استشاره فنيه ميكانيكيه

**samehshokry** · 02-09-2013 09:05 PM

كنت عايز اقولكم اللي حصل معايا انهارده
من فتره كبيره بشتكي ان الزيت بيقل ، و زي ما ناس كتيره نصحتني هنا اني اكشف علي كبس الموتور
روحت لواحد ( في الغردقه ) لقيت عنده مقياس ( عامل زي بتاع هواء الكاوتش ) بس بتربط بقلاووظ مكان البوجيه . و قالي دور وانت دايس علي اخر الاكسراتير
والنتيجه كانت كالتالي
بوجيه 1 - 4.5
بوجيه 2 و 3 و 4 ----- نفس المقاس 5.5
قولتله مش فاهم ايه الارقام دي ..
قالي العادي لما بيبقي 10 - 11 - 12 ... اللي هو تقريبا 75 - 80 %
انما مقاساتك دي يعني حوالي 25 % .............. ( و انا برده مش مرتاح لتقديراته دي ، اللي هاممني المقاس )
قالي محتاجه شنبر وطالما هتفك يبقي طقم الشنبر كله ( يا حلاوه )

السؤال اللي بعده
هو مش الشنبر ده بيبقي ليه اعراض ؟ يعني تلاقي دخنه بيضه من الشكمان او من مقياس الزيت ، تلاقي العمه معرقه زيت ، سحب العربيه يبقي ضعيف ؟الكلام ده مش موجود عندي . و خصوصا انك بتقولي ان المقاسات زفت ، يعني المفروض العربيه الاقيها بطه معايا .. انما انا ماعنديش الكلام ده
انا كل اللي بشتكي منه هو نقص الزيت بــــــــــــــــــــــــ ـــــــــــــس

راح مشيك بنفسه و قالي اه صح مافيش الحاجات دي .... الحاج او الباشمهندس هما اللي يقولولك بقه ! (((((( هاتولي الباشمهندس او الحاج )))))))

جه الباشمهندس و برده بص علي اعراض الشنبر و قالي مش شنبر
سأل : العربيه بتاكل زيت ؟
قولتله : ايون
بتاكل زيت قد ايه ؟
قولتله : في الغيار ( 3000 كيلو ) ممكن ازود مرتين مثلا ، كل مره مثلا بربع كيلو ( اقصي حاجه زودتها كانت 3/4 كيلو )
قالي : يا باشمهندس دي ما اسمهاش بتاكل زيت ، بتاكل زيت يعني تحطلها قد اللي حطيته في الغيار كله . تزود لها بتاع 2 - 3 كيلو ....
طب و العمل
قالي دي صبابات ...
الصبابات ممكن تكون مسربه زيت و عايزه تتظبط او تتغير و يتعملها روديه و الذي منه
و هتكلف 250 جنيه المصنعيه بالخراط و 150 صبابات جديده .( يعني كله 400 جنيه )

ايه رأيكم في الكلام ده يا اساتذتنا

**MITSUKERO** · 02-09-2013 10:18 PM

هتفك تعمل الصبابات و هتعمل طقم شنبر برضة

هات من الاخر و اعمل طقم شنبر

http://www.nilemotors.net/Nile/329008-99.html
شوف ده و فك و اعمل مرة واحدة

بالمناسبة العربية عاملة كام كيلو ؟

**amro0000** · 02-09-2013 10:25 PM

والله شوف ياباشا انا مش فاهم في الميكانيكا اوي بس رأأي الشخصي انك تبوص ليكون فية اولسيهات ضاربة وحاول تبوص تحت العربية شوف فية تسريب زيت ولا لاء لو ملاقتش يبقي اكيد حاجة من الي قولت عليهم بس عاوز اقولك حاجة انتة كنت في ورشة والورشة فيها صنايعي واتنين ودة بكلمة ودة بكلمة من الاخر كدة اما تشوف الوضع كدة المفروض انتة اصلا تشك في الصنايعية كلهم وبصراحة بما ان الموضوع دخل في خراطة وفك موتور وصيانه جوة الموتور بلزات انصحك بلتوكيل اكشف حتي علي العربية هناك واعرف محتاجة اية انتة ممكن موتورك يبقي فية مشكله بسيطة وطبعا الميكانيكي عاوز يعمل مصلحة انا اسف في التعبير وبعدين لاحظ حاجة انتة في الغردقة مش زي القاهرة اكيد الميكانيكي هناك مش شغال كل يوم وبعدين بصلها بلزاوية دي 2صنايعية في نفس المكان وواحد يقولك رأي والتاني يقولك رأأي اومال اما تفك هيعملو معاك اية نصيحة لوجة الله متلعبش في الموتور بلزات اصل دي مش عفشة ولا مساعدين ولا جلب مقصات وحجات بتتفك وتتركب دا موتور عربية وفك موتور عربية حاجة مش صغيرة ومادام الورشة فيها اكتر من صنايعي وكله بيقول رأي مختلف عن التاني يبقي من الاخر تفك منهم احسن وتحاول تشوف ميكانيكي تاني تروحله وتسأله بردة عن المشكله يا اما نصيحتي ودة الصح انك تضحي بكشف في التوكيل اة هيكلفك ممكن فلوس شوية بس هناك هتكون مرتاح ومطمن وانا عارف وفاهم ان دا مش وقت توكيلات والناس ظروفها ربنا العالم بيها بس بصلها بنظرة ان دي عربيتك الي شيلاك وانشاء الله تكون حاجة بسيطة بأذن الله

**eng.salama93** · 03-09-2013 12:37 AM

علي فكره مش عشان العربية محتاجة طقم شنبر يبقي سحبها ضعيف .... بالعكس دا سحبها بيزيد عن الوضع العادي بكتير

**samehshokry** · 03-09-2013 01:45 PM

المشاركة الأصلية كتبت بواسطة mitsukero

هتفك تعمل الصبابات و هتعمل طقم شنبر برضة

هات من الاخر و اعمل طقم شنبر

http://www.nilemotors.net/nile/329008-99.html
شوف ده و فك و اعمل مرة واحدة

بالمناسبة العربية عاملة كام كيلو ؟

انا قريت التقرير بتاعك . بصراحه شغل تمام . بس كنت عاوز اسال علي حاجه كده
ايه الجهاز اللي قاسوا بيه ده اللي اسمه البوكوليس.
اصل انا اعرف ميكانيكي شاطر جدا في القاهره بس يمكن ماعندوش امكانيات و اجهزه و الكلام ده . ولا هو مش هيحتاج اجهزه و هتعتمد في الاساس
علي حرفيته ؟
العربيه عامله مش كتير . ١٢٣ الف كيلو

**samehshokry** · 03-09-2013 03:16 PM

المشاركة الأصلية كتبت بواسطة amro0000

والله شوف ياباشا انا مش فاهم في الميكانيكا اوي بس رأأي الشخصي انك تبوص ليكون فية اولسيهات ضاربة وحاول تبوص تحت العربية شوف فية تسريب زيت ولا لاء لو ملاقتش يبقي اكيد حاجة من الي قولت عليهم بس عاوز اقولك حاجة انتة كنت في ورشة والورشة فيها صنايعي واتنين ودة بكلمة ودة بكلمة من الاخر كدة اما تشوف الوضع كدة المفروض انتة اصلا تشك في الصنايعية كلهم وبصراحة بما ان الموضوع دخل في خراطة وفك موتور وصيانه جوة الموتور بلزات انصحك بلتوكيل اكشف حتي علي العربية هناك واعرف محتاجة اية انتة ممكن موتورك يبقي فية مشكله بسيطة وطبعا الميكانيكي عاوز يعمل مصلحة انا اسف في التعبير وبعدين لاحظ حاجة انتة في الغردقة مش زي القاهرة اكيد الميكانيكي هناك مش شغال كل يوم وبعدين بصلها بلزاوية دي 2صنايعية في نفس المكان وواحد يقولك رأي والتاني يقولك رأأي اومال اما تفك هيعملو معاك اية نصيحة لوجة الله متلعبش في الموتور بلزات اصل دي مش عفشة ولا مساعدين ولا جلب مقصات وحجات بتتفك وتتركب دا موتور عربية وفك موتور عربية حاجة مش صغيرة ومادام الورشة فيها اكتر من صنايعي وكله بيقول رأي مختلف عن التاني يبقي من الاخر تفك منهم احسن وتحاول تشوف ميكانيكي تاني تروحله وتسأله بردة عن المشكله يا اما نصيحتي ودة الصح انك تضحي بكشف في التوكيل اة هيكلفك ممكن فلوس شوية بس هناك هتكون مرتاح ومطمن وانا عارف وفاهم ان دا مش وقت توكيلات والناس ظروفها ربنا العالم بيها بس بصلها بنظرة ان دي عربيتك الي شيلاك وانشاء الله تكون حاجة بسيطة بأذن الله

انا متشكر جدا علي نصيحتك .
بس انا فعلا عملت اللي انت بتقول عليه ده . وريت العربيه لكذا واحد .( حوالي ٥ او ٦ صنايعيه ) . كذا واحد قالي شنبر بس مش مقتنع بالشنبر عشان اعراض الشنبر مش موجوده عندي
فيه واحد تاني قالي ( طقم دلايات ) بس ماسمعتهاش من حد تاني بصراحه
واحد تالت قالي غطاء وش التاكيهات ، بصراحه قولت يمكن فعلا لان فيه زيت بيجي من تحت البوجيه و علي شمعه البوجيه نفسه
بس لما عملت اختبار كبس الموتور ، قولت يبقي الحكايه اكيد من جوه مش من الغطا
عموما متشكر جدا علي نصيحتك و اهتمامك

**samehshokry** · 03-09-2013 03:20 PM

المشاركة الأصلية كتبت بواسطة eng.salama93

علي فكره مش عشان العربية محتاجة طقم شنبر يبقي سحبها ضعيف .... بالعكس دا سحبها بيزيد عن الوضع العادي بكتير

مش فاهمها الحته دي
هو مش الكبس بتاع الموتور ليه علاقه مباشره مع سحب العربيه و الدليل لما العربيه بتبقي مفوته بتبقي خرابه
و الشنبر بتاع الضغط او الكبس بيبقي حابس الزيت عشان مايروحش لغرفه الحريق. طب لو مسرب زيت هيبقي الكبس مسرب
ده بالاضافه لشنبرين الزيت التانيين
ياريت توضحلي وجهه نظرك

**samehshokry** · 03-09-2013 03:23 PM

سؤال كده
هو الكشف بتاع الكبس اللي هو عملهولي ده ينفع ولا لازم كمبيوتر ؟
و الكمبيوتر ده فين في القاهره ، انا نازل القاهره كده كده بكره

**MITSUKERO** · 03-09-2013 04:55 PM

المشاركة الأصلية كتبت بواسطة samehshokry

انا قريت التقرير بتاعك . بصراحه شغل تمام . بس كنت عاوز اسال علي حاجه كده
ايه الجهاز اللي قاسوا بيه ده اللي اسمه البوكوليس.
اصل انا اعرف ميكانيكي شاطر جدا في القاهره بس يمكن ماعندوش امكانيات و اجهزه و الكلام ده . ولا هو مش هيحتاج اجهزه و هتعتمد في الاساس
علي حرفيته ؟
العربيه عامله مش كتير . ١٢٣ الف كيلو

البوكوليس ده اداة للقياس بتستخدم لقياس الاقطار و الاطوال بالمللي

الكبس بالمكبس التقليدي ده بيقول النتائج الحقيقية بشرط امانة الصنايعي

نقص الزيت المفروض يبقي مصاحبة دخنة بيضاء مع الحرق في حالة طقم الشنبر (يعني ار بي ام فوق ال 4 او ال 5)

الكيلو متر بتاعك قليل جدا علي ان العربية تجيب طقم شنبر بس لو انت مش اول يد ممكن يكون العداد ملعوب فيه او مشيت و الزيت ناقص

موتور الكريستاله بيحتاج شنبر بعد ال 400 الف علي الاقل مع استخدام سيء و علي 700 الف كحد اقصي مع محافظة شديدة

روح ورشة المتخصصون اكشف مش هتخسر حاجة و مش شرط خالص تعمل عندهم هم اساسا عندهم زحمة عربيات و بيقبلوا الكريستاله بالعافية لانها موديل قديم و بيخافوا يكون حد قبلهم عجن فيها و بوظ حاجة اساسية

اكبس تاني في بنزينة مضمونة مش هتخسر حاجة

طقم الشنبر مش بياثر قوي علي السحب زي ما انت فاكر انا كنت بجيب 140 عادي جدا و مشيت سنتين و شوية و العربية بتاكل زيت

لو الكبس التاني نتيجته مرضية يبقي عندك تسريب من احد الاويل سيلز دي :

اويل سيل كرنك خلفي (بين الفتيس و الموتور)
اويل سيل كرنك امامي ( تحت الكاتينة علي الترس السفلي)
اويل سيل كامة (تحت الكاتينة علي الترس العلوي)
اويل سيل طرمبة زيت (تحت طرمبة الزيت و الكاتينة و موال في فكة و رخم جدا)
اويل سيل اسبيراتير (مش بيأثر علي الزيت قوي)
جوان غطاء تاكهات( مش بياثر قوي برضة)
كرتيرة الزيت فيها خرم صغير (حصلت معايا و كانت هي السبب في بداية بوظان الموتور9
طبة الزيت بتسرب
فلتر الزيت بيسرب (مش مربوط كويس او اتعوج اثناء الربط)

ده اللي فاكرة حاليا

والله اعلي و اعلم

**MITSUKERO** · 03-09-2013 04:58 PM

اخر حاجة

لو عايز تمشي شوية بالعربية و هي فعلا فيها شنبر يبقي حط زيت موبيل دلفاك بتاع الديزل

هو 5 كيلو و ارخص
زيت موبيل اللي بيمشي 3000 كيلو بيبقي 4 كيلو زيت فقط و بيبقي اغلي

هتمشي بالدلفاك هتحط كل مرة 3 كيلو و ربع و تمشي و كل ما تنقص هتزود من الاتنين كيلو الا ربع اللي باقيين معاك و هتوفر كمان في ثمن الزيت
الميزة الاساسية انه ثقيل فمش هيتاكل بسرعة
طبعا ده حل مؤقت بس لو الوقت مش سامح تعمل صيانه زي دي