغل البومة بتاعته القاهرة مرسى علم والعربية عاملة دلوقتي فوق ال 750000 كم وماشاء الله عليها... فعلا عربية محترمة ومعمرة وتقريبا بلا اعطال...

الكورولا كأداء هتكون في نفس المستوى بس تزيد شوية رفاهيات بسيطة زي المرايات الضم والساوند سيستم افضل من بتاع اللانسر... بس سعرها هيكون اغلى بكتير... زائد ان الabs اساسي من اول فئة بس الراجل مش فارقة معاه كتير... يلقى اللانسر افضل واوفر بصراحة...

ونصيحة بلاش الكوري مع احترامي ليه لاني ما اعتقدش عربية زي الالنترا مثلا هتستحمل شغل 10 سنين وتفضل حالتها كويسة زي الياباني...