استفسارات سريعة في الماروتي

**sameh 81** · 28-08-2013 02:07 AM

السلام عليكم

انا قدامي واحدة ماروتي كويسة موديل 2008 و لكن انا متردد لكذا سبب
اولا اني مش عارف هتقدر تسد معايا في السفر من القاهرة لبورسعيد او اسكندرية مرة كل شهر و لا لأ؟؟؟
ثانيا و ده مهم جدا كمان انا بصراحة رجلي تقيلة و سمعت قريت في كذا موضوع انه اسطوانة الدبرياج مبتستحملش فهل الكلام ده صحيح و ان كده فهل له علاج ؟؟؟؟

كنت عايز اعرف من باب العلم سعة التنك و التنك يعمل كام كيلو ؟؟!!!

**sameh 81** · 28-08-2013 02:09 AM

و فيه كلام عن انها حلة او علبة صفيح بتشويك في الصيف !!!!!

**Mecha** · 28-08-2013 06:00 AM

It is very good car , but do not overload it
it is good for 1 or 2 persons
not 20

**MEGO802** · 28-08-2013 10:22 AM

الماروتى متقلقش تستحمل كل مشاويرك
انا رحت بيها اسكندرية ومرسى مطروح كمان
وزى الفل معايا على الطريق
هو التانك بتاعها 28 لتر وبتعمل فى الصفيحة اللى هى 20 لتر تقريبا 340 كيلو فى السفر جوا البلد تعمل تقريبا 220 الى 240 كيلو

**lidosasa** · 28-08-2013 01:06 PM

العربية مفيش فيها أى مشاكل غير 3 حاجات لازم تعمل حسابهم قبل الشراء
مش عائلية يعنى فردين أو 3 غير كده يبقى حمل زيادة والعربية بتطلع فى الروح
شكلها قلة خالص على الطريق
مفيش فيها تكييف وتقفيلها وعزلها سىء جداً يعنى فعلاً شواية فى الصيف

**sameh 81** · 28-08-2013 06:39 PM

المشاركة الأصلية كتبت بواسطة lidosasa

العربية مفيش فيها أى مشاكل غير 3 حاجات لازم تعمل حسابهم قبل الشراء
مش عائلية يعنى فردين أو 3 غير كده يبقى حمل زيادة والعربية بتطلع فى الروح
شكلها قلة خالص على الطريق
مفيش فيها تكييف وتقفيلها وعزلها سىء جداً يعنى فعلاً شواية فى الصيف

طيب و مفيش حل لموضوع الساونا ؟؟؟؟؟

واضح انك عانيت من شكلها و حجمها ههه

**sameh 81** · 28-08-2013 06:48 PM

استفسار تاني عن الشفاط اللي ناس بتشده و بتفتحه و تقفله

هوه ايه الشفاط ده اساسا ؟؟؟

**max100x** · 28-08-2013 06:51 PM

الماروتي عربيه كويسه و ينفع يتركب ليها تكييف لكن العربيه يدوب 37 حصان فتخلي بالك انها علي ادها

بالنسبه للشفاط ... عباره عن واير متوصل بالكاربراتير علشان لما تحب تسخن العربيه الصبح

**lidosasa** · 28-08-2013 08:18 PM

العربية بيركب ليها تكييف ودا بيتكلف من 2700 إلى 3000 جنيه
بالنسبة ليا أنا بعمل 3 أو 4 مشاوير فى اليوم كل مشوار مش بيزيد عن 10 دقايق والعربية 37 حصان فالتكييف كفاءته مش حتبقى عالية بحيث إنه يبرد العربية فى ال 10 دقايق دول فبصراحة مش طالبة أدفع 3 آلاف جنيه عشان النص ساعة المتفرقة اللى ببقى راكب فيهم العربية . والتكييف بيأثر على سحب العربية وعلى أداء الموتور وأنا مشاويرى جوه البلد وفيه مطالع محتاج فيها عزم العربية كله .
بالنسبة ليك مشاويرك طويلة فى طرق مفتوحة أقفل الإزاز وشغل التكييف والعربية حتجرى معاك عادى مع التكييف بس أعتقد إنها مش حتزيد عن 100 كيلو فى الساعة مع التكييف .
بالنسبة للعربية عامة فهى والله اصيلة وجرايه وعشرية وبتعمل بلقمتها والتسارع بتاعها ممتاز