اولا حمد لله علي سلامتك
التوكيل هيقولك مبلغ خزعبلي
بص يا كبير العربيه دي في منها استيراد هتجيب باب و رفرف و فانوس امامي شمال حاول انهم يكونوا نفس اللون و كل اللي هيقولك عليه الميكانيكي و العفشجي و الكهربائي يبقي فاضل سمكري من اللي علي قديمه هيظبط لو لاقدر الله في لوحه ولا حاجه و هيروق و هيرش الجنب ده و يلمع باقي العربيه
و بالنسبه للايرباج ممكن و انت عند بتاع الاستيراد تسأل الكبسوله كامله اللي هي في نص الدريكسيون بكام و في ناس في صقر قريش بيلموها علي ما اعتقد
و التصليح بره الضمان لو مش حاجات اصلي هيطلع بره الضمان
و انا اعرف حد معاه سانديرو عمل حادثه و غير اكصدام بالشاسيه بتاعه و الفانوس و الشبكه و الريداتير و السربنتينه بالنظام من بتوع الاستيراد و العربيه لسه في الضمان بس هو مراحش التوكيل خالص بعد الحادثه علشان مياخدوش بالهم من العربيه
و ربنا يوفقك و ييسرلك في المشوار ده و ابقي طمنا عملت ايه
المفضلات