الله ينور
فعلا التفكير المصرى عمره ما هيقف
احييك
بس فى افكار اسهل من كدا
ممكن تجيب سوسته عديه وتلحمها فى نفس المسمار وخلاص
رقم العضوية : 110567
تاريخ التسجيل : 16Aug2011
المشاركات : 144
النوع : ذكر
الاقامة : Alex
السيارة: --
السيارة[2]: Lancer2007 1300 M/T
الحالة :
السلام عليكم جميعا
ازيكم ياشباب؟
الحكاية باختصار اني لما جبت اللانسر والحمد لله لقيت ان غطاء تانك البنزين مش بيفتح لما تشد اليد اللي جنب كرسي السائق، وبصراحة مشغلتش بالي بالموضوع، بس مرة كنت في التوكيل في اسكندرية وسألته عن السوستة قاللي انها موجودة و بـ 75 جنييييييييييييييييه، وانا كنت مصورها من عربية واحد صاحبي ولقيتها هايفة ومش مستاهلة المبلغ ده، وممكن أجيبها وتقع تاني، ودي فكرة عملها:
ولقيت عمال البنزينة عارفين ان أغلب العربيات بابها مبيفتحش فتلاقيه جاهز انه يدوس ع الباب بدل السوستة، وبصراحة مرة جبت منظف دورة البنزين وكنت هتجنن، تشد اليد وتسيبها تلاقي الباب مكانه تاني، وكان ممكن الواحد يعمل زي اسماعيل ياسين: تقف على رجل واحدة وتشد اليد بإيد وتمد رجلك التانية تخبط بيها الباب
طبعا هتلاقي الناس واقفة بتصورك وصورك تاني يوم ع الفيس مع تعليقات مصرية أصيلة وتبقى فضيحة بجلاجل
طبعا في حل تاني انك تستنى لما اي طفل معدي وبإبتسامة جميلة تطلب انه يساعدك (طبعا ده اللي انا عملته....احسن من موقف اسماعيل ياسين)
طب والحل؟؟؟ طبعا عارفين المصري لما بيشغل دماغه ايه اللي بيحصل........ ممكن يخرب الدنيا.....طيب تيجي ندور على حاجة ظريفة ورخيصة وتحل المشكلة
لقيتها
انزل شوية
شوية كمان
أيون (يعني yes بس بالإنجليزي) مشبك الورق.......بس أكبر مقاس
تروح زي أي طالب شاطر بيذاكر ف الكلية وتطلب مشبك الورق بس يكون أكبر مقاس يعني زي الصورة
طيب ليه المشبك ووجع الدماغ؟؟؟؟ عشان محتاجين حديد صلب سوست، يعني يستحمل الضغط ويرجع تاني لنفس الشكل قبل الضغط، و نشيل مقابض المشبك، ومن كل مشبك نقدر نطلع على الأقل 3 سوست بإننا نقص منه شرائط بالطول وده هنحتاج نروح عند حد عنده صاروخ أو سمكري عشان هتلاقي عنده مقص صاج يدوي (زي مقص القماش بس أقوى منه)
يقدر يقص بيه صلب المشبك بالشكل التالي، يعني يقص من كل ضلع شريط بعرض 1 سم تقريبا (الخط الأحمر في الصورة)
بعد كده نعمل ثقب في الشريط (بس الأول هتحتاج مسمار بصامولة لتثبيت السوستة، و شوف تخانة المسمار عشان تحدد قطر الثقب، أنا لقيت مسمار قطره 4 مم زي اللي في الصورة ولقيته مناسب للفتحة بداخل بوابة البنزين، ومكان الثقب هو عند علامة الخط على رسمة السوستة، يعني خلي بنطة الشنيور بعد 6 مللي تقريبا من حافة الشريط) وهيبقى كده
وبعدين نمسك زرادية ونتني الشريط حسب الشكل ده (وده رسمة كربون من سوستة أصلية في عربية صاحبي)
وهو ده شكل السوستة بعد ماعملتها
ولتفادي ان المسمار يسبب صدأ كان عندي كاوتش عجلة داخلي قصيت منه قطع وخرمتها بخرامة الورق عشان تعدي المسمار (هتلاقيهم في الصورة اللي فوق)واستعملت قطعتين واحدة تحت السوستة والتانية تحت الصامولة، يعني تحمي صاج العربية من الناحيتين، وهو ده الشكل النهائي
أنا تعمدت تفصيل الشرح عشان تكونوا معايا خطوة بخطوة، بس الموضوع سهل جدا والموضوع مش هياخد أكتر من نص ساعة لو معاك الشريحة مقصوصة، يعني تثقيب الشريحة والثني والتثبيت في نصف ساعة
تبقى التكلفة:
مشبك ب 2 جنيه تقريبا
مسمار ب ربع جنيه على الأكثر
ابتسامة وشكر مع أي حاجة للي هيقص الصاج لو مش معرفة
نص ساعة
دعوتين حلوين للي كتب الموضوع اللي هو أنا، وشوية شكر و اللي ربنا يقدره على حاجة يجيبها (تعاطفك لوحده مش كفاية..... اتبرع ولو ب BMW
وشكرا لكم جميعا وأيضا للمهندس خالد اللي فكر معايا (وطبعا كان من نصيبه سوستة هدية عشان كان عنده نفس المشكلة) و الأستاذ محمد اللي غشيت من عنده رسمة السوستة وعم عمرو ومحمد اللي قص الصاج
الموضوع ده من تفكيري،وأرجو ذكر المصدر عند النقل للأمانة
وبصراحة أنا كتبته محاولة لرد الجميل للمنتدى اللي استفدت منه كتير
دعواتكم لي بالخير
رقم العضوية : 45939
تاريخ التسجيل : 01Sep2009
المشاركات : 4,938
النوع : ذكر
الاقامة : الباجور/ منوفيه
السيارة: لانسر كرستاله
السيارة[2]: بيجو 504 +شاهين
دراجة بخارية: نعم صينى
الحالة :
الله ينور
فعلا التفكير المصرى عمره ما هيقف
احييك
بس فى افكار اسهل من كدا
ممكن تجيب سوسته عديه وتلحمها فى نفس المسمار وخلاص
اقوى واغلى 10 اسلحه بالعالم
http://technology-mmm.blogspot.com/
http://imageshack.com/a/img850/6764/4fdl.jpg
رقم العضوية : 55072
تاريخ التسجيل : 06Dec2009
المشاركات : 472
النوع : ذكر
الاقامة : egypt -zagazig
السيارة: toyota corolla . 2010
السيارة[2]: دايو لانوس 1
دراجة بخارية: لايوجد
الحالة :
حقيقى فنان واستاذ ورئيس قسم
ماشاء الله لا قوة الا بالله
رقم العضوية : 120613
تاريخ التسجيل : 17Feb2012
المشاركات : 336
النوع : ذكر
الاقامة : cairo
السيارة: لا يوجد
السيارة[2]: شاهين
دراجة بخارية: not yet
الحالة :
فعلا المخ المصري ما شاء الله عليه :)
شكرا لنقل التجربة
رقم العضوية : 110567
تاريخ التسجيل : 16Aug2011
المشاركات : 144
النوع : ذكر
الاقامة : Alex
السيارة: --
السيارة[2]: Lancer2007 1300 M/T
الحالة :
شكرا لكل اللي ردوا، وأنا في انتظار البي ام دبليو
الله يكرمك، ده ميجيش حاجة جنب اللي استفدته من المنتدى
معلش، هو الموضوع محتاج مهارة شوية خصوصا في موضوع ثني السوستة
فكرتك جميلة وسهلة، محتاجة تجربة على الواقع عشان نشوف هل السوستة بالشكل ده هتنضغط في المكان المصمم ليها
العفو وربنا يجعل فيها الفائدة للناس، وهتبقى أحسن من الأصلي
رقم العضوية : 110567
تاريخ التسجيل : 16Aug2011
المشاركات : 144
النوع : ذكر
الاقامة : Alex
السيارة: --
السيارة[2]: Lancer2007 1300 M/T
الحالة :
رقم العضوية : 129141
تاريخ التسجيل : 05Sep2012
المشاركات : 495
النوع : ذكر
الاقامة : Alex, Egypt
السيارة: Fiat-Uno 1.0 M.T 1993
السيارة[2]: Seat-Leon 1.6 2012
دراجة بخارية: None
الحالة :
انا معيش لانسر ولا عندي مشكله السوسته دي بس موضوعك دمه خفيف ومفيد..تقبل تحياتي
Best Regards[S]F.@.®.€.S[/S]
رقم العضوية : 59518
تاريخ التسجيل : 20Jan2010
المشاركات : 2,160
النوع : ذكر
الاقامة : cairo
السيارة: Lanos 2
السيارة[2]: Lancer 2007
دراجة بخارية: No
الحالة :
موضوع جامد تسلم ايدك
ربي قد مسني الضر و انت ارحم الرحمين
لا إله إلا انت سبحانك اني كنت من الظالمين
رقم العضوية : 125902
تاريخ التسجيل : 09Jun2012
المشاركات : 13
النوع : ذكر
الاقامة : الشرقيه
السيارة: lancer puma super action
السيارة[2]: شاهين
دراجة بخارية: no
الحالة :
على فكره انا لسه جايب السوسته ديه من التوكيل ب11 جنيه فقط لا غير
لا اله الا الله محمد رسول الله
رقم العضوية : 8497
تاريخ التسجيل : 06Apr2008
المشاركات : 640
النوع : ذكر
الاقامة : Egypt
السيارة: يا مسهل الحال
السيارة[2]: لانسر
دراجة بخارية: لا يوجد
الحالة :
بصراحه موضوع ممتاز لك انا محتاجه جدا و مش هعرف اعمله امبارح روحت امول بنزبن و انا بفتح بابب تانك لاقيت عامل استعجل و شده فكسرة بلاستكه اللى فى سوسته الى بتشبك ووقعت على ارض قولتله ليه كده قلى معلش حقك عليا و مردتش اتخانق فكنت عايز اعرف من حضراتكم هل ممكن الاقيها فى توفيقيه او اى محل فى مدينه نصر و لا لازم اروح توكيل و بالمرة الكفر البلاستك الخاص بلمبه صالون الاقيه فين علشان اطراف بلاستيك صغيرة مقطومه مش بيمسك و سعره كام تقريبا و على فكرة سوسته معايا هى حته بلاستك اتكسرت فتقريبا هنخرمها بشس مش عارف ازاى و شكرا
المفضلات