استشارة عاجلة للوحش الفرنسي

**waleedrahmy** · 11-08-2013 02:40 PM

وحوش الستيروين
استشارة لاخوكم
في
شراء c4 مو 2006 ماشية 75000 الف كم
اتوماتيك
اول يد
استعمال سيدة
وخدة خبطة صغيرة بين الرفف والكبوت وتم رش الكبوت وجزء صغير من الرفف الشمال
وتم اصلح العربية صح
والعربية بقيتها فابريكة من الاكصدام للاكصدام
فما سعر هذه العربية
وما رايكم في هذه العربية لانني معجب بيها جدا
ومن كماليتها ال بلا حدود التي تتفوق علي موديل 2013 من الكوري والياباني
بس
خايف من سعر اعادة البيع وسهولة بيعها وقطع الغيار وتوفرها
ولكم جزيل الشكررررررر

**hamaka** · 11-08-2013 03:18 PM

العربية ممتازة كقيمة مقابل سعر ، أوبشنز كتير جداً و ثبات عالى نسبة لأى حاجة تانية ممكن تجيبها بالسعر ده ، و لو فعلاً عايز تركب سى 4 و العربية اللى قدامك حالة ممتازة اوعى تفرط فيها عشان الحالة الممتازة نادرة اليومين دول حتى لو السعر هيبقى أعلى شوية عن المتوسط ، و لازم لو ناوى باذن الله ، تكشف عليها فى التوكيل ، هتضحى ب 600 جنيه اه بس هترتاح و تطمن ، بالنسبة لقطع غيارها موجودة و متوفرة فى أماكن كتير بره التوكيل لو عايز تخرج بره و فى ناس كتير بيشتغلوا فيها ، القطع الأصلية سعرها معقول جداً بالنسبة للفئة بتاعة العربية و أرخص ساعات من أسعار بعض قطع غيار الكورى الأصلية لو من التوكيل ، كإعادة بيع هى كده كده تعتبر خسرت معظم خسارتها بعد أول بيعه ، يعنى لو حبيت تبيع بعد كده هتلاقى نفس نسبة الخسارة المعتادة (من 5 الى 10% تقريباً لكل سنة) الفرق فى سرعة البيع ، ممكن تطول معاك شوية على ما تلاقى حد يقدر قيمتها لأن العربيات دى فى مصر ليها زبونها....

**waleedrahmy** · 11-08-2013 03:34 PM

المشاركة الأصلية كتبت بواسطة hamaka

العربية ممتازة كقيمة مقابل سعر ، أوبشنز كتير جداً و ثبات عالى نسبة لأى حاجة تانية ممكن تجيبها بالسعر ده ، و لو فعلاً عايز تركب سى 4 و العربية اللى قدامك حالة ممتازة اوعى تفرط فيها عشان الحالة الممتازة نادرة اليومين دول حتى لو السعر هيبقى أعلى شوية عن المتوسط ، و لازم لو ناوى باذن الله ، تكشف عليها فى التوكيل ، هتضحى ب 600 جنيه اه بس هترتاح و تطمن ، بالنسبة لقطع غيارها موجودة و متوفرة فى أماكن كتير بره التوكيل لو عايز تخرج بره و فى ناس كتير بيشتغلوا فيها ، القطع الأصلية سعرها معقول جداً بالنسبة للفئة بتاعة العربية و أرخص ساعات من أسعار بعض قطع غيار الكورى الأصلية لو من التوكيل ، كإعادة بيع هى كده كده تعتبر خسرت معظم خسارتها بعد أول بيعه ، يعنى لو حبيت تبيع بعد كده هتلاقى نفس نسبة الخسارة المعتادة (من 5 الى 10% تقريباً لكل سنة) الفرق فى سرعة البيع ، ممكن تطول معاك شوية على ما تلاقى حد يقدر قيمتها لأن العربيات دى فى مصر ليها زبونها....

يا باشا انا بشكر حضرتك جداااااا
علي النصيحة الصادقة
وفعلا كلام حضرتك سليم جداااااا
وحالة العربية انا شايف انها جيدة جدا من الداخل ومن الخارج ماعدا انها رشت الكبوت
وماشية في 7سنوات 75 الف كم يعني متوسط 10الاف كم في السنة وده معدل الاستخدام الطبيعي
واستعمال سيدة معروفة لي شخصيا يعني معروف خط سير العربية
وهي طالبة 75 الف جم
وفعلا كلامك سليم تماما ان العربية نزل سعرها في اول بيعه
وهي كقيمة احسن من فلوسها
ولحصرتك جزيل الشكر

**Mohab.Nabil** · 11-08-2013 04:04 PM

احب ازود على كلام الاستاذ Hamaka

ان العربية سوقها بقى ماشى دلوقتى جدا و الناس بدأت تفهم يعنى ايه اوروبى و يعنى ايه ستروين

انا ببيع عربيتى دلوقتى و بيجيلى كل يوم مكالمات كتير جدا عليها .. و الحمد لله العربية ناس جت دفعت عربونها بعد يومين من الاعلان

ربنا يبارك ليهم فيها

بس انا شايف انك ممكن تنزل فى السعر شوية خصوصا ان العربية راشة كبوت حتى لو اتصلحت .. يعنى ممكن تنزل لـ 72 او 73 كمان

**waleedrahmy** · 11-08-2013 08:15 PM

المشاركة الأصلية كتبت بواسطة mohab.nabil

احب ازود على كلام الاستاذ hamaka

ان العربية سوقها بقى ماشى دلوقتى جدا و الناس بدأت تفهم يعنى ايه اوروبى و يعنى ايه ستروين

انا ببيع عربيتى دلوقتى و بيجيلى كل يوم مكالمات كتير جدا عليها .. و الحمد لله العربية ناس جت دفعت عربونها بعد يومين من الاعلان

ربنا يبارك ليهم فيها

بس انا شايف انك ممكن تنزل فى السعر شوية خصوصا ان العربية راشة كبوت حتى لو اتصلحت .. يعنى ممكن تنزل لـ 72 او 73 كمان

فعلا العربية مظلومة جداااااااا
مما ادي لانخفاض سعر المستعمل منها كثيرا رغم امكانياتها وجودتها العالية
ومبروووووووووك
بيع عربية حضرتك
وومكن اعرف اتباعت بكام؟
وبالنسبة للعربية ال امامي بحاول اخدها ب 70ألف جم
ودي مش عربية حضرتك
http://www........cars.com/usedcars_...?CarID=1325343

:)