الموضوع: شوية حاجات مستعمله كورسا سيدان و فيكترا بي للبيع بالصور

السلام عليكم يا أوبلاوية

واحشني و الله وواحشني الأعطال بتاعة الأوبل و الزيارات المتكررة للميكانيكية (ذكريات مؤلمة )

النهاردة كنت بوضب الجراج و لقيت عندي شوية حاجات من أيام العربية الكورسا السيدان و العربية الفيكترا .. المهم أنا قلت أعرضهم هنا لو حد محتاجهم ياخدهم كلهم.





من اليمين .. الستارة الخلفية لفيكترا بي و محفور فيها مكان السماعات و الحته اللي متشاله موجودة فوقيها .. أنا كنت جبت واحده تانية استيراد ب 150 جنية.

طاسة مش أصلية لفيكترا بي

فانوسين أمامي يمين كورسا سيدان .. واحد أصلي اللي نازله بيه مكسور من الوش و الشاسيه .. و التاني ديبو تقريبا سليم بس عاوز يتلمع جبته زي ما هو ب 50 جنيه و مركبتوش و جبت واحدفاليو أصلي ب 650 جنية .. اللي هو علبته تحت.

طنابير فيكترا بي أمامي .. حالتهم متوسطه .. انا كنت بغير التيل و غيرتهم بالمره بالجزء اللي بيركب فيه الطنابير و فيش الايه بي اس شغالين.

طنابير أمامي كورسا سيدان حالتهم متوسطه.

شداد دينامو فيكترا بي 2 .. كنت غيرته عشان الرجه اللي في العربية و المشكله مطلعتش منه.

فلتر زيت جديد كورسا سيدان لم يستعمل.

وش تاكيهات كورسا سيدان كان في شرخ بيجيب زيت و غيرته.

اسطوانة و ديسك كورسا سيدان جي ام اللي نازلين فيها .. عاملين 90 ألف كيلومتر بس

2 بلية كاتينة كورسا سيدان .. واحده منهم عامله 10 الاف كيلومتر و التانية 70 ألف.

غطا سير الكاتينة كورسا سيدان الداخلي و الخارجي .. في حتت صغيره مكسوره فيه.

الملف أو الكويل بتاع الكمبروسر بتاع التكييف بتاع كورسا سيدان .. بايظ و غيرته و بعدين عرفت ان ممكن مقاومة فيه تتغير و تتصلح.

شوية حاجات تانية .. زي تيل فرامل و قربة مياه فيكترا بي و فلاتر هوا و تكييف و بنزين و علبة رادياتير كورسا سيدان.

سعر الحاجات كلها 200 جنية .. عشان محدش يقول اخد حاجه منهم .. هما كلهم مع بعض و الموضوع مش مستاهل فصال طبعا :-)

الاتصال على الخاص