برجاء المساعده

**لوجي لوجي** · 30-08-2013 01:11 PM

صباح الخير لكل الاعضاء الحلوين..انا استلمت عربيتي لوجان 2013 كامله اتوماتيك من حوالي اسبوعين وهي ماشاء الله عربيه ممتازه بس انا عندي مشكله خطيره
عداد البنزين مش بينزل منه ولا شرطه رحت البنزينه مره فولت 20لتر ومره 25 ومؤشر العداد زي ماهو مش بيتحرك ولا بينقص رغم استهلاك البنزين...يعني باختصار انا مش بعرف انا استهلكت اد ايه ومتبقي معايا كام لتر .....................اعمل ايه؟؟؟؟؟؟؟؟؟؟؟؟؟؟

**eleanor** · 30-08-2013 02:42 PM

غالبا ممكن تكون مشكله فيوز او فيشه العوامه مهزوزة حضرتك روح التوكيل هايعملوها وانت واقف ان شاء الله
والف مبروك على العربيه

**saddam** · 30-08-2013 02:59 PM

يا إما تروح للتوكيل يكشفلك على مقاومة العداد أو العوامة.داخل التنك واﻷفضل من التوكيل طبعا تروح للراجل جنب البنزينة اللي تحت كوبري الدقي حيحللك الموضوع وطبعا إنت تقدر تعرف إستهلاكك بواقع تصفر عداد الرحلات مع كل تموينة وتعتبر معدل إستهلاك عربيتك 10 كيلومتر لكل لتر بنزين هي طبعا عربيتك بتمشي حوالي 12 كيلو باللتر بس إنت خليك في اﻷمان وإعتبرها 10 كيلو لكل لتر

**gebreel** · 31-08-2013 01:29 AM

يا باشا عادي تلاقي اللي حطلك بنزين ملالك لحد الزور و دي لوحدها حوالي 10 لتر و الشرطة الاولى اصلا بتقعد كثير، يعني انا مرة كنت مسافر السخنة و فولت لحد الزور و تكييف و شنط و سرعة 120+ و واصل السخنة بشرطة واحدة نزلت وانا داخل القرية اللي هي قرب الزعفرانة ب 30 كيلو =)