ماروتي - غطاء خرطوم فايظ زيت الفتيس ضاع

**mohahdy** · 11-08-2013 05:10 PM

السلام عليكم,
عندي استفسار و أرجو أن تفيدوني
أنا عملت صيانة ال 40000 للماروتي في مودرن موتورز أبو رواش و قالولي هنغير زيت الفتيس
المهم بعد ما استلمت العربية بحوالي أسبوع لقيت خرطوم من غير غطا و حواليه زيت و لما سألت عرفت انه خرطوم فايظ زيت الفتيس و أن المفروض ان بيكون عليه غطا بفتحة ضغيرة عشان يخرج بخر الزيت.
طبعا روحت سألت في التوكيل على الغطا أو حتى الخرطوم كله مفيش, و سألت في كذا محل قطع غيار برضو مفيش.
السؤال اشتريه منين؟ وايه الخطر اني أسيب الخرطوم من غير الغطا؟ و هل أحتاج اني أغير زيت الفتيس تاني بعد إن شاء الله أما ألاقي غطا الخرطوم؟

**dr.hazem** · 12-08-2013 01:55 AM

لو انا فهمت صح ان قصدك عالبلاستيكه السوده اللي فيها خرم في الخرطوم فمش مهم...
طنشه نهائي وامشي عادي..
اما لو قصدك نفس الغطا الاسود اللي فيه المؤشر تبقى مشكله. .

فايض الفتيس كده كده بيطلع اي كميه تفيض في التغيير وهو بياخد 2 لتر واي شي يزيد عن ال2 لتر بيخرج،،،،
تحياتي

Sent from my Xperia Arc S using Forum Runner

**micromoud** · 12-08-2013 07:46 PM

انت قصدك عالخرطوم الطويل اللى طالع مالفتيس ؟ ولا قصدك على غطا الفتيس ,,, لو عالخرطوم فده ملهوش غطا عشان يطلع الزيت الزياده اما لو قصدك على غطا الفتيس اللى فيه مؤشر الزيت فده بيتباع عادى عند محل قطع الغيار

**mohahdy** · 12-08-2013 10:24 PM

متشكر يا جماعة على ردودكم

أنا لقيت صورة الغطا في موضوع تاني

معنى كدة ان مفيش ضرر من عدم وجود الغطا ده و لو على المدى البعيد ؟

**mrghost** · 24-08-2013 10:48 AM

ها وصلت لحاجه ؟

**dr.hazem** · 24-08-2013 10:56 AM

مهوا قلنا مفيش ادنى مشكله ان شاء الله فمحدش يشغل باله...
تحياتي

Sent from my Xperia Arc S using Forum Runner

**windofchange** · 24-08-2013 07:55 PM

فين الخراط ده ياباشا واسمه ايه...غريبة انه بيشتغل في البلاستيك مش الحديد وبس

**mohahdy** · 25-08-2013 10:48 PM

الخراط ده في شارع ترسة بعد شارع المحولات و انت رايح ناحية المريوطية على ايدك اليمين انا مش فاكر اسم الخراط بالظبط بس لو عديت من هناك تاني هاحاول القطلك اسمه :)

هو في الحقيقة في الأول كان مستغرب طلبي ده و كان عمال يقولي شوف عند بتاع قطع غيار أو شوف أي غطا بلاستك حطه

المهم بعد الحاح مني خد المقاس و دور عنده لحد ما لقى الغطا ده و ظبط المقاس

بس لازم الغطا يبقى فيه ثقب من فوق عشان يخرج البخر بتاع الزيت زي الل في الصورة