تسعير لانسر 2010 وايه الفرق بين الخليجى منها والى مش خليجى ؟وشكرا

**medogemy** · 17-08-2013 04:43 AM

السلام عليكم
كان لى سؤال يا جماعه من خبرتكم كده
انا الحمد لله من شهر اشتريت لانسر 2010 حالتها كويسه جدا اوتوماتيك 1600-خليجى -كامله الكماليات-ABS EBD اول فئة يعنى لا فتحة سقف ولا سبويلر ...عايز اعرف سعرها تقريبا يبقى عامل كام?
تانى سؤال..ايه الفرق بين الخليجى منها والى مش خليجى وافرق ازاى لو ال 2 قدامى؟
جزاكم الله خيرا

**Ahmed_Mega** · 17-08-2013 06:08 AM

بيبقى مكتوب ع القايم اللي عند باب السائق من تحت طبقا للمواصفات كذا

**ALKareem** · 17-08-2013 11:44 AM

دورة البنزين بتاعة الخليجي بتبقي فيها اختلاف بسيط عشان فروق نوع لبنزين من مصر و الخليج كمان لو صاحب العربية مغيرش الكاوتش هتلاقي كاوتش الخليجي اقوى و ارقام بتاعتة بتستحمل حرارة و سرعة اعلى من الكاوتش الي راكب في المصري و كمان جمب القايم بتاع السواق فية مواصفات العربية و الدولة زي ما قالك الباشا و سعرها الخيجي عمتا في الغالب بيبقى ارخص من التوكيل بنسبة للزيرو بس لو مستعمل قريبي جاب واحدة خليجي زي بتاعت حضرتك بس فتحة و سبويلر و جنط و اعتاب سبورت جابها بي 87 ماشية 49 الف كيلو :)

**ALKareem** · 17-08-2013 11:44 AM

نوع البويا كمان بيفرق في الارقام الي مكتوبة في العربية الخليجي بيبقى اقوي و لية ارقام تعرفها منة بس انا مش عارفها بصراحة

**medogemy** · 17-08-2013 03:24 PM

مكتوب على القايم الى بالطول الى بين الباب بتاع السواق والباب الى ورا ؟
فين بالضبط معلش ؟
والف شكر مقدما

**medogemy** · 17-08-2013 06:03 PM

المشاركة الأصلية كتبت بواسطة ahmed_mega

بيبقى مكتوب ع القايم اللي عند باب السائق من تحت طبقا للمواصفات كذا

فى انهه حته فى القائم ..الى بين باب السواق والباب الى وراه قصد حضرتك كده ؟

**ALKareem** · 18-08-2013 07:03 AM

باب السواق او ما تفتحة هتلاقي ستيكر لونة فضي كدة تحت القفل بتاع الباب

**MR . Gold** · 19-08-2013 02:17 AM

المشاركة الأصلية كتبت بواسطة alkareem

دورة البنزين بتاعة الخليجي بتبقي فيها اختلاف بسيط عشان فروق نوع لبنزين من مصر و الخليج كمان لو صاحب العربية مغيرش الكاوتش هتلاقي كاوتش الخليجي اقوى و ارقام بتاعتة بتستحمل حرارة و سرعة اعلى من الكاوتش الي راكب في المصري و كمان جمب القايم بتاع السواق فية مواصفات العربية و الدولة زي ما قالك الباشا و سعرها الخيجي عمتا في الغالب بيبقى ارخص من التوكيل بنسبة للزيرو بس لو مستعمل قريبي جاب واحدة خليجي زي بتاعت حضرتك بس فتحة و سبويلر و جنط و اعتاب سبورت جابها بي 87 ماشية 49 الف كيلو :)

معلش ياباشا مش ممكن تكون العربية سليمة برة وجوة يعني مش راشة بوية وتكون بالسعر اللي حضرتك ذكرتة

**ALKareem** · 20-08-2013 03:43 PM

العربية قبل الاسعار ما تغلى انا معرفش اسعار الانسر دلوقتي قد اية بظبط بس انا كنت معاة و متاكد من السعر و ساعة الكشف العربية مفيهاش اي عيب مفيش غير الكشاف الي ورا مكسور و مش رشة اي حاجة فابريكة جوة و برا