طقم دبرياج لوجان

**timaaa84** · 12-08-2013 12:32 PM

اصدقائى الاعزاء السلام عليكم
معايا عربية لوجان 2011 مانوال، عامل بيها 65000كم صياناتى كلها فى التوكيل، كنت ماشى فى امان الله، و فجاة الدبرياج سقط فى الدواسة و مش عايز يطلع، الواير سليم، ممكن تكون بليه، ممكن تكون ديسك او اسطوانة، لازم الدبرياج يتحل عشان يتعرف ايه العيب، طقم الدبرياج فى التوكيل عامل 1300 جنيه، قالولى ان ضمان الدبرياج 25000 كم، مش عارف اوديها لميكانيكى بره ولا لأ، افيدونى افادكم الله...

**amirboulos** · 12-08-2013 03:56 PM

انا خايف قوي من الموضوع ده لأن عندي دايما دواسه الدبرياج بتعمل صوت احتكاك او تزييق وكل صيانه اقولهم عليها يقولوا لي دا تراب في الواير وهنضفه ...يوم والتاني ويرجع زي الأول ...خايف يكون في مشكله في الدبرياج ويفضلوا ينيموني لحد ما اعدي الـ ٢٥٠٠٠ اللي حضرتك بتقول عليهم ...انا عامل دلوقتي ١٨٠٠٠
ياريت لو حد حصلت معاه المشاكل دي يفيدنا