مساعدة على الاختيار : بيجو 301 كامله او كيا سيراتو (هاف) 2014 سعودى

**Elashhab** · 02-09-2013 10:00 PM

السلام عليكم
كنت محتاج اعرف رأيكم ايهم افضل من حيث الكماليات والصيانه وكعربيه عموما ؟!!!
هل البيجو وخدمة التصليح وسيبنا من الوكيل لان ديما بتكون الاسعار مسافرة يعنى لو عطلت هقدر اصلحها برا ؟!؟! ولا لازم توكيل
ونفس الكلام بالنسبه للكيا سيراتو .......... مستنى ردودكم
شكرا

**Elashhab** · 02-09-2013 11:30 PM

هل الفروق كبيرة اوى كدا ولا محدش جرب البيجو ؟!

**M I D O** · 02-09-2013 11:50 PM

القلب يقول سيراتو و العقل يقول بيجو 301

**amrelsaqqa** · 03-09-2013 12:54 AM

هى السيراتو الهاف دي بكام
شوف انت محتاج عربية في الفئة الصغيرة (بيجو) ولا المتوسطة (سيراتو) ولا ما تفرقش معاك !
ده بعيدا عن امكانيات كل عربية وسعرهم حتى لو كان متقارب وحتى لو دى اوروبى ودى كوري ، دى فئة ودى فئة تانية

**M I D O** · 03-09-2013 01:39 AM

المشاركة الأصلية كتبت بواسطة elashhab

طيب معلش ممكن توضح اكتر .... لانى قلقان من تصليج البيجو فى مصر .... وقطع الغيار وغيره

الي اقصدة ان القلب بيقول السيراتو عشان الشكل الجميل جدا و الاوبشن الكتير في العربية وشبابية شوية فتحسسك بالقوة و العقل بيقول بيجو 301 عشان اوروبي يعني تقريبا زي الالماني كدة في الركوبة حاجة عالية جدا وقطع غيار غالية شوية اة بس معمرة جدا وهتركب عربية فعلا مش هتقول يا تصليحات قبل 5 سنين يعني راحة بال ومجرد ان العربية تنتشر شوية ودة فعلا بدء يحصل هتلاقي ناس كتير بدئت تشتغل فيها

**Elashhab** · 03-09-2013 08:17 PM

المشاركة الأصلية كتبت بواسطة M I D O

الي اقصدة ان القلب بيقول السيراتو عشان الشكل الجميل جدا و الاوبشن الكتير في العربية وشبابية شوية فتحسسك بالقوة و العقل بيقول بيجو 301 عشان اوروبي يعني تقريبا زي الالماني كدة في الركوبة حاجة عالية جدا وقطع غيار غالية شوية اة بس معمرة جدا وهتركب عربية فعلا مش هتقول يا تصليحات قبل 5 سنين يعني راحة بال ومجرد ان العربية تنتشر شوية ودة فعلا بدء يحصل هتلاقي ناس كتير بدئت تشتغل فيها

متكشر جدا

**amrelsaqqa** · 04-09-2013 12:39 AM

المشاركة الأصلية كتبت بواسطة Elashhab

لا معلش صغيرة ازاى .... صغيرة من ناحية ايه .... وايهما فئه اعلى واحسن وعلى اى اساس
شكرا

انا حاجز 301 على فكرة ..

بس برضه هى عربية صغيرة ومش عايزين نطلعها من الفئة بتاعتها هى المفروض في فئة الـ sub-compact cars مش الـ compact cars رغم انها واسعة جدا من جوة ويمكن اوسع من عربيات في الفئة اللى بعدها ، ولكن اولا واخيرا عربية صغيرة ..

ممكن تبقى افضل من السيراتو كتحمل واداء ومتعة في السواقة ، ( مش عارف الحقيقة ) ، بس السيراتو فئة اكبر يعنى في نظري ما نقدرش نقول افضل من السيراتو الا لو ثبت ده فعليا وعمليا لكل الناس

(موضوع الفئة ده مهم ، وشوف النيسان صنى الجديدة لما نزلت في الفئة بقت عاملة ازاى )

المفروض كمقارنة بين نفس الفئات يبقى 301 تتقارن بالريو مش السيراتو ، وهنا ممكن نقول دى افضل او دى افضل بمقارنة السعر والامكانيات والاداء
انما سيراتو ، هيبقى موضوع محير وعايز حد درس العربيتين وعارفهم عن قرب ، بس انا رأيي الشخصى بعيدا عن اي حاجة ان السيراتو الجديدة ما تستاهلش تمنها

**Elashhab** · 09-09-2013 10:53 PM

المشاركة الأصلية كتبت بواسطة amrelsaqqa

انا حاجز 301 على فكرة ..

بس برضه هى عربية صغيرة ومش عايزين نطلعها من الفئة بتاعتها هى المفروض في فئة الـ sub-compact cars مش الـ compact cars رغم انها واسعة جدا من جوة ويمكن اوسع من عربيات في الفئة اللى بعدها ، ولكن اولا واخيرا عربية صغيرة ..

ممكن تبقى افضل من السيراتو كتحمل واداء ومتعة في السواقة ، ( مش عارف الحقيقة ) ، بس السيراتو فئة اكبر يعنى في نظري ما نقدرش نقول افضل من السيراتو الا لو ثبت ده فعليا وعمليا لكل الناس

(موضوع الفئة ده مهم ، وشوف النيسان صنى الجديدة لما نزلت في الفئة بقت عاملة ازاى )

المفروض كمقارنة بين نفس الفئات يبقى 301 تتقارن بالريو مش السيراتو ، وهنا ممكن نقول دى افضل او دى افضل بمقارنة السعر والامكانيات والاداء
انما سيراتو ، هيبقى موضوع محير وعايز حد درس العربيتين وعارفهم عن قرب ، بس انا رأيي الشخصى بعيدا عن اي حاجة ان السيراتو الجديدة ما تستاهلش تمنها

متشكر جدا على رأيك ومبروك على البيجو مقدما وانشاء الله تطلع حلوة وتعجبك واول ما تجربها يا ريت تعرفنى رأيك