استفسار عن عطل في ماكينة زجاج السيارة

**egman** · 01-09-2013 02:40 PM

السلام عليكم ورحمة الله وبركاته يا شباب

انا الزجاج بتاع الباب الى جنب السواق مش بيفتح لأ مش بالظبط كده هو لا بيفتح ولا بيقفل اممممممممم برده مش كده تعالوا اقولكم بيعمل اية

هو اولا كهرباء .
ولو فتح ونزل ممكن اوى ما يطلعش الى بالزق بالايد وكمان بيعمل صوت زنه رهيبة لحد ما يقفل واوقات تانية ما بينزلش من بابه .
المهم انا روحت لبتاع الابواب ولما سمع صوته قالى ده ترس فى الموتور بتاع ماكنة الزجاج فك المكنه وفعلا فك الموتور جواه بقى ترس ابيض متاكل هو الى بيعمل الصوت المهم عندك يا باشا قالى هدولك على حاجة عندى افكها منها قلت ماشي المهم يشتغل وفعلا لفى واحد بكام يا عم الحج قالى الترس 150 جنية طبعا انا كان نفسي اقوله حاجات كتير وحشه المهم قلتله شيله وركب القديم ومشيت حتته ترس بلاستيك قطره لا يتعدى 5 سم وبيقولى 150 جنية قلتله انا اروح اشترى باب على بعضه ارخصلى .

المهم يا رجالة ما حدش يعرف بالفعل الترس ده يركب عند بتاع الابواب بكام ؟

والمكنه على بعضها استيراد بكام ؟

تحياتى للجميع ،،

**Saeed-Taha** · 01-09-2013 03:23 PM

متابع..

**mahmoud ghanem** · 01-09-2013 03:31 PM

عندى نفس المشكلة فى نفس الباب بس باختلاف ان الزجاج بينزل عادى جداً و بيطلع ويجى فى نصف السكة تديله زقة بأيدع وبعدين يكمل عادى

ومكسل بصراحة اروح لحد يعملة بس خنقنى وبفكر اعملة قريب بس لو بـــ 150 جنيه يبقى خليه كدة احسن

**saddam** · 01-09-2013 04:00 PM

مكنة.الباب سعرها كاملة كهرباء من 75 إلى 125 ولكن اللي حيركب برضو مش أقل من 50 جنيه يعني مثلا أنا بشتري الطقم ب 300 جنيه للمرسيدس وبركب اﻷربعة ب 100 أو 150 حسب اللي أنا طالبه من شغل بس هو طلب منك غالي جدا هو لو قلك 60 كان ماشي بس كده ﻷ

**Mecha** · 01-09-2013 06:39 PM

fit new one
better the car get stolen

**hossamalsadik** · 01-09-2013 07:56 PM

اهلا حسين بيه
- هقلك على حاجه أنتا تاخد الترس ده وتروح بيه النخيلى يمكن تلاقى حاجه شبهه هناك
- اقتراح تانى تجيب مكنه بيظه من اى حد بتاع استيراد يكون رميها وتاخد منها الترس وسعتها مش هياخد منك حاجه بسيطه جدااا
- تجيب مكنه استيراد لما سألت عليها كانت 250ج بالتليفون يعنى منزلتش وسالت وكدا

وطبعا الراجل بتاع الترس ده 150ج بتركيبه بكله لو فصلته شويه يعنى 100ج وكان بتركيبه بكله خلاص توكل على الله ويبقى ريحك من اللف خاصة لو كان قريب منك

**ehab_mansour** · 02-09-2013 09:58 AM

المشاركة الأصلية كتبت بواسطة ibiza

المكنه الاستيراد بتعمل من 200 الى 250 جنيه. الافضل طبعا تجيب واحده استيراد و تخلى القديمه قطع غيار للجديده. و ممكن انت كمان تركبها مش صعبه. انا غيرتها بنفسي.

+1
انا مع هذا الرأي ..... مهما هو فك و صين ماكينة الكهرباء و ركبلها تروس مستحيل هيعرف يقفلها كما كانت .... احسنلك تنزل تشتري واحده استيراد و تركبها انت و تركيبها 5 دقايق بالضبط و بمفتاح 10 و شكرا

بخصوص كلام استاذ محمود عن ان الزجاج اوقات بينزل و وقت الطلوع بيحشر و مش بيكمل للأخر ده بيكون سببه ان الزجاج مش متثبت صح علي الماكينة او مفكوك خفيف (مهوي) و ده محتاج تفك الباب و تعيد تثبيت الزجاج صح علي الماكينة و متوسطن صح و تربطه كويس علي الماكينة و بعدين تجرب او لسه بيحشر هتفك مسامير تثبيت الماكينة في الباب و ترجلشها خفيف يمين شوية او شمال شوية لحد ما يظبط معاك ...... الموضوع بسيط جدا جدا بس فك و اتفرج و فكر هتعمل ايه قبل ما تنفذ

و للعلم يا حسين باشا ... السبب اللي بوظلك الماكينة اللي محتاج تغيرها دي هو نفس سبب حشر الزجاج عند محمود .... خلي بالك و انت بتركب تركب صح و مضبوط و بيطلع و ينزل مرتاح دون مشاكل

**mahmoud ghanem** · 02-09-2013 10:45 AM

المشاركة الأصلية كتبت بواسطة ehab_mansour

+1
انا مع هذا الرأي ..... مهما هو فك و صين ماكينة الكهرباء و ركبلها تروس مستحيل هيعرف يقفلها كما كانت .... احسنلك تنزل تشتري واحده استيراد و تركبها انت و تركيبها 5 دقايق بالضبط و بمفتاح 10 و شكرا

بخصوص كلام استاذ محمود عن ان الزجاج اوقات بينزل و وقت الطلوع بيحشر و مش بيكمل للأخر ده بيكون سببه ان الزجاج مش متثبت صح علي الماكينة او مفكوك خفيف (مهوي) و ده محتاج تفك الباب و تعيد تثبيت الزجاج صح علي الماكينة و متوسطن صح و تربطه كويس علي الماكينة و بعدين تجرب او لسه بيحشر هتفك مسامير تثبيت الماكينة في الباب و ترجلشها خفيف يمين شوية او شمال شوية لحد ما يظبط معاك ...... الموضوع بسيط جدا جدا بس فك و اتفرج و فكر هتعمل ايه قبل ما تنفذ

و للعلم يا حسين باشا ... السبب اللي بوظلك الماكينة اللي محتاج تغيرها دي هو نفس سبب حشر الزجاج عند محمود .... خلي بالك و انت بتركب تركب صح و مضبوط و بيطلع و ينزل مرتاح دون مشاكل

طمنت قلبى ربنا يطمنك
انت اللى بتشجعنى على الفك يا باشمهندس والله
انا بصراحة مفكيتش فرش الباب قبل كدة هفك واشوف الدنيا فيها اية .. هى مش اختراع يعنى

-

-

الموضوع: استفسار عن عطل في ماكينة زجاج السيارة

LinkBack

أدوات الموضوع

عرض

استفسار عن عطل في ماكينة زجاج السيارة - انشر الموضوع فى :

-

-

-

-

-

المواضيع المتشابهه

الاقي ماكينة زجاج فين

ماكينة زجاج كهربائى

تعديل ماكينة زجاج الواجا

ماكينة زجاج كهرباء

شكل ماكينة زجاج الكهرباء

الكلمات الدلالية لهذا الموضوع

المفضلات

المفضلات

ضوابط المشاركة