رادياتير اللوجان

**amir872** · 30-08-2013 09:13 PM

عندى سؤال مهم جدا ارجو الرد عليه منك و من جميع اللى بيفهموا فى اللوجان
ظهرت مشكلة ليا كبيرة امبارح انى الرادياتير بتاعى باظ تماماً ولازم يتغير وذلك نظرا لانة طلع نوع المية الخضرا اللى بحطها شكلها مضروب( جيركن 20 جنية) و انا دلوقتى العربية عند الميكانيكى و بعت اجيب رادياتير جديد من القاهرة و بيقت متحير اوى اركب نوع اية فى الاخر لقيت نوع تركى 550 جنية و ربنا يستر لانة النوع اللى كان راكب فيها اصلا هو رومانى .سؤالى دلوقتى اى الانواع من الميه احطة فى الرادياتير و مايعملش مشاكل تانى زى كدة لانة فى ناس قالت تحط مية حمرا بتاعة موبيل او مية خضرا بتاعة التوكيل رينو اصلا....ارجو الرد سريعاً من فضلكم

**miguel** · 30-08-2013 09:34 PM

من الاخر موبيل 1 تركيز 30% او 33%

**amir872** · 30-08-2013 09:49 PM

اشكرك كتير على الرد
بس يا ترى موبيل ولا توال افضل
ولون المية خضرا ولا الحمرا افضل .انا عاوز اعرف نوع المية و لونها اللى فى التوكيل
و هل عندك فكرة بكام جيركن المية 4 لتر

**gebreel** · 31-08-2013 01:27 AM

التوكيل بيحط توتال بتبقى ميه حمراء

سواء توتال او موبيل ال2 كويسين بس ميبقوش مضروبين يعني تجيبهم من البنزينة بتاعتهم اما ميه حمراء او خضراء فدي بتفرق في درجة حرارة كل واحدة من كام لكام يعني تقريبا على ما اذكر ان الحراء بتبقى من درجات حرارة قليلة جدا علشان البلاد اللي درجة الحرارة بتبقى قرب ال0 و الخضراء عادية و ال 2 درجة حرارتهم مبتوصلش للغليان عند ال100 فهي مش هتفرق اوي

**walloo1978** · 01-09-2013 12:20 AM

المشاركة الأصلية كتبت بواسطة amir872

اشكركم كتير يا جماعة انا استفدت منكم كتير و فعلا جيبت موبيل بـ 80 جنية 4 لتر بس تقريبا هاتحتاج انى اجيب لتر كمان لانى بعد لما مشيت بيها قلت المية تحت المنيمم بحتة كدة
لكن محدش قال رائه فى انى ركبيت رادياتير صناعة تركى ؟؟؟؟

أنا لي صديق مركبه من ٤ شهور و مفيش أي مشاكل

**mazenzyad** · 01-09-2013 05:52 AM

ميه حمرا توتال

**alysaad** · 01-09-2013 12:27 PM

ان كان معايا مازدا 323 لمدة 23 سنة عمرى محطيت مياه غير المياه الناتجة من جهاز تكييف المنزل وعمر ما غيرت اي جزء من دورة التبريد (مياه التكييف خالية من اع نوع من الاملاح)