الموضوع: مشكله في كوبلن الماروتي برجاء المساعده

المشاركة الأصلية كتبت بواسطة alking_2006

كاوتشة الكوبلن بتبقى بحوالى 15 جنيه عند اى محل قطع غيار سوزوكى و يفضل تعملها فى اقرب وقت علشان الكوبلن ميبوظش من الاتربة و اللى بيغيرها الميكانيكى او العفشجى و ان كان يفضل الميكانيكى لأنها شغلانه بسيطة و متنساش تشترى 2 افيز بلاستيك علشان يربط بيهم الكاوتشة و المصنعية حوالى 20 جنيه و تقوله يخرج الكوبلن برا و يغسل بلى الكوبلن بالجاز مطرح ما الكوتشة اتقطعت للتخلص من اى اتربة ممكن تكون دخلت جوا و ينشفه كويس بمسدس الهواء و يكبسه شحم (يفضل تشترى علبة شحم نوعية نظيفة تستحمل الحرارة و تخليه يستخدمه و تاخد العلبة و انتا ماشى و تخليها معاك لأى استخدام مستقبلا) و هتحتاج بعد ما تخلص الحوار دا تعمل ظبط زوايا لأنه هيفك الشمعدان بالكامل علشان يخرج الكوبلن و دا ممكن يخلف زوايا علبة الدركسيون


من خلال تجاربى مع انقطاع كاوتشة الكوبلن اقدر اقولك حاااااااااول تجيب كاوتشة كوبلن تكون الخامة بتاعتها نظيفة لأن معظم اللى فى الاسواق كنت بركبها تقعد سنة و تتقطع تانى
و انصح كل الناس بالكشف الدورى بالنظر على الاربعة كاوتشات بتاعة الكوبلن (داخلى و خارجى يمين و شمال) و الكاوتشتين البيانو بتوع علبة الدركسيون لأنك كدا هتفادى تلف البلى بتاع الكوبلن او علبة الدركسيون

بالتوفيق و ابقى انقلنا تجربتك

كلام سليم جداً
ومتقلقش دى بسيطة خالص روح لواحد عفشجى نضيف وأهم حاجة يخرج الكوبلن بره ويغسله كويس بالبنزبن أو الجاز ويشحم كويس ( يا ريت تشترى الشحم نوع نضيف ) ويكبس ليك الكبالن . نصيحة أخيرة خليه يبص على الكوبلن التانى عشان لو الكوتشة مقطوعة يغيرها بالمرة .
بس أكيد الكوتشة مش بتضرب فى يوم وليلة أكيد كانت مقطوعة من فترة وبتسمع صوت طقطقة من ناحية الكوبلن اللى كوتشته ضربت وخصوصاً فى الملفات

المشاركة الأصلية كتبت بواسطة micromoud

اهم حاجه متخليش اى عفشجى يقنعك ويقولك خد كاوتشه مقاسها اكبر ويربطهالك بافيز ... اشترى الكاوتشه بتاعت العربيه وهاتلك علبة زيت فتيس بالمرة عشان لما يفك الكوبلين زيت الفتيس هينقص منه

فعلاً أنا نسيت اقولك الموضوع ده لآن الكوبلن الشمال لما بيتفك بينقص من زيت الفتيس