الموضوع: الاختيار الصعب ( بيجو 301 هاى لاين مع كيا ريو الفئة الثانية

الفئة الثانية من الريو لا يوجد بها أية وسائل أمان ماعدا إيرباج للسائق (طبقاً لموقع كيا مصر) و لا تقارن حتى بالفئة الأولى من البيجو ال 301 من حيث الأمان حيث أن البيجو بها 2 إيرباج و Abs أساسى فى كل الفئات .
الموتور فى البيجو 1600 115 حصان
الموتور فى الريو 1400 107 حصان
البيجو ال 301 أوسع بكثير و الشنطة كبيرة جداً
توكيل الكيا جيد و قمت بتحربتة من قبل حيث إننى إمتلكت كيا سيراتو أعلى فئة قبل البيجو(بعتها عاملة 19 ألف كيلو) .
توكيل البيجو الجديد جيد بعد تعاملى معه فى أول صيانة والناس كانت عاوزة ترضينى بأية طريقة و واضح إهتمامهم .
بالتوفيق أياً كان إختيارك.

المشاركة الأصلية كتبت بواسطة 2CODE

الاتنين ممتازين جداً لكن مينفعش تقارن هاي لاين بفئة تانية لازم هاي لاين بهاي لاين برضه

الريو هاي لاين abs - ebd - 2 airbags وفتحة سقف .... الخ فعلاً كل الكماليات هتلاقيها في الهاي لاين

اما بالنسبة للمحركات - موتور البيجو تكنولوجيا قديمة 1600 سي سي بيطلع 115 حصان
موتور الريو تكنولوجيا متطوره جداً 1400 سي سي بيطلع 109 حصان

يعني لك ان تتخيل فرق من 1400 سي سي لـ1600 سي سي تلاقيها بس 6 حصان !!!!!!!!!!
ده بسبب ان البيجو بتستعمل موتور قديم للـ301 انما كيا بتستعمل موتور gamma 1400 ومواتير gamma لسه معموله جديد

وطبعاً كل ما قلت السعة اللترية للمحرك يعني عندنا توفير في استهلاك الوقود واقل في الضريبة ..... الخ

الـ1600 سي سي دلوقتي (المحركات حديثة التقنية) بتطلع 130 حصان و في السيراتو 1600 سي سي بيطلع 138 حصان وهو 1600 سي سي !!!!!!!!

الخلاصة البيجو مواصفاتها حلوه لكن لو هتتقارن بالريو هاي لاين مفيش وجه مقارنة

اولاً يا باشا الراجل قال مقارنة بين ثانى فئة ريو و أعلى فئة بيجو 301 و السعر بتاعة أقصاه 136.000 جنية و العربية إللى حضرتك بتقول عليها دى ثمنتها 148.000جنية يعنى أكثر من الميزانية بمبلغ 12.000جنية .

ثانياً موتور البيجو ليس تكنولوجيا قديمة كما ذكرت وهو تعديل لموتور كان يستخدم فى عدة موديلات سابقة و هو أقوى من موتور الريو ليس من حيث عدد الأحصنة فقط ولكن من حيث العزم حيث أن عدد الأحصنة فى الريو 107 عند 6300 rpm و ليس 109 كما ذكرت مع عزم 137 عند 4200 rpm فى حين أن موتور البيجو ال 301 150 نيوتن عند 4000 rpm و 115 عند 6050 rpm .
و ليس معظم السيارات الحديثة بمواتير 1600 بتطلع عدد الأحصنة الذى ذكرته فمثلاً الاسترا الجديدة و هى سيارة ألمانية موتورها بقوة 105 حصان فهل هذه تكنولوجيا قديمة؟

لو تكلمنا على وسع السيارة و مناسبتها للأسرة و السفر ستعرف هذا بمجرد جلوسك داخل البيجو ال 301 و ماشاء الله الشنطة بحر و ياريت حضرتك تقعد فى السيارتين بنفسك .
و فعلاً يوجد مشكلة بالنسبة إستهلاك البنزين فى الريو و يظهر هذا فى سيارات الوكيل عن السيارات الخليجية و يوجد سوفت وير يتم إنزالة لتصليح هذه المشكلة ولكن لم يثبت أنه أصلح هذه المشكلة فى معظم السيارات وهذا على الرغم من أن السيارة 1400 سى سى و المفروض أن إستهلاكها أقل من ال 1600.
عاوز أقولك يا باشا إنى فى العائلة حتى الأن وصل عدد السيارات البيجو ال 301 الان إلى 5 سيارات و الكل مبسوط جداً بها و معظمنا مغيرين من كورى و بسبب مشاكل العفشة التى تظهر بعد الإستخدام.