لغز اسمه جالينا

**hanycapoo** · 25-08-2013 07:13 PM

السلام عليكم انا معايا نوبيرا ٢٠٠٥ وبصراحه مريحانى ومش بتحتاج مصاريف المهم بقالى فتره بفكر فى عربيه تريحنى وميبقاش فرق سعرها عن اللى معايا عالى . المهم فكرت فى كذا حاجه وانا ناوى على صينى او كورى المهم فكرت برضه فى BYD وفكرت فى اسبيرانزا وبعدين فكرت برضه فى الجالينا عربيه حلوه وواسعه وشياكه وفيها كماليات كتيره و2000 cc واتوماتيك وانا بصراحه مبقتنعش بالاوتوماتيك ال 1600 علشان العزم والجرى وكده المهم ياجماعه مطولش عليكم لقيت الدنيا اتقلبت اللى يقولى عربيه وحشه وقطع غيارها غاليه ومحدش بيشتغل فيها ومش موجوده الا فى التوكيل واللى يقولى ده مصاريف ترخيصها بس فى حدود 10000 جنيه فى ال 3 سنين . واللى يقولى العفشه بتاعتهاروحشه وواطيه ومبتجريش واستهلاك البنزين عالى . !!!!!! المهم انا بعشق المنتدى هنا وبحس ان الناس بتحاول تخدم وتساعد بقلبها بصراحه فقلت احكيلكم القصه وانتو تفيدونى لانى بصراحه مش عايز ادفع فلوس واندم وخصوصا ان الايام دى زى مانتوا عارفين البلد واقفه وربنا عالم بالحال وخصوصا ان عربيتى مش تعبانى فى حاجه انا بس كنت عايزاغير واركب اوتوماتيك . انا اسف ان كنت طولت عليكم بس ماليش غيركم يفيدنى

**ahmedalaahosny** · 26-08-2013 12:10 AM

دى عربية جميلة وفخمة جدا وتكيفها حلو اوى بس لو انت ف القاهرة عشان اللى بيشتغلوا فيها هناك سيبك من البافاريه لانهم بيعاملوها ف اسعار قطع الغيار على انها بى ام
ده موضوع لاماكن قطع الغيار مش غالية معقولة
http://www.nilemotors.net/Nile/365849-a.html
بالنسبة لاستهلاك البنزين هى بتعمل 7.6 لتر ف ال100 كيلو بس ده ف الطوالى لكن جوا البلد اكتر
بالنسبة لموضوع 10000 ده مبالغ فيه اوى بالكتير الف ونص ف السنة الواحده

**hanycapoo** · 26-08-2013 02:00 AM

شكرا ياباشا على ردك يعنى رأييك اتكل على الله ؟؟ وهل فيها فئات والا هى كاتجورى واحد ؟؟ وهل فعلا عفشتها وحشه وبتبوظ وواطيه ؟؟

**ahmedalaahosny** · 26-08-2013 02:12 AM

هى اه كانت فئات كان فى فئة اسمها اكسكلوزيف دى كان السقف لون والعربية لون عندى عربية على اول شارعنا لون السقف اسود وهى كريمى فظيعة والفرش بيج بس صاحبها بيهلوس وعايزها بحاجة وتسعين

**ahmedalaahosny** · 26-08-2013 02:17 AM

بص ياسيدى الفئات دى منقولة بس الصراحة مش عارف الفرق بينهم بس اكيد ف شاشات المخادع او ف تكيف تاتش او طارة متحركة او ستارة خلفية كهربا زى ال اسبرانزا a 620 او فيمية مش حاجة جامده اوى

Basic
2.0 F/O A/T

Modern
2.0 F/O A/T

Classic
2.0 F/O A/T

Exclusive
2.0 F/O A/T