مشاكل فتيس الفانتازيا 2010 !!

**محمد البدرى** · 02-09-2013 12:43 AM

ملاحظ إن معظم الناس إللى بتحصل معاها مشاكل فتيس الفانتزيا بتبقى 2010 و أنا كمان عربيتى نفس الموديل و الفتيس بيهيس أحيانا و عايز أسافر القاهره للتوكيل بس مانعنى الحظر

يا ترى هو الموديل ده كان فيه مشاكل و بعد كده إتحلت ولا إيه ؟ :(

**طارق _عبد السلام** · 02-09-2013 01:37 AM

مفيش الكلام ده

**inspiron** · 02-09-2013 01:52 AM

عربيتي 2010 وعاملة 114000 كم والفتيس زي السكينة في الحلاوة الحمد لله.رغم الشد والجري والسفر لمسافات والسير في اوقات زحمة نفخ طوال اليوم

**طارق _عبد السلام** · 02-09-2013 02:04 AM

لاحظ ان ولا موضوع من اللى حضرتك قرأته مع تكبير الموضوع والكلام ان الفتيس بايظ ولن ينفع ان مفيش ولا عربيه منهم راحت لتوكيل معتمد واتعرف المشكله فين
ولكن كله فتى صنايعيه وممكن يكون الموضوع قواعد موتور او مشكله كنترول او غسيل فالف يعنى ممكن تخلص وتتظبط
فلا داعى للتشائم
تعرف انا بتعامل ازاى مع العربيه عمرى ما بشد الهاند بعد p بشد الهاند على n وبعدين بجيب p

علشان لو العربيه اتخبطت لاقدر الله او واحد زق العربيه محملش على الفتيس

وعمرى ما اجيب r غير وانا متأكد ان العربيه وقفت تماما
انا بشوف ناس بتعامل الفتيس الاوتو زى المانيوال يعنى ممكن قبل ما العربيه تقف يكون حاطط العصايه على b بكده الفتيس ممكن يتدمر وبعدين بردوا موضوع الكيك داون عمال على بطال كل ده بيدمر الفتيس

**Moratoz** · 02-09-2013 05:11 PM

ساعات بيبقي مواضيع بسيطه لكن الخوف هوا من يهولها
فموضوع العربيه ٤٥ الف كيلوا موضوعها كله ممكن يكون زيت الفتيس ناقص او عاوز يتغير بس كل فتي من الصنيعيه وعلي فكرة انا لم اصادف احد فعلا احتاج يغير فتيس