عربية في حدود 15000؟

**WO1F** · 15-08-2013 09:57 AM

السلام عليكم و رحمة الله و بركاته

للخبراء محتاج حد يرشحلى عربيه يكون سعرها فى حدود ال 15 الف وتكون حالتها محترمه وتكون قطع غيارها متاحه

هو بصراحه فى دماغى اوى عربية البيجو 305 وخصوصا المعدله بيبقى شكلها حلو ولو مشدودة كويس تبقة حلوة وتستحمل واستخدامها هيبقى قليل جدا يعنى بالكتير مشوار او اتنين فى الاسبوع ومدة المشوار حوالى نص ساعه بس :) يعنى هتبقة مركونه اغلب الوقت

ومعتقدش الاقى 131 بحاله نظيفه بالسعر دة صح

اتمنى انكم تفيدونى لان خبرتى قليله فى الموضوع ده وشكرا ليكم مقدما

دى صور 305 متعدله

**ahmedalaahosny** · 15-08-2013 03:59 PM

عربية جميلة وقطع غيارها موجوده ف وكالة البلح والحرفيين

**ahmedalaahosny** · 15-08-2013 04:05 PM

عربية واسعة ومريحة عن ال128 كتير موتورها ناعم وسحبها حلو قطع الغيار كلها موجودة جديد واستيراد مفيش مشكلة ومش غالية ولا حاجة يمكن الكبالن هى اللى غالية لكن عملية العفشة عملية اغلى من الفيات لكن بتستحمل وعملية -- استهلاك البنزين لو مظبوطة كويس -الصيانة ميكانيكية كتير متحبش تشتغل فيها لان حوضها ضيق ---مينفعش يركب لها الا موتورها لان الحوض ضيق وثمن الموتور 4 الاف استيراد --الجنط 3 خرم بيبقى صعب تركب جنوط اسبور كما ان الجنوط الحديد غالية شوية لانها قليلة --مروحة التبريد ميكانيكة يعنى بسير مش مروحة كهرباء فبتخلى العربية تسخن فى الاشارات الطويلة لان سرعة الموتور بتكون بطيئة فى الاشارات ودا خصوصا فى القاهرة لازدحامها دائما --لكن فى المجمل عربية مناسبة لسعرها ---المشكلة الكبيرة بقى فى اعادة البيع صدقنى لما هتفكر تبيع هتسمع فيها اسعار غريبة ليه ياجماعة اصل مالهاش سوق --اصلها تقيلة فى البيع وهكذا يعنى لو هتقعد مع حضرتك فترة يبقى توكل على الله بس افحصها كويس لو سنة وهتبيع خليك ف ال 128 و الافضل ال 127 ب 12 الف تشوفلك حالة ممتازه

**ahmedalaahosny** · 15-08-2013 04:09 PM

دى برده مشاركة لاحد الاعضاء بيشكر ف البيجو 305
http://www.nilemotors.net/Nile/29070...post3874333314

**M I D O** · 15-08-2013 04:14 PM

غريبة معا اني سمعت كلام وحش اوي عن البيجو زمان من سنة بيقولو قطع غيار غير متوفرة وغالية بالذات المحرك

**ahmedalaahosny** · 15-08-2013 04:55 PM

ممكن تدور على فولكس بيتل جميلة جدا

**WO1F** · 16-08-2013 01:19 AM

طب عربيه زى اللى معروضه دى تعمل كام تقريبا لانها معدله
هى معمرة من 6 شهور ورخصه منتهيه وراشه دواخل وخوارج

**ahmedalaahosny** · 16-08-2013 03:18 AM

هى لو سليمة وفيها جنوط وحالتها تمام التمام هيقول 17 الف نطابق الكلام ده ع العربية
هل العربية فيها جنوط ؟اصل جنوطها 3 مسمار ودى نادرة وغالية فبتبقى من تمن العربية مافيهاش يبقى شيل الف وشوية
الرخصة منتهية يبقى شيل الف جنيه كمان
راشة دواخل يبقى خد معاك حد يفحص الدواخل معاك عشان تعرف ان كان راشش الدواخل نظافة ولا كان بيصلح حادثة لو كانت نظافة و برده لقيت حاجة فبريكة دواخل يبقى خير عشان رش الدواخل ده غير مطمئن بالمرة بس احنا ممكن نخصم برده عشان رش الدواخل ده بس لو نضيفة دواخل يبقى خلاص على بركة الله ورش الخوارج شوفه لو فيه خرابيش اخصم شوف بقى فيها كاسيت ولا لا حالة الصالون حلوة ولا متبهدلة اى حاجة بايظة ضايعة مكسورة مقطوعة ف العربية تلاقيها اخصم من تمن العربية على طول كده ممكن تقف على 14 الف

**WO1F** · 16-08-2013 08:40 AM

المشاركة الأصلية كتبت بواسطة ahmedalaahosny

هى لو سليمة وفيها جنوط وحالتها تمام التمام هيقول 17 الف نطابق الكلام ده ع العربية
هل العربية فيها جنوط ؟اصل جنوطها 3 مسمار ودى نادرة وغالية فبتبقى من تمن العربية مافيهاش يبقى شيل الف وشوية
الرخصة منتهية يبقى شيل الف جنيه كمان
راشة دواخل يبقى خد معاك حد يفحص الدواخل معاك عشان تعرف ان كان راشش الدواخل نظافة ولا كان بيصلح حادثة لو كانت نظافة و برده لقيت حاجة فبريكة دواخل يبقى خير عشان رش الدواخل ده غير مطمئن بالمرة بس احنا ممكن نخصم برده عشان رش الدواخل ده بس لو نضيفة دواخل يبقى خلاص على بركة الله ورش الخوارج شوفه لو فيه خرابيش اخصم شوف بقى فيها كاسيت ولا لا حالة الصالون حلوة ولا متبهدلة اى حاجة بايظة ضايعة مكسورة مقطوعة ف العربية تلاقيها اخصم من تمن العربية على طول كده ممكن تقف على 14 الف

الف شكر للجميع والف شكر يااستاذ احمد
هو موضوع الجنوط لسه هسألو النهاردة

بالنسبه للتفاصيل كالتالى :

1500 cc سنتر لوك وانذار بطارية جديدة وفي الضمان عمرة في الكاامل سمكرة ودوكو وسروجي وكهرباء وعفشة ومساعدين جديدة زجاج كهرباء اكصدامات فيبر معدلة اللون فيراني

عامل عمرة للعربيه من 6 شهور ( شال كل العربية وسابها على الهيكل وظبطها )

الماتور بيقول متسقط ومتعمر بحاله 90 فى المية

الكاوتشات كمر عادية ( مش تيوبلس ) عادية

كان فى بارومه فى الارضيه وعالجها وحطلها دعامة

طقم بساتم جديد اسمه (دكتور ) بيقول انضف حاجه وتمنه 1200

مغير ديسك واسطوانه ومساعدين من 6شهور

الرخصه منتهيه من 5 شهور

العربية محتاج تظبيط زوايا لانها بتحدف شمال لما بتمسك فرامل

اية رايكم فيها كدا وتستاهل كام تقريبا

ولو هجبها فبريكه دواخل اقدر اعمل نفس التعديل اللى فى الصورة ويتكلف كام تقريبا لو عملته انا ؟؟

وعلشان اعمل التكييف بتعها لو مش شغال يكلفنى في حدود كام
هسألو النهاردة على الجنوط والكاسيت والتكييف