الموضوع: استفسار عن السنتر لوك

مستني ردودكم يا شباب .

المفروض انك و انتا قافل السنتر لوك الأبواب اللي ورا
لو حاولت تفتحها من جوا او من برا متفتحش و المسوجر لو حاولت تفتحه مش هيفتح معاك برضو
لأن دي حماية للأطفال
انما الأبواب الأمامية لو حاولت تفتحها و السنتر مقفول هتلاقيها بتفتح معاك

الشرح مش وافي
مهو طبعا ميتفتحش لا من بره ولا من جوه ما دمت قفلته وبعدين هل إنت مركب سنتر جديد إشرح الحالة عشان نديك العلاج الشافي ومتفضلش تحرق بنزين عالفاضي

المشاركة الأصلية كتبت بواسطة ahmedjemy

السلام عليكم يا اجمل منتدي :) عندي استفسار ياريت حد من الشباب يساعدني بالرد علية , لما بقفل السنتر لوك البابين اللى ورا ما بيرضوش يفتحو من جوة ولا من برة !! انا قولت ممكن اللوك اللى بيبقى من جنب الباب مقفول بس لما راجعت لقيت كل حاجة مظبوطة مش عارف بقى الموضوع ده عيب اية فيوز ولة حاجة تانية ؟ ياريت اللى عارف معلومة يساعد ولكم جميعا جزيل الشكر .

[overline]مع انك طلبت حد يساعدك من الشباب يعنى العواجيز اللى زى سيادتى يمتنعوا ، لكن أنا حارد عليك .. شوف ياسيدى مفيش أى مشكله فى الحكايه دى بالفعل السنتر لوك بيمنع فتح البابين اللى ورا من جوه ومن برة وده من أجل الأمان باعتبار ان ورا مخصص للأطفال ، وده موجود حتى فى العربيات اللى مسوجرها عادى بانزال اللسان أقصد اللى موش سنترلوك .. طيب حل المشكلة دى ازاى .. امامك طريقتين الأولى تدوس على زرار فتح السنتر لوك لفتح مسوجر كل الأبواب والحل التانى تشد لسان المسوجر بتاع الباب اللى عايز تفتحه لأعلى حتلاقى الباب بعدها ممكن يتفتح من برا ومن جوه عادى جدا . [/overline]

يعنى انت عاوز تبقى قافل الللوك و البابين اللى ورا يفتحو من برا ازاي؟

متشكر جدا على كل الردود والمساعدات وبالنسبة للاستاذ highrosetta احب اقولة ان الشاب شباب القلب ومدام حضرتك معانا فى المنتدي يبقى اكيد من الشباب :) واحنا ملناش بركة الا بيكم , انا عارف ان السنتر لما يتقفل اللى برة ما يقدرش يفتح الباب لاكن اللى جوة يقدر يطلع عادي , ولو خايف الاولاد ورا يفتحو الباب يبقى تقفل القفل اللى بيبقى فى جنب الباب شكلة عامل زي دراع صغير بيجي يمين وشمال علشان تلغى ان حد يفتح من جوة انا بحاول ارفع صورة القفل ومش عارف وهجرب ارفعه تاني وبالنسبة للسنتر لوك هو زي ما استلمتة مع العربية معدلتش فية اي حاجة ولا مركب انذار . شكرا لردودكم وتعاونكم :)

Automobiles | vinodvv

فى نص الصفحة هتلاقى صورة لقفل باب اللوجان ونفس الشكوى من الراجل بس هو لما فتح اللوك الباب فتح انا بقى الباب ما بيرضاش يفتح من جوة الا لما افتح السنتر !!! هو انا فاهم غلط مش المفروض السنتر لما بيبقى مقفول اي حد يطلع من جوة العربية عادي ولو حبيت تقفل الباب ما يفتحش من جوة تقفل اللوك اللى فى الصورة , انا فاهم صح ولا غلط واسف جدا على سوء الشرح .

The Devil in my Mahindra Renault Logan | vinodvv