ساعدوني في اصعب مقارنة

**عمرو سامي** · 05-09-2013 05:12 AM

انا ناوي ان شاء الله اشتري عربية تحت 280 الف و محتار في كذا حاجة لاني بصراحة محتاج عربية عالية لاني مش طالبة معايا اني احك في المطبات بتنرفز اوي بصراحة لاني بمشي في طرق سيئة احيانا بس في نفس الوقت نفسي اركب عربية صح زي البيجو 508 ف عايز رايكم في الاختيارات دي : انا مش بحب الكوري )
بيجو 508 .. عجبني الراحة و الرفاهية فيها بس برضة لما هتخبط في مطب او حفرة هتضايق اوي يعني
سكودا يتيي ... عجباني انها معقولة في الراحة و الامان و كروس اوفر برضة
سوبارو اكس في ... عجباني في موضوع الثبات والفور وييل درايف و الارتفاع العالي عن الارضز210 مللم وكده بس كماليات او شكل من جوه معدومة
سكودا اوكتافيا ايه 7 ...خرافة بس الفتيس !
سيتروين دي اس 5 .... دي الحلم بس بحسها واطية شوية
مش عارف الاودي ايه 3 سيدان ايه ظروفها لما تنزل بس يعني اهو نذكرها برضه

**Haitham G** · 05-09-2013 10:32 AM

رأى الشخصى بيجو 508

**Ahmed TRAVCO** · 05-09-2013 11:03 AM

انا معرفش الds5 عالية كفاية عن الارض بالنسبة لك ولا لا... بس هقول تاني اني لما اتفرجت عليها اتوهمت بكل ما تعنيه الكلمة!!! حاجة خراااااافة بجد وفعلا هي عربية حلم وتحس انها بعد 10 سنين هيكون شكلها مبتكر لسة...

من بين العربيات اللي حضرتك ذكرتها انا مش قادر اشوف غير الds5 بصراحة...

**M I D O** · 05-09-2013 04:31 PM

انا بميل للاوكتافيا a7

**عمرو سامي** · 05-09-2013 04:51 PM

المشاركة الأصلية كتبت بواسطة M I D O

انا بميل للاوكتافيا a7

هيا حلوة بس الواحد مش عارف الهاي لاين بتاعها ابه ظروفه في الfeatures بس و الفتيس مرعب بصراحة

**عمرو سامي** · 05-09-2013 04:53 PM

المشاركة الأصلية كتبت بواسطة ahmed travco

انا معرفش الds5 عالية كفاية عن الارض بالنسبة لك ولا لا... بس هقول تاني اني لما اتفرجت عليها اتوهمت بكل ما تعنيه الكلمة!!! حاجة خراااااافة بجد وفعلا هي عربية حلم وتحس انها بعد 10 سنين هيكون شكلها مبتكر لسة...

من بين العربيات اللي حضرتك ذكرتها انا مش قادر اشوف غير الds5 بصراحة...

هيا خرافية بصراحة بس الوسع بتاعها من ورا عامل ازاي دي حاجة مهمة بالنسبالي حسيتها لما ركبت 508

**Haitham G** · 05-09-2013 05:16 PM

اللى انا اعرفه عن ال ds5 انها واسعة بص هى بصراحة عربية مميزة وجميلة جدا ستروين كعربية مميزة اوى
بس يعيبها التوكيل مسمعتش عن توكيل ستروين كلام كويس خالص فأنا قولت خليك فى المضمون وقولت بيجو 508 و ربنا يوفقك

**Mohamed said** · 05-09-2013 05:44 PM

على فكره انا فى نفس حيرتك دى. بس انا مدخل معاهم السبورتاج الحقيقه و لانى ساكن فى حدائق الاهرام (كلها شوارع مكسره) وكان نفسى اجيب الدى اس فايف بس للاسف مش قادر اقتنع انها تنفع معايا فى الشوارع المكسره بتاعتنا و لذلك فللاسف انا قريب جدا احتمال اشترى السبورتاج لانها اقرب حاجه للعقل فى ظروفى انا. و بعدين بصراحه توكيل سيتروين مش قادر برضه استوعب انه كويس خصوصا بعد موضوع الاليزيه ده مع ان ناس هنا فى المنتدى معاها ستروين و بتشكر فيه. و انا بصراحه عايز عربيه اجرى بيها مش اجرى وراها فعشان كده قررت اشترى السبورتاج. والله اعلم اذا كان هيجد جديد ولا لأ.