الموضوع: عندي كام سؤال على ال128

المشاركة الأصلية كتبت بواسطة Zaibatsu

السلام عليكم, عايز اعرف كام حاجة كدا عن ال128

1) البار الشداد اللي بيركب بين بطاحات العربية دا كويس ولا بيشرخ جسم العربية ؟ عشان فيه ناس قالتلي عادي و سمكرية قالتلي غلط


لو الشاسيه سليم و مفيهوش شروخ و لحامات او فتح او زرجينه من قبل كده يبقى عادى جدا ركب شداد لكن لو فيه اى حاجه الشداد هايفتح الشاسيه

2) لو الموتور سليم بس محتاج طقم شنبر, هل ممكن اغير طقم شنبر فقط من غير خراطة ؟

لازم تفك الموتور الاول علشان تعرف محتاج ايه ... لكن نظرياً لو طقم شنبر بس مش هتحتاج خراطه

3) لو انا عايز اغير كاوتشات الصباب لازم اغير بردو الصباب نفسه ؟ يعني لو الصباب سليم بس الكوتش متاكل ينفع اغير الكوتش بس من غير روديه ولا اي حاجة ؟

لو الصبابات سليمه مش هاتتغير مش هتحتاج تعمل اى حاجه ردويه لوش السلندر

4) ايه افضل نوع جوانات ؟ الكوتش ولا الفل ؟

طاقم جوانات الكاوتش البرازيلى او البولندى احسن حل

5) لو الشكمان بيطلع سموك ابيض خفيف جدا و الفايز مش بيطلع ولا حاجة يبقى العيب فين ؟ شنبر ولا حاجة تانية ؟

المفروض الدخان من الشكمان = طاقم شنبر (مبدأياً) مالم يكون فى الموتور حاجه تانى

6) المياه العادية في الردياتير بتبوظ و تصدي الموتور ؟؟؟ و هل فعلا المياه الخضرا بتمنع الصدا ؟

مياه الحنفيه طبعا بتبوظ الراداتير (مش الموتور) لان فيها املاح و شوائب ..

المياه الخضراء فى الـ 128 ترف و رفاهيه خصوصا ان اقل جركن بـ 30-40 جنيه و هتحتاج تزود المياه فى 128 بشكل شبه يومى

عايز حل عملى : اشترى زجاجه مياه خضراء مركزه ABRO من البنزينه و اضيف عليها زجاجتين ميه مقطره من الاجزخانه - حل اخر عملى : لو عندك تكييف حط جردل نظيف تحت خرطوم التكييف و جمع مياه التكييف (دى مياه مكثفه مفيهاش املاح)

احسنت يا أ/ مواطن مصرى