الاختيار الصعب ( بيجو 301 هاى لاين مع كيا ريو الفئة الثانية

**amrelsaqqa** · 20-08-2013 10:24 PM

المشاركة الأصلية كتبت بواسطة sehs15

طب انت ركبت اعربيتين .. ايه رايك في جوده الخامات و التقفيل والصاج .. مين يكسب .. و هي الريو تجميع انهي بلد ؟

ياريت تجاوب على السؤال ده يا battot
عشان انا لما اتفرجت على البيجو ، للوهلة الاولى ما عجبنيش خاماتها الصراحة ، خصوصا الابواب فقيرة جدا من كل حاجة حتى التحكم بالازاز مش في الباب ، فتحس ان الباب فاضى اوى ، لا فرش ولا زراير ولا اي حاجة ..

بس لما اتفرجت كذا مرة حسيت انى خدت عليها عادى ..
الريو بقى ايه نظامها ، وهل تحس ان كل حاجة فيها بلاستيك زي البيجو كدة ، ولا الشكل اقيم شوية ، او اقل شوية ؟

**Ahmed Amin** · 20-08-2013 10:45 PM

المشاركة الأصلية كتبت بواسطة amrelsaqqa

كلمت توكيل بيجو المعادى النهاردة
في الاول الراجل بتاع السيلز تقريبا مكنش عارف يعنى ايه ايموبلايزر ههههههه او ماسمعش كويس بقى الله اعلم
المهم لما قلتله مفتاح مشفر فهم ، وقاللى اه فيها ، و اكد ان اي مفتاح لازم نعرفه على الكمبيوتر عشان يدورها
غير كدة لو حد عمل على المفتاح اخره يفتح الباب بس ، مايدورهاش

واكد برضه وجود الـ ebd

كويس أنك أطمنت..

**battot90** · 21-08-2013 03:12 AM

لون عربيتي خراوي او موكا الابواب خامتها كويسة تقريبا ذي الريو مع اختلاف ان الريو الفرش لونين

**هشام جادالله** · 21-08-2013 09:00 PM

السلام عليكم انا مستنى من احدى الوكلاء بيجو301 هاى لاين السعر 140 ... لكنى قرات على ادى المنتديات للسيرارت المستعمله حد عارض 3010 للبيه على 137 لسه مش اترخصت بورقها ممكن اخد رايكم اعمل ايه لانى محتار جدا وشكرا جدا

**Haitham G** · 21-08-2013 09:06 PM

خليك فى المضمون مع المعرض ده رأيى الشخصى وشوف رأى باقى الأعضاء

**amrelsaqqa** · 21-08-2013 09:22 PM

ممكن تقوللى ياباشا معرض ايه ، ولو ع الخاص، وقاللك هتستلم في خلال فترة قد ايه ؟

بالنسبة للى معروضة للبيع ، الاضمن المعرض طبعا لو تقدر تستنى ، ومش مهم الـ 3000 جنيه

**هشام جادالله** · 22-08-2013 08:56 PM

عمرو السقا / تمت مراسلتك على الخاص

**amrelsaqqa** · 22-08-2013 08:59 PM

المشاركة الأصلية كتبت بواسطة هشام جادالله

عمرو السقا / تمت مراسلتك على الخاص

شكرا جدا لاهتمام حضرتك :)

**m.basha** · 25-08-2013 08:40 PM

انا النهارده يا جماعة سالت واحد فى توكيل بيجو بس راجل اعرف انه بيفهم فسالته العربية ال 301 فيها ايموبلايزر و لا لاء قالى طبعا فيها و كل موديلات البيجو بتنزل و فيها ايموبلايزر يعنى استاندر كده وده من ايام ال 206 المهم سالته على العربية فيها ebd ولا لاء فقالى فيها بس فى الهاى لاين بس مش عارف الكلام ده مظبوط و لا لاء