سويفت ديزاير ولا رينو لوجان

**cupid** · 30-08-2013 12:38 PM

استقريت والحمد لله
ان افضل سياره اوتوماتيك اقل من 100000
رينو لوجان
بس ظهرت قدامى سويفت ديزاير
لكن معرفش حاجه عنها ولا عن التوكيل وقطع الغيار
لو فى حد اتعامل مع العربيه او التوكيل ياريت يفدنى
فى الاختيار بين العربيتين

**aliabdo** · 30-08-2013 01:02 PM

بص بلاش عربيه جديده فى السوق محدش عارف لها حاجه و لا قطع غيار خليك فى الموجود من فتره حتى لو قليل
الوجان مع صحبي مش حاببها الصراحه لو تقدر تزود 20 شوف التيدا او الجراند بونتو اوتو

**D . a .\ AYMAN** · 02-09-2013 09:44 PM

هي مشكلة السويفت ديزاير الوحيدة ... إني مش شايفها في السوق خالص وما شوفتش حد راكبها لغاية دلوقتي ... وده معناه إنك في حالة الحاجة لقطعة غيار من القطع الغير مستهلكة زي الفوانيس أو الأبواب أو الحاجات اللى زي كدة هاتواجه مشكلة وهاتبقى تحت رحمة التوكيل من الأول للآخر

لكن من ناحية العربية نفسها .. أنا أفضلها عن اللوجان مائة مرة كمان وشايفها عربية تحفة من جميع الزوايا

أولا أنا بحب سوزوكي ودرجة كفائتها في الأساسيات سوا مواتير أو عفشة بصراحة عربيات محترمة جدا بس للأسف مش واخدة حقها في مصر

ثانيا .. عربية وزنها خفيف ومناسب جدا لحجم موتورها (1200) سي سي ... واستهلاكها في الوقود بعد تجربتي للألتو هايكون ممتاز وأفضل كمان من الألتو .. لأن وزنها مقارب للألتو إلى حد كبير وفي نفس الوقت موتور أقوى حاجة بسيطة تخليه يقدر يشد في السفر شوية عنها

أنا روحت شوفتها في معرض من فترة قريبة ... وبصراحة تقفيلها رائع بكل ما في الكلمة من معاني ... والتابلوه بتاعها تصميمه جميل جدا ويبعث على الهدوء ... واللى شوفتها كانت ألوانها من جوة بيج فاتح جدا وكان تحفة عليها (طبعا في ناس هاتقول عليه عيب عشان هايتبهدل بسرعة) بس بصراحة وهو جديد كان خاطف النظر من جماله

واللى أفتكره إني في نفس اليوم روحت شوفت البيكانتو ... وما عجبتنيش من جوة زي السويفت ... ولا حتى من برة ... السويفت من برة ومن جوة تتفوق بمراحل سواء عن البيكانتو أو اللوجان

وعموما هي ما ينفعش تتقارن باللوجان إلى حد ما لأن اللوجان 1600 وعربية واسعة جدا من جوة وشنطتها كبيرة

**Amr Axel** · 03-09-2013 08:53 PM

المشاركة الأصلية كتبت بواسطة d . A .\ ayman

هي مشكلة السويفت ديزاير الوحيدة ... إني مش شايفها في السوق خالص وما شوفتش حد راكبها لغاية دلوقتي ... وده معناه إنك في حالة الحاجة لقطعة غيار من القطع الغير مستهلكة زي الفوانيس أو الأبواب أو الحاجات اللى زي كدة هاتواجه مشكلة وهاتبقى تحت رحمة التوكيل من الأول للآخر

لكن من ناحية العربية نفسها .. أنا أفضلها عن اللوجان مائة مرة كمان وشايفها عربية تحفة من جميع الزوايا

أولا أنا بحب سوزوكي ودرجة كفائتها في الأساسيات سوا مواتير أو عفشة بصراحة عربيات محترمة جدا بس للأسف مش واخدة حقها في مصر

ثانيا .. عربية وزنها خفيف ومناسب جدا لحجم موتورها (1200) سي سي ... واستهلاكها في الوقود بعد تجربتي للألتو هايكون ممتاز وأفضل كمان من الألتو .. لأن وزنها مقارب للألتو إلى حد كبير وفي نفس الوقت موتور أقوى حاجة بسيطة تخليه يقدر يشد في السفر شوية عنها

أنا روحت شوفتها في معرض من فترة قريبة ... وبصراحة تقفيلها رائع بكل ما في الكلمة من معاني ... والتابلوه بتاعها تصميمه جميل جدا ويبعث على الهدوء ... واللى شوفتها كانت ألوانها من جوة بيج فاتح جدا وكان تحفة عليها (طبعا في ناس هاتقول عليه عيب عشان هايتبهدل بسرعة) بس بصراحة وهو جديد كان خاطف النظر من جماله

واللى أفتكره إني في نفس اليوم روحت شوفت البيكانتو ... وما عجبتنيش من جوة زي السويفت ... ولا حتى من برة ... السويفت من برة ومن جوة تتفوق بمراحل سواء عن البيكانتو أو اللوجان

وعموما هي ما ينفعش تتقارن باللوجان إلى حد ما لأن اللوجان 1600 وعربية واسعة جدا من جوة وشنطتها كبيرة

اتفق مع د \ أيمن
للأسف العربية مش منتشرة و نادرا لما الاقيها في الشارعو مش عارفين اي حاجة عن قطع غيارها
خليك في حاجة منتشرة و قطع غيارها متوافرة و رخيصة