رعشة في ال rpm مع التكييف - جراند بونتو

**Anti_virus_abdo** · 28-08-2013 06:42 PM

يا جماعة النهاردة كنت واقف راكن العربية و مشغل التكييف و باصص في الموبايل عادي لقيت فجأة العربية بتتهز كأنها هتطفي و تكمل كل 5 ثواني, ببص عال ال rpm طبعا هو المفروض بالتكييف يعلي شوية عن ال 1000 دا العادي بيبقي كدا و فجأة ينزل عند ال 500 كأنها هتطفي و يطلع تاني كل 5 ثواني, لما طفيت التكييف الrpm ثبت عند 800 عادي جدا من غير اي رعشة, الي فهمته ان الكمبروسر بتاع التكييف بيفصل و يشتغل بسرعة اوي (نص ثانية مثلا) فده بيعمل تخريف ال rpm عشان مش بيلحق طبعا يضبط نفسة علي تغيير الاحمال
دا شحن تكييف دا ولا اية؟؟ انا طفيتة لحسن الكمبروسر يطير, بس خايف يكون الكمبروسر فيه حاجة فهل دي اعراض شحن عادية؟ ولا كدا فيه حاجة؟

**3ateef** · 28-08-2013 06:45 PM

تقريبا حساس الايدل..

**Mostafa Hessen** · 28-08-2013 06:47 PM

المشاركة الأصلية كتبت بواسطة 3ateef

تقريبا حساس الايدل..

تمام
حساس الإيدل عاوز تنظيف
وبالمرة نظف البوابة

**aldesha989** · 28-08-2013 07:03 PM

شغل التكيف وشوف الكمبروسيسور فى حوض العربيه بيفصل زى ما انتا بتقول ولا لا وفى الغالب زى ما الشباب قالولك

**Ahmed Amin** · 28-08-2013 07:15 PM

المشاركة الأصلية كتبت بواسطة Anti_virus_abdo

طب يا جماعة مش لو كان حساس الايدل كان رعش في السلانسية حتي لو من غير تكييف؟ دا مش بيحصل البيحصل بالتكييف بس عشان (اعتقد) الكمبروسر بيفصل لنص ثانية و يشتغل تاني علي طول كل 5 ثواني

أنت كلامك مظبوط,, عشان كدا دي قواعد الفتيس مش حساس أيدل,

في قاعدة عندك أتاكلت خالص وعايزة تتغير.

**Ahmed Amin** · 28-08-2013 07:59 PM

المشاركة الأصلية كتبت بواسطة Anti_virus_abdo

تمام يا باشا بس بردة مش القاعدة دية هي البتعمل الهزة الجامدة دية لما ال rpm ينزل اوي و تبقي هتطفي, بس ايه سبب نزول ال rpm اصلا؟ انا يا جماعة الي قصدي ان التكييف مش طبيعي يفصل كل 5 ثواني نص ثانية بسرعة كدا و هي دي البتنزل ال rpm دا الي قصدي علية
مش اكيد التفسير دا بس حساس الايدل انا بستبعدة عشان من غير تكييف مش بيحصل حاجة

هوا المفروض القاعدة طبعاً متخليش ال rpm ينزل, بس الماتور لو مش مظبوط والقاعدة أتاكلت دا بيبرجل ال rpm يعني انا كان بيعلي عندي فوق الطبيعي ومكنتش العربية بتسحب بسهولة وبحس برجرجة ملحوظة لما بقف وهيا عال D لدرجة أن المراية كانت بتتهز من كتر الهزة.

بس علي كلامك لو بيفصل كل شوية ممكن تكشف علي الكومبريسور والدينامو عن حد بتاع تكييف أو في التوكيل لو لسه جديدة عشان متخاطرش بحاجة بيهم في الكشف برة.