الموضوع: الزيت اسود ومحروق !!!!

طيب حضرتك في بروفايلك مكتوب العربية فيات 132
وهنا منتدي ميتسوبيشي,

ممكن توضح نوع وموديل العربية اللي بتتكلم عنها وسنة كام عشان الناس تقدر تفيدك.
لو الفيات حط لها شل الاحمر وغيرة كل ألف

لو لانسر حط الأصفر, بس قبل ما تغير اللي عندك هتحط عليه Engine Flush
عشان ينضف الموتور قبل ما تنزلة, بعدين تحط زيت جديد شل أصفر علي نضيف وتشوف الفرق في الأداء.

ال Engine flush دا بيستخدم لما بيكون الزيت دايما بينزل أسود وفيه رواسب,
ممكن تكون الرواسب دي من فلاتر مش اصلية كانت بتتركب للعربية,
فاساعتها هوا بينضف الموتور من جوا, وبينزل كل الوساخة اللي جواة,

دي صورة,,




وطريقة عمله أنك بتحطو علي الزيت القديم اللي في العربية قبل ما تروح تغيرة,
بتفتح المكان اللي بتحط فيه زيت العربية وتزودة علي الزيت القديم, وتدور العربية وتسيبها 5 دقايق دايرة بيه, وتدوس بنزين خفيف لحد 2 RPM كام مرة في الخمس دقايق دول
بعد كدا تنزل الزيت القديم بالEngine Flush
وتحط زيتك الجديد, والفلتر الجديد..

فهو كويس عشان ينضف الماتور بس في ناس بتقول أنه ممكن يضر الجوانات,
فلو عايز تحطة يبقي علي مسؤليتك..


وشيل الأصفر المفروض بينزل علي 5 الأف, بس دا في حالة إن الماتور حالته كويسة,
يعني مش بيسخن فوق الطبيعي ولا بياكل زيت, طبعا لو بيعمل الحاجتين دوول هتحتاج تغير الزيت في وقت أقل من 5 الاف كيلو..


نصيحتي ليك وأضمن حاجة ليك, أنك تغير الزيت دلوقتي مرتين علي عداد قليل,
يعني تحط شيل الأصفر وتنزله علي 2000 كيلو مرتين ورا بعض,
ودا هيبقي أحسن وأضمن Engine Flush
لأن الزيت غير أنه بيزيت الماتور فيه أضافات بتنضف الماتور من جوا,
والزيت طبيعي أنو ينزل أسود بعد الأستخدام لأنه كدا بيبقي أشتغل و نضف الماتور كويس,
وكل مرة تغير معاها فلتر وأهم حاجة يكون أصلي.. الفلاتر المضروبة ممكن تبهدلك الموتور وساخة ورواسب من جوا.

المشاركة الأصلية كتبت بواسطة madman2002

تمام يا زعيم تسلم على الشرح الوافى ... هتق عليك بقى فى حاجه واحده بس ... انا بغير الزيت عند محالات او بنزينه ... فعاوز اعرف اسم او النوع فلتر الزيت النضيف عشان اجيبه من بره لو مش عندهم ؟!!!

أنت مش بتقل عليا ولا حاجة,,
أنت غير الزيت في المكان اللي يناسبك, بس لما تيجي تشتريه أشتريه من بنزينة مش من محل, عشان الفترة اللي فاتت كان فيها زيت مضروب كتير,, وممكن الزيت اللي أنت جبته يكون كان مغشوش.

فأنت لو هتجيب زيت شل, شوف أنضف وأكبر بنزينة شل وأشتري منها الزيت, عشان البنزينة اللي بتهتم بنضافتها كمان وكعمال مش بتكون أدارتها محترمة في الغالب وبتخاف علي أسمها ومش بتغش العملاء,
والبنزينات اللي بتلاقي فيها أهمال وقلت نضافة ممكن تاخد منها بنزين مغشوش, أو زيت مغشوش.
بعد ما تجيب الزيت أطلع غيرة في المكان اللي ترتاح له أو عندهم لو تحب.

وفلتر الزيت لو تجيبه من التوكيل أحسن حاجة,
لأن في أيامنا دي ممكن تجيب من تاجر بتاع ميتسوبيشي كبير ويكون عنده مضروب وأصلي,
ويبعه لك مضروب بتمن الأصلي لو معندوش ضمير, والمضروب طبعاً من جوا بيبقي فشنك مش زي الفلتر الأصلي,, وبيبقي زي قلته,, يعني خسارة فلوس وضرر للماتور.

فاطلما هتشتري الأصلي, ووممكن تشتريه من محل برة بسعر الأصلي من التوكيل وتتغش فيه وتاخد مضروب,

أطلع علي التوكيل هات أتنين وخليهم معاك, غير واحد دلوقتي مع الغيار الأولاني,
وبعدين غير تاني الزيت بعد 2000 أو 2500 كيلو وحط الفلتر الجديد,,
وإن شاء الله في المرتين دول الزيت والفلاتر ينضفو لك الماتور كويس وتاخد نتايج حلوة.

المشاركة الأصلية كتبت بواسطة abb

حضرتك المفروض تقلق لو لون الزيت مسودتش لان معناه ان الزيت مش بيعمل شغله
الزيت محروق طبيعى لانه بيشتغل ف درجات حراره عاليه جدا المهم اللزوجه
لون الزيت اسود لان من خواص الزيت انو بيلم الرواسب من داخل الموتور وبيحتفظ بيها داخله
واى زيت هطحته هتلاقيه نفس الكلام
تقلق بس من اللزوجه

الكلام دا مظبوط.

المشاركة الأصلية كتبت بواسطة mohamed salhin

ممكن حضرتك تقولى سعر الفلاش اينجن كام ؟؟

أنا مش فاكر سعرة بالظبط, لأني كنت هجيبه من فترة كبيرة حوالي سنة كدا لما أتخضيت من لون الزيت برضه كان بينزل أسود بلاك, لحد ما عرفت إن الزيت التخليقي العادي بتاعه كدا وأنو لو منزلش أسود مش هيبقي أشتغل كويس أو مغشوش,
بس الكلام دا كان في زيت شيل الألترا اللي هوا بعلبة رصاصي علي أسود اللي مفروض بيعد 10,000 كيلو, لأني كنت بستخدم زيت شل الأصفر قبلها في عربية تانية لانسر وكنت بنزله علي 5000 وكان بينزل بني فاتح ومكنش فيه أي مشاكل ولا كان الموتور بيسخن ولا صوته بيعلي.

المهم أحسن نوعين ممكن تجيبهم في مصر Liqui Moly و STP
ليكوي مولي أنا بصيت لك في الصفحة الرسمية بتاعتهم عال فيس بوك عشان أتاكد لك من سعرة لاقيته مش مكتوب, في الغالب بيحطو صورة المنتج والناس بتسأل علي السعر وبكتبوة بعدها ف كومنت.
https://www.facebook.com/photo.php?f...type=3&theater
فأنت ممكن تسيبلهم كومنت عال صورة دي وتسألهم علي السعر قبل ما تشتريه,

ودا فيديو ليه عال يوتيوب.
LIQUI MOLY Engine flush - YouTube


ودي باقي منتجاتهم,
https://www.facebook.com/pages/Liqui...=photos_stream


وبالنسبة لل STP ممكن تشتريه من أي بنزينة كبيرة زي أمارات مصر.


بس نصيحة مني أعمل غيارين زيت زي ما قلت لك, أحسن ما تستخدم البتاع دي
لسببين الأول إن في ناس قالت أنو مضر بالجوانات, بالنسبة لل Engine Flush



ثانياً
أنا كنت جايب قبل كدا STP Complete Fuel System Cleaner
كان ب 80 جنية تقريباً في البنزينة عشان أنضف دورة البنزين وبيبقي أغلي هناك عن المحلات بالمناسبة, بس بيبقي أضمن لي أنو أصلي مش مضروب,
وكنت مفكر أنو هيظبط ويحسن الأستهلاك زي ما مكتوب والسحب والهري دا وحطيته ومشيت بيه, ولاااااااااا عمل أي حاجة..

ودا الفيديو بتاع منظف دورة البنزين, من الأكاونت الرسمي بتاعهم عال يوتيوب,
حتي تحس إنها شركة مش كبيرة ولا Professional زي ما سمعتها في السوق بتقول,
والأعلان تحسه تهريج,!!
How To Clean Your Engine (Using STP®) - YouTube